கோர்ட் உத்தரவு... ஜெயிலர் படத்தில் முக்கிய காட்சிகள் நீக்கம்

Aug 29, 2023,09:48 AM IST

டெல்லி : டெல்லி ஐகோர்ட் உத்தரவின் பேரில் ரஜினியின் பிளாக்பஸ்டர் படமான ஜெயிலர் படத்தில் இருந்து முக்கியமான சில காட்சிகள் நீக்கப்பட்டுள்ளது. இது ரஜினி ரசிகர்களிடம் பரபரப்பை ஏற்படுத்தி உள்ளது.

டைரக்டர் நெல்சன் திலீப்குமார் இயக்கத்தில் ரஜினி நடித்த ஜெயிலர் படம் ஆகஸ்ட் 10 ம் தேதி ரிலீசானது. கடந்த இரண்டு வாரங்களாக உலகம் முழுவதும் இந்த படம் வெற்றிகரமாக ஓடிக் கொண்டிருக்கிறது. இதுவரை இல்லாத புதிய வசூல் சாதனையாக ஜெயிலர் படம் ரிலீசான 2 வாரங்களிலேயே ரூ.600 கோடிக்கும் அதிகமாக வசூல் செய்துள்ளது.

சன் பிக்சர்ஸ் தயாரிப்பில் ரம்யா கிருஷ்ணன், வசந்த் ரவி, விநாயகன், சுனில், மிர்னா, யோகி பாபு, ஷிவ் ராஜ்குமார், மோகன்லால், ஜாக்கி ஷரோஃப், தமன்னா உள்ளிட்ட பலர் நடித்துள்ள இந்த படத்திற்கு அனிருத் இசையமைத்திருந்தார். காமெடி, ஆக்ஷன் படமாக உருவாகி இருந்த ஜெயிலர் தமிழ் ரசிகர்கள் மட்டுமின்றி பிற மொழி ரசிகர்களையும் கவர்ந்துள்ளது.

ஜெயிலர் படத்தில் வரும் ஒரு காட்சியில் நடிகர் ஒருவர் ஐபிஎல் கிரிக்கெட்டின் ராயர் சேலஞ்சர்ஸ் பெங்களூரு அணியின் டி ஷர்ட்டை அணிந்திருப்பார். அதில் பெண்களுக்கு எதிரான வாசகங்களும் இடம்பெற்றிருக்கும். இதற்கு எதிர்ப்பு தெரிவித்து ராயல் சேலஞ்சர்ஸ் பெங்களுரு அணி சார்பில் வழக்கு தொடரப்பட்டது.

மிகவும் புகழ்பெற்ற அணியின் பெயருக்கும், புகழுக்கும் இதனால் பாதிப்பு ஏற்படும் என அதில் தெரிவிக்கப்பட்டிருந்தது.

இந்த வழக்கை நேற்று விசாரித்த டெல்லி ஐகோர்ட் நீதிபதி பிரதீபா எம். சிங், பெங்களுரு அணியின் டிஷர்ட் அணிந்திருப்பது போல் வரும் அந்த குறிப்பிட்ட காட்சியை செப்டம்பர் 01 ம் தேதிக்குள் நீக்க வேண்டும் என படத்தின் தயாரிப்பாளர்களுக்கு உத்தரவிட்டார். டிவியில் ஒளிபரப்பும் போதும், ஓடிடி தளத்தில் படம் ரிலீசாகும் போகும் அந்த காட்சிகள் இடம்பெறக் கூடாது என்றும் நீதிபதி உத்தரவிட்டுள்ளார்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!

தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!

அண்ணன் ராம்குமாருக்கு உதவ முடியாது .. கைவிரித்த நடிகர் பிரபு!

வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!

ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும்‌. சட்டசபையில் அறிவிப்பு!

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!