கல்வி உதவித்தொகைக்கான வருமான உச்ச வரம்பை உயர்த்துக : பிரதமர் மோடிக்கு முதல்வர் கடிதம்

Dec 10, 2024,04:43 PM IST

சென்னை: கல்வி உதவித் தொகைக்கான வருடாந்திர குடும்ப வருமான உச்சவரம்பை ரூ.2.50 லட்சத்தில் இருந்து ரூ.8 லட்சமாக உயர்த்த கோரி பிரதமர் மோடிக்கு முதலமைச்சர் ஸ்டாலின் கடிதம் எழுதியுள்ளார்.

இது குறித்து அவர் எழுதிய கடிதத்தில்,பொருளாதாரத்தில் நலிவடைந்த பிரிவினருக்கான வருமான உச்சவரம்பை ஒன்றிய அரசு 8 லட்ச ரூபாயாக மாற்றியமைத்துள்ளதையும், தேசிய வெளிநாட்டு கல்வி உதவித்தொகை மற்றும் ஆதிதிராவிடர் மற்றும் பழங்குடியின மாணவர்களுக்கான உயர்தரக் கல்வி திட்டம் போன்றவற்றில் வருமான உச்ச வரம்பு 8 லட்சம் ரூபாய் ஆக உயர்த்தப்பட்டுள்ளதையும் சுட்டிக்காட்டியுள்ளார். இதன் காரணமாக பின்தங்கிய நிலையில் வாழும் பல மாணவர்கள் மிகுந்த பயனை அடைந்துள்ளனர் என்றும் தெரிவித்துள்ளார்.

அகில இந்திய உயர்கல்வி ஆய்வு தரவுகளின்படி, ஆதிதிராவிடர், பழங்குடியினர் மற்றும் சில பிற்படுத்தப்பட்ட சமூகத்தைச் சேர்ந்த மாணவர்களின் ஒட்டுமொத்த உயர்கல்வி சேர்க்கை விகிதம் மற்ற மாணவர்களைக் காட்டிலும் கணிசமாகக் குறைந்துள்ளது. மக்கள் தொகை எண்ணிக்கையின் அடிப்படையில் ஒப்பிடுகையில், ஆதிதிராவிடர், பழங்குடியினர் மற்றும் இதர பிற்படுத்தப்பட்ட மாணவர்களுக்கான ஒட்டுமொத்த உயர்கல்வி சேர்க்கை விகிதம் வெகுவாக குறைந்துள்ளது. இந்த நிலையை கருத்தில் கொண்டு அவர்கள் உயர் கல்வி நிறுவனங்களில் அதிக எண்ணிக்கையில் சேர்வதற்கு தேவையான வசதிகளை செய்து தருவது மிகவும் அவசியமானது என்றும் அவர் தனது கடிதத்தில் வலியுறுத்தியுள்ளார்.

மெட்ரிக் படிப்புக்கு முந்தையம் மற்றும் மெட்ரிக் கல்விக்கு பிந்தைய உதவித்தொகை, ஆதிதிராவிடர், பழங்குடியினர் மற்றும் இதர பிற்படுத்தப்பட்ட வகுப்பைச் சேர்ந்த மாணவர்களின் சேர்க்கையை அதிகரிக்க கணிசமான பங்களிக்கும். பொருளாதாரத்தில் பின்தங்கிய பிரிவினருக்கான ஆண்டு வருமான உச்ச வரம்பிற்கு ஏற்ப இப்பிரிவினர்களுக்கான உதவித்தொகை காண ஆண்டு வருமான உச்ச வரம்பினை 2.50 லட்சம் ரூபாயிலிருந்து 8 லட்சம் ரூபாயாக உயர்த்தி வழங்கினால், இச்சமூகங்களில் பெரிய அளவில் மாற்றங்கள் நிகழும் எனவும் தெரிவித்துள்ளார்.

எனவே இந்த விவகாரங்களில் இந்திய பிரதமர் அவர்கள் தலையிட்டு, ஆதிதிராவிடர், பழங்குடியினர் மற்றும் இதர பிற்படுத்தப்பட்ட வகுப்பைச் சேர்ந்த மாணவர்களுக்கான மெட்ரிக்படிப்புக்கு முந்தைய மற்றும் மெட்ரிக்கல்விக்கு பிந்தைய உதவித்தொகை திட்டத்திவ் கீழ் வழங்கப்படும் உதவித் தொகைக்கான வருடாந்திர குடும்ப வருமான உச்ச வரம்பினை 2.50 லட்சம் ரூபாயில் இருந்து, 8 லட்சம் ரூபாயாக உடனடியாக உயர்த்தி நீர்ணயிக்க வேண்டுமென வலியுறுத்திக் கேட்டுக் கொண்டுள்ளார்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

ஏஐ தொழில்நுட்பத்தால் வேலைவாய்ப்புகள் பெருகும்.. குறையாது.. முதல்வர் மு.க.ஸ்டாலின் நம்பிக்கை

வணங்கான் படத்தில் நடித்த பிறகுதான்.. என் மீது வெளிச்சமே விழுந்தது.. நாயகி ரோஷினி ஓபன் டாக்!

பாளையத்தம்மன் படம் போல.. உண்டியலில் விழுந்த ஐபோன்.. ரூ. 10,000க்கு ஏலத்தில் எடுத்த உரிமையாளர்.!

நெருங்கும் பொங்கல்.... உயரும் தங்கம் விலை... கலக்கத்தில் வாடிக்கையாளர்கள்

பொங்கல் தொகுப்பு.. சென்னையில் தொடங்கி வைத்தார் முதல்வர் மு க ஸ்டாலின்.. ஜன 13 வரை வாங்கலாம்

கலிபோர்னியாவில் காட்டுத்தீ .. ஆஸ்கர் விருது தேர்வுக்கான பரிந்துரை அவகாசம்.. 2 நாள் நீட்டிப்பு

தொடரும் இலங்கை கடற்படையினர் அட்டூழியம்.. காரைக்கால் மீனவர்கள் 10 பேர் கைது‌..!

tirupati darshan tocken: திருப்பதி நெரிசலில் சிக்கி 6 பேர் பலி.. முதல்வர் மு.க.ஸ்டாலின் இரங்கல்

12 ராசிகளுக்குமான இன்றைய ராசிபலன் - ஜனவரி 09, 2025...யாருக்கு என்ன பலன் காத்திருக்கு?

கல்வி உதவித்தொகைக்கான வருமான உச்ச வரம்பை உயர்த்துக : பிரதமர் மோடிக்கு முதல்வர் கடிதம்

Comments

சமீபத்திய செய்திகள்

அதிகம் பார்க்கும் செய்திகள்