சென்னை.. மற்றும் சுற்றுவட்டார பகுதியில்.. இன்றும் வெளுத்து வாங்கிய வெயில்.. மக்கள் அவதி..!
சென்னை: சென்னை மற்றும் அதன் சுற்று வட்டார பகுதிகளில் செம்ம வெயில் அடித்து வருகிறது. இதனால் மக்கள் கடும் சிரமத்திற்கு உள்ளாகியுள்ளனர்.
அக்னி நட்சத்திரம் முடிந்து இரண்டு நாட்கள் ஆகிறது. ஆனால் அக்னி நட்சத்திரம் முடிந்த பிறகும் வெயில் அதிகரித்து மக்களை வாட்டி எடுத்து வருகிறது. குறிப்பாக வட இந்தியா பகுதிகளில் கடுமையான வெப்பமும் கூடவே வெப்ப அலையும் சேர்ந்து தாக்கி வருகிறது. டெல்லியில் அதிகபட்ச வெப்பநிலை 107 டிகிரி ஃபாரன்ஹீட்டை தொட்டது. இதனால் டெல்லியில் ரெட் அலர்ட் எச்சரிக்கை விடுக்கப்பட்டுள்ளது.
வட இந்தியாவில் பல மாநிலங்களில் வெளியே வர முடியாத அளவிற்கு வெயிலின் தாக்கம் அதிகமாக இருக்கிறது. இதன் எதிரொலியாக தற்போது வட கடலோர பகுதிகளில் வெயில் அதிகரித்து வருகிறது. இந்த நிலையில் தமிழ்நாடு வெதர்மேன் பிரதீப் ஜான் கூறுகையில்,
சென்னை,திருவள்ளூர், காஞ்சிபுரம், செங்கல்பட்டு, வேலூர், மற்றும் ராணிப்பேட்டை ஆகிய மாவட்டங்களில் இன்று வெப்பநிலை வேகமாக உயர்ந்து வருகிறது. காலை 11 மணிக்கே 40 டிகிரி செல்சியஸை தாண்டி வெயில் சுட்டெரித்தது. நுங்கம்பாக்கம் பகுதிகளில் கடல் காற்று வீசியதால், அப்பகுதியில் வெக்கை சற்று தணிந்துள்ளது.
அதேசமயம், மீனம்பாக்கம் சுற்று வட்டாரப் பகுதிகளில் வெயில் தாக்கம் கடுமையாக இருந்தது. இங்கு வெப்பநிலை 43 டிகிரி செல்சியஸை தாண்டும் என எதிர்பார்க்கப்படுகிறது. திருத்தணியில் 43 டிகிரி செல்சியஸும், வேலூரில் 43 டிகிரி செல்சியஸை தாண்டியும் வெப்பநிலை பதிவாகும் என தமிழ்நாடு வெதர்மேன் அறிவித்துள்ளார்.
சென்னையில் கடந்த சில நாட்களாகவே வெயில் வெளுத்து வருகிறது. ஆங்காங்கு மின்வெட்டும் ஏற்படுவதால் மக்கள் சிரமத்துக்குள்ளாகி வருகின்றனர். குறிப்பாக இரவு நேர மின்வெட்டு சில பகுதிகளில் இருப்பதாக மக்கள் கூறுகிறார்கள்.
சமீபத்திய செய்திகள்
வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்
கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!
வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!
சட்ட மசோதாவுக்கு எதிர்ப்பு தெரிவித்து.. கருப்பு பட்டை அணிந்து சட்டசபைக்கு வந்த.. எம்எல்ஏக்கள்..!
Today gold rate:புதிய உச்சத்தில் தங்கம் விலை... சவரனுக்கு எவ்வளவு உயர்வு தெரியுமா?
எதிர்க்கட்சிகளின் எதிர்ப்புக்கு மத்தியில்..மக்களவையில் நிறைவேறியது.. வக்பு வாரிய சட்ட திருத்த மசோதா
தமிழ்நாடு மின்சார வாரியம் சார்பாக.. ஏப்ரல் 5ல் மின் நுகர்வோருக்கான.. சிறப்பு முகாம் ஏற்பாடு..!
மேகம் கருக்குது மழை வர பாக்குது.. தமிழ்நாட்டில் இன்று முதல் 5 வரை கனமழைக்கு வாய்ப்பு..!
12 ராசிகளுக்குமான இன்றைய ராசிபலன் ஏப்ரல் 03, 2025...யாருக்கு என்ன பலன் காத்திருக்கு?
{{comments.comment}}