சந்திரமுகி 2 ஃபர்ஸ்ட் சிங்கிள்... "ஸ்வாகதாஞ்சலி".. எப்படி இருக்கு ?

Aug 12, 2023,02:50 PM IST

சென்னை : சந்திரமுகி 2 படத்தின் ஃபர்ஸ்ட்லுக் போஸ்டரை தொடர்ந்து ஃபர்ஸ்ட் சிங் பாடலையும் லைகா ப்ரொடக்ஷன்ஸ் வெளியிட்டுள்ளது. ஸ்வாகதாஞ்சலி பாடல் பற்றிய பேச்சு தான் சோஷியல் மீடியாவில் ஹாட் டாப்பிக்காக போய் கொண்டிருக்கிறது.

மூத்த டைரக்டர் பி.வாசு இயக்கத்தில், ராகவா லாரன்ஸ், கங்கனா ரணாவத் நடித்துள்ள படம் சந்திரமுகி 2. ரஜினி நடித்து 2005 ம் ஆண்டு ரிலீசான பிளாக்பஸ்டர் படமான சந்திரமுகி படத்தின் இரண்டாம் பாகமாக காமெடி கலந்த த்ரில்லர் படமாக எடுக்கப்பட்டுள்ளது. இந்த படத்தை லைகா நிறுவனம் தயாரித்துள்ளது. ஆர்ஆர்ஆர் படத்திற்கு இசையமைத்த ஆஸ்கார் இசையமைப்பாளர் கீரவாணி தான் இந்த படத்திற்கும் இசையமைத்துள்ளார்.

சந்திரமுகி 2 படத்தில் டைட்டில் ரோலில் கங்கனா ரணாவத் நடித்துள்ளார். இதனை அறிமுகம் செய்யும் விதமாக கங்கனாவின் சூப்பரான போஸ்டருடன் இருக்கும் ஃபர்ஸ்ட்லுக்கை சமீபத்தில் படக்குழு வெளியிட்டது. முழுசா சந்திரமுகியாக மாறி, அழகு தேவதையாக காட்சி அளித்த கங்கனாவின் போஸ்டர் படத்தின் மீதான எதிர்பார்ப்பை எகிற வைத்தது. இந்நிலையில் தற்போது படத்தின் ஃபஸ்ட் சிங்கிள் பாடலையும் படக்குழு வெளியிட்டுள்ளது.

3.52 நிமிடங்கள் கொண்ட ஸ்வாகதாஞ்சலி பாடல் ரா...ரா...பாடலை போன்றே மொழி புரியவில்லை என்றாலும் திகில் கலந்த மெலோடியாக வெளியிடப்பட்டுள்ளது. சந்திரமுகி உடையணிந்து நாட்டிய மங்கைகளுடன் கங்கனா நடனமாடும் காட்சிகள் இந்த வீடியோவில் இடம்பெற்றுள்ளது. இதில் கங்கனாவின் அழகை பார்ப்பதா, தொட்டாதரணியின் பிரம்மாண்ட செட்டிங்கை பார்ப்பதா, வரலாற்று பேக்கிரவுண்டை ரசிப்பதா அல்லது ஸ்ரீநிதி திருமலாவின் அழகிய குரலை ரசிப்பதா என தெரியாமல் திக்குமுக்காட வைக்கிறது ஸ்வகாதஞ்சலி பாடல்.

ரா...ரா...பாடலை நினைப்படுத்துவதாகவும், அந்த அளவிற்கு இல்லை என்றும் நினைக்க வைத்தாலும் ஸ்வாகதாஞ்சலி ரசிகர்கள் மனதை கவர்ந்துள்ளது என்பது தான் உண்மை. சில பாடல்கள் கேட்டதும் பிடிக்கும். சில பாடல்கள் கேட்க கேட்க தான் பிடிக்கும். மெதுவாக தான் ஹிட் அடிக்கும். இதில் ஸ்வாகதாஞ்சலி இரண்டாவது ரகம்.

சைதன்ய பிரசாத்தின் வரிகளில், ஸ்ரீநிதி திருமலாவின் மெல்லிய குரல் மனதை கரைக்கிறது. ஜெயிலர் படத்தில் காவாலா பாடல் எப்படி ஷில்பா ராவிற்கு பெயர் வாங்கி கொடுத்ததோ அதே போல் ஸ்ரீநிதி திருமலாவிற்கு இந்த பாடல் அமையும் என்பது சந்தேகமில்லை. கங்கனாவா இது என வாயை பிளக்க வைக்கும் அளவிற்கு அழகு சிலையாக வந்து நடனமாடுகிறார் கங்கனா. பாடலின் முடிவில் குதிரை மீது ராஜா கெட்அப்பில் வரும் லாரன்ஸ், சிம்மாசனம், வாள் என வந்து போகும் காட்சிகள் அனைத்தும் படத்தின் மீதான எதிர்பார்ப்பை பல மடங்கு அதிகரிக்க வைத்துள்ளது.

சமீபத்திய செய்திகள்

LIC website.. இது தொழில்நுட்பக் கோளாறில்லை... அரசியல் கோளாறு.. மதுரை எம்.பி சு.வெங்கடேசன்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

தங்கம் விலை விடாமல் தொடர்ந்து உயர்ந்து கொண்டே வருவது ஏன்.. நிபுணர்கள் தரும் விளக்கம் இதுதான்!

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

சந்திரமுகி 2 ஃபர்ஸ்ட் சிங்கிள்... "ஸ்வாகதாஞ்சலி".. எப்படி இருக்கு ?

Comments

சமீபத்திய செய்திகள்

அதிகம் பார்க்கும் செய்திகள்