அமைச்சர் உதயநிதி ஸ்டாலின் துணை முதல்வராகிறாரா?.. முதல்வர் மு.க.ஸ்டாலின் சொன்ன அந்த பதில்!

Aug 05, 2024,06:53 PM IST

சென்னை: உதயநிதி ஸ்டாலினுக்கு துணை முதலமைச்சர் பதவி வழங்குவது குறித்து கேள்வி எழுப்பிய செய்தியாளர்களுக்கு தனது தந்தை கருணாநிதி ஸ்டைலில், முதல்வர் முக ஸ்டாலின் நச் என்று பதில் தெரிவித்துள்ளார்.

கடந்த சில நாட்களாகவே அமைச்சர் உதயநிதிக்கு துணை முதல்வர் பதவி வழங்கப்பட உள்ளதாக செய்திகள் வெளியாகி வருகின்றன. இது சம்பந்தமாக பல்வேறு மாவட்டங்களில் உள்ள திமுக கூட்டங்களிலும் உதயநிதிக்கு துணை முதல்வர் பதவி கொடுக்க வேண்டும் என்று நிர்வாகிகள் வலியுறுத்தி வந்தனர்.

இது குறித்து அமைச்சர் உதயநிதியிடமே செய்தியாளர்கள் கேட்டபோது,, ஒவ்வொரு அமைச்சரும் முதலமைச்சருக்கு துணையாகத்தான் இருப்போம். எந்த பதவி வந்தாலும் இளைஞரணி செயலாளர் பதவியே எனக்கு மிகவும் பிடித்தது என்று தெரிவித்திருந்தார். இந்த நிலையில், முதல்வர் ஸ்டாலின் விரைவில் அமெரிக்கா செல்லவுல்ளார். அங்கு அதிக நாட்கள் தங்க உள்ளதால், அவருடைய வேலைகளை கவனிக்கும் வகையில், உதயநிதி ஸ்டாலினுக்கு துணை முதல்வர் பதவி தரப்படலாம் என்ற பேச்சு பலமாக எழுந்தது.

இதுவரை துணை முதல்வர் பதவி குறித்து முதல்வர் முக ஸ்டாலின் எதுவும் பதில் சொல்லாமல் இருந்து வந்தார். இந்நிலையில், சென்னை கொளத்தூர் தொகுதிக்கு சென்ற முதல்வர் பல்வேறு திட்டங்களை ஆய்வு செய்தார். கொளத்தூர் துணை மின்நிலையம், குடிநீர் வழங்கல் மற்றும் கழிவநீர் அகற்றும் நிலையத்தை முதலமைச்சர் நேரில் சென்று ஆய்வு செய்தார். பின்னர் செய்தியாளர்களிடம் அவர் பேசினார். அப்போது முதல்வர் கூறுகையில், சென்னையில் பருவ மழைக்காலத்தில் எந்த அளவு மழை பெய்தாலும் அதை எதிர் கொள்ளக்கூடிய அளவில் தயார் நிலையில் உள்ளோம். சென்னையில் எங்கு மழை நீர் தேங்குகிறது என்று எதிர்க்கட்சிகள் காட்ட வேண்டும். அதற்கு தேவையான அனைத்து முன்னெச்சரிக்கை நடவடிக்கைகளும் எடுத்து வருகிறோம் என்றார் அவர்.

உதயநிதி ஸ்டாலினுக்குத் துணை முதலமைச்சர் பதவி வழங்குவது தொடர்பாக கோரிக்கைகள் வலுத்துள்ளதே என்ற கேள்விக்கு, பதில் அளித்த முதல்வர் கோரிக்கைகள் வலுத்துள்ளது ஆனால் பழுக்கவில்லை என பதில் அளித்துள்ளார்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

அமைச்சர் உதயநிதி ஸ்டாலின் துணை முதல்வராகிறாரா?.. முதல்வர் மு.க.ஸ்டாலின் சொன்ன அந்த பதில்!

Comments

சமீபத்திய செய்திகள்

அதிகம் பார்க்கும் செய்திகள்