முழுசா சந்திரமுகியாக மாறிய கங்கனா.. மயங்க வைப்பாரா கீரவாணி?

Aug 06, 2023,04:08 PM IST

சென்னை : பாலிவுட் நடிகை கங்கனா ரனாவத் தான் சந்திரமுகி 2 படத்தின் டைட்டில் ரோலில் நடிக்கிறார். கங்கனா சந்திரமுகியாக இருக்கும் அசத்தலாக ஃபர்ஸ்ட்லுக் போஸ்டரை படக்குழு வெளியிட்டுள்ள நிலையில் அடுத்து படத்தின் சிங்கிள் வெளியாகவுள்ளது.

பி.வாசு இயக்கத்தில் ரஜினி நடித்த பிளாக்பஸ்டர் படமான சந்திரமுகி படத்தின் இரண்டாம் பாகமாக சந்திரமுகி 2 படம், பெரிய பட்ஜெட் படமாக எடுக்கப்பட்டுள்ளது. இதில் ஹீரோவாக ராகவா லாரன்ஸ் நடித்துள்ளார்.

லைகா ப்ரொடக்ஷன்ஸ் தயாரித்துள்ள இந்த படத்தின் ஃபர்ஸ்ட்லுக் போஸ்டரில், சந்திரமுகி கெட்அப்பில் செம அசத்தலாக போஸ் கொடுத்துள்ள கங்கனாவின் ஃபோட்டோவுடன் படக்குழு வெளியிட்டுள்ளது. இந்த கெட்டப்பில் பார்க்கவே அட்டகாசமாக இருக்கிறார் கங்கனா. நாட்டிய மங்கையாக அழகு மின்ன கங்கனா இருக்கும் இந்த போஸ்டர் அனைவரும் கவர்ந்துள்ளது.

இதனால் சந்திரமுகி 2 படத்தின் மீதான எதிர்பார்ப்பு மேலும் அதிகரித்துள்ளது. சந்திரமுகி 2 படம் விநாயகர் சதுர்த்திக்கு உலகம் முழுவதும் ரிலீஸ் செய்யப்பட உள்ளது. ஆர்ஆர்ஆர் பட இசையமைப்பாளர் கீரவாணி தான் இந்த படத்திற்கும் இசையமைத்துள்ளார். 2005 ல் ரிலீசான சந்திரமுகி படத்தில் பாடல்கள் வெகுவாக பேசப்பட்டன. படத்தின் மாபெரும் வெற்றிக்கு அப்படத்தின் பாடல்களும் முக்கியக் காரணம்.

குறிப்பாக ஜோதிகா, சந்திரமுகியாக மாறி பாடும் ரா..ரா...பாடல் மிகப் பெரிய அளவில் ஹிட்டானது. தற்போது ரா ரா பாடலையே மிஞ்சும் அளவிற்கு சந்திரமுகி 2 படத்திலும் ஒரு பாடல் இருக்கும் என எதிர்பார்க்கப்படுகிறது. விரைவில் படத்தின் முதல் சிங்கிளை வெளியிட படக்குழு திட்டமிட்டுள்ளதாம்.

இப்படத்தில் லாரன்ஸ் ராகவேந்திரா, கங்கனா, வடிவேலு, லட்சுமி மேனன், மகிமா நம்பியார், ராதிகா சரத்குமார், ஷிருஷ்டி டாங்கே, ஒய்.ஜி.மகேந்திரா, சுரேஷ் மேனன் உள்ளிட்ட பலர் நடித்துள்ளனர். முதல் படம் போலவே, இந்த படமும் திகில் நிறைந்த, காமெடி படமாக உருவாக்கப்பட்டுள்ளது.

ரஜினி நடித்துள்ள ஜெயிலர் படத்தின் புதிய போஸ்டர், 3வது சிங்கிள் ஆகியன வெளியாகி உள்ள அதே சமயத்தில் சந்திரமுகி 2 படத்தின் ஃபர்ஸ்டெலுக்கும் வெளியிடப்பட்டுள்ளதால் இந்த படத்தின் போஸ்டர் இன்னும் அதிகமான வரவேற்பை ரசிகர்களிடம் பெற்றுள்ளது. அடுத்து வெளியாகவுள்ள முதல் சிங்கிள், கீரவாணி போட்டுள்ள மெலடியாக இருக்கும் என்று பேசப்படுகிறது.

சமீபத்திய செய்திகள்

இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!

தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!

அண்ணன் ராம்குமாருக்கு உதவ முடியாது .. கைவிரித்த நடிகர் பிரபு!

வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!

ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும்‌. சட்டசபையில் அறிவிப்பு!

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!

முழுசா சந்திரமுகியாக மாறிய கங்கனா.. மயங்க வைப்பாரா கீரவாணி?

Comments

சமீபத்திய செய்திகள்

அதிகம் பார்க்கும் செய்திகள்