பிச்சுக்கிட்டுக் கொட்டும் அதிர்ஷ்டம்.. சந்திரபாபு நாயுடு குடும்பத்துக்கு அடித்த ஜாக்பாட்!

Jun 13, 2024,06:11 PM IST

அமராவதி: ஆந்திரா முதல்வர் சந்திரபாபு நாயுடு குடும்பத்தினரால் நடத்தப்படும் ஹெரிடேஜ் ஃபுட்ஸ் நிறுவன பங்குகளின் மதிப்பு, லோக்சபா மற்றும் ஆந்திர மாநில சட்டசபைத் தேர்தல் முடிவுகளுக்குப் பின் சந்தித்த ஏற்றத்தால் அவரது குடும்பம் ரூ.1,225 கோடி லாபம் ஈட்டியுள்ளதாம்.

ஆந்திரா சட்டப்பேரவை தேர்தலில் சந்திரபாபு நாயுடுவின் தெலுங்கு தேசம் கட்சி 135 தொகுதிகளில் வென்றுள்ளது. இதனையடுத்து ஆந்திர மாநிலத்தின் முதல்வராக சந்திரபாபு நாயுடு முதல்வராக நேற்று பதவியேற்றுள்ளார். சந்திரபாபு நாயுடு 4வது முறையாக முதல்வர் பதவியில் அமர்ந்துள்ளார். பதவி ஏற்பு விழாவிற்கு பிரதமர் மோடி, அமித்ஷா உள்ளிட்ட மத்திய அமைச்சர்களும் வந்திருந்தனர்.

இந்நிலையில், சந்திரபாபு குடும்பத்தினரால் நடத்தப்படும் ஹெரிடேஜ் ஃபுட்ஸ் நிறுவனத்தின் பங்குகள் மதிப்பு அதிரடியாக உயர்ந்துள்ளது. ஹெரிடேஜ் ஃபுட்ஸ் நிறுவனம் கடந்த 1992ல் தொடங்கப்பட்டது. தயிர், நெய், பனீர் உள்ளிட்ட பால்பொருட்களை விற்பனை செய்து வருகிறது அந்நிறுவனம். தற்போது ஹெரிடேஜ் ஃபுட்ஸ் நிறுவனத்தின் பங்குகள் அதிகளவில் உயர்ந்துள்ளன. இதனால் அந்நிறுவனத்தில் 35.7 சதவீத பங்குகளை வைத்திருக்கும் சந்திரபாபு நாயுடு குடும்பத்தினருக்கு ஜாக்பாட் அடித்துள்ளது.

ஹெரிடேஜ் ஃபுட்ஸ் பங்கு மதிப்பு மும்பை பங்குச் சந்தையில் 52 வாரத்தில் அதிகபட்சமாக ரூ.727.9ஐ எட்டியதால் சந்திரபாபு நாயுடு குடும்பம் ரூ.1,225 கோடி லாபம் ஈட்டியுள்ளது. இந்நிறுவனத்தில் சந்திரபாபு நாயுடு மனைவி புவனேஸ்வரிக்கு 34.37% பங்குகளும், மகன் லோகேஷ்சுக்கு 10.82% பங்குகளும், மறுமகள் பிராமணிக்கு 0.46 சதவீத பங்குகளும், அவரது 9 வயது பேரன் தேவன்ஷூக்கு 0.06 சதவீத பங்குகளும் உள்ளதாக தகவல்கள் கூறப்படுகின்றன. அந்த வகையில் சந்திரபாபு நாயுடு தேர்தலில் வெற்றி பெற்றதன் எதிரொலியாக ஹெரிடேஜ் ஃபுட்ஸ் பங்கு மதிப்பு அதிகரிக்க தொடங்கியுள்ளது.

சந்திரபாபு நாயுடுவின் பேரன் தேவன்ஷ் வைத்திருக்கும் 56,075 பங்குகளின் மதிப்பு ஜூன் 3 அன்று ரூ.2.4 கோடியாக இருந்தது தற்போது அது ரூ.4.1 கோடியாக அதிகரித்துள்ளது. அதாவது இந்தக் குட்டிப் பையன் பங்கு மதிப்பு ரூ. 4.1 கோடியாகும்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

பிச்சுக்கிட்டுக் கொட்டும் அதிர்ஷ்டம்.. சந்திரபாபு நாயுடு குடும்பத்துக்கு அடித்த ஜாக்பாட்!

Comments

சமீபத்திய செய்திகள்

அதிகம் பார்க்கும் செய்திகள்