அள்ளித் தரப் போகுது வானம்.. குடையும் கையுமா என்ஜாய் பண்ணுவோம்.. பிரதீப் ஜான் குட் நியூஸ்!

Nov 21, 2023,06:55 PM IST

சென்னை: தமிழ்நாட்டுக்கு இந்த நவம்பர் மாதத்தின் மீதமுள்ல நாட்களில் நிறைய மழை கிடைக்கப் போகிறது. அக்டோபரை விட இப்போது கூடுதலாகவே மழை பெய்து வருகிறது என்று தமிழ்நாடு வெதர்மேன் பிரதீப் ஜான் கூறியுள்ளார்.

தமிழ்நாட்டில் வட கிழக்குப் பருவ மழை சூப்பராக பெய்து வருகிறது. விட்டு விட்டு பார்ட் பார்ட்டாக ஒவ்வொரு பகுதியா மழை பெய்து வருகிறது. ஆரம்பத்தில் சற்று நிதானமாக இருந்த மழை இப்போது ஷிப்ட் போட்டு தமிழ்நாட்டை அங்குலம் அங்குலமாக நனைத்துக் கொண்டுள்ளது.

இந்த நிலையில் தனியார் தொலைக்காட்சிக்கு அளித்துள்ள பேட்டியில், நவம்பர் மாதத்தின் மீதமுள்ள நாட்களில் தமிழ்நாட்டுக்கு நிறைய மழை கிடைக்க வாய்ப்பிருப்பதாக நல்ல செய்தி சொல்லியுள்ளார். இதுதொடர்பாக அவர் அளித்துள்ள பேட்டியின்போது கூறுகையில், தமிழ்நாட்டுக்கு வரும் நாட்களில் நிறைய மழை காத்திருக்கிறது. அக்டோபர் மாதம் குறைவான மழையே நமக்குக் கிடைத்தது. அந்தக் குறையா இப்போது பெய்து வரும் உபரி மழை சரி செய்து விடும். அட்டகாசான கம்பேக்கைக் கொடுத்துள்ளது வட கிழக்குப் பருவ மழை.

தென் தமிழ்நாட்டில் உள்ள அணைகள் அனைத்தும் வேகமாக நிரம்பி வருகின்றன. நவம்பர் கடைசி அல்லது டிசம்பர் முதல் வாரத்தில் ஒரு சுழற்சி ஏற்பட வாய்பபுள்ளது. அது எந்தப் பக்கம் போகும் என்பதை பொறுத்திருந்து பார்க்க வேண்டும்.

தற்போது வட தமிழகத்தை நோக்கித்தான் நேற்று மழை பெய்தது. இதைத் தீவிரம் என்று சொல்ல முடியாது. பரவலான மழை கிடைத்தால்தான் அதை தீவிரம் என்று சொல்லலாம். தற்போது மேலடுக்கு சுழற்சி காரணமாக வட மாவட்டங்களில் மழை கிடைத்துள்ளது. இது வருகின்ற நாட்களில் வலுவிழந்து, அதாவது 23, 24 ஆகிய தேதிகளில், அரபிக் கடலில் பக்கம் இது போவது போல தெரிகிறது. அப்படிப் போகும்போது, உள் மாவட்டங்களில் அதாவது, மதுரை, கரூர் நாமக்கல், சேலம், விருதுநகர் போன்ற மாவட்டங்களில் மழை பெய்யும். சென்னையில் விட்டு விட்டு மழை பெய்யும். இரவு நேரத்தில் காலை வரை நல்ல மழை பெய்ய வாய்ப்புள்ளது.

சென்னையில் அடுத்த 4 நாட்களுக்கு தொடர்ந்து இப்படி மழை பெய்ய வாய்ப்புள்ளது. அரபிக் கடல் பக்கம் சுழற்சி போனாலும் கூட கிழக்கிலிருந்து காற்றை இழுக்கும் என்பதால் சென்னையில் மழை தொடரும். நேற்றும், இன்றும் கடலோரப் பகுதிகளில்தான் நல்ல மழை பெய்துள்ளது. உட்புற சென்னையில் அவ்வளவு மழை இல்லை. வருகிற நாட்களில் உட்புற சென்னையிலும் நல்ல மழை பெய்யும் என்றார் பிரதீப் ஜான்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

அள்ளித் தரப் போகுது வானம்.. குடையும் கையுமா என்ஜாய் பண்ணுவோம்.. பிரதீப் ஜான் குட் நியூஸ்!

Comments

சமீபத்திய செய்திகள்

அதிகம் பார்க்கும் செய்திகள்