அதிர வைத்த சர்வதேச கால்கள்.. வாட்ஸ் ஆப்பிடம் விளக்கம் கேட்கும் மத்திய அரசு!

May 12, 2023,09:51 AM IST

டெல்லி: வாட்ஸ் ஆப்களில் வந்து கொண்டிருக்கும் தேவையில்லாத சர்வதேச கால்கள் குறித்து மத்திய அரசு கவலை அடைந்துள்ளது. இதுதொடர்பாக வாட்ஸ் ஆப் நிறுவனத்துக்கு நோட்டீஸ் அனுப்ப மத்திய தகவல் தொழில்நுட்பத் துறை முடிவு செய்துள்ளது.

இந்தியாவில் வாட்ஸ்ஆப் பயன்படுத்தும் பலருக்கும் சர்வதேச நம்பர்களிலிலிருந்து தேவையில்லாத அழைப்புகள் வந்தவண்ணம் உள்ளன. இந்த அழைப்புகளால் வாட்ஸ் ஆப் பயன்படுத்துவோர் பெரும் குழப்பமும் பீதியும் அடைந்துள்ளனர். இந்த சர்வதேச கால்களை யார் செய்வது, எதற்காக செய்கிறார்கள் என்று புரியவில்லை.

பல்வேறு நம்பர்களிலிருந்து அடுத்தடுத்து கால்கள் வருகின்றன. ஒவ்வொரு அழைப்பும் வந்து வந்து கட் ஆகிறது. இவற்றை அட்டென்ட் செய்தால் அது நமது போனை ஸ்பாம் செய்து அதில் உள்ள டேட்டாக்களைத் திருடும் வாய்ப்புள்ளது. குறிப்பாக வங்கிக் கணக்கு உள்ளிட்டவை இருந்தால் நமது பணம் அபகரிக்கப்படும் வாய்ப்புகளும் உள்ளன. இதனால் மக்கள் பெரும் பீதியில் உள்ளனர்.

இந்த நிலையில் இந்த விவகாரம் குறித்து தற்போது மத்திய அரசு ஆக்ஷனில் குதித்துள்ளது. மர்மமான சர்வதேச கால்கள் குறித்து வாட்ஸ்ஆப் நிறுவனத்துக்கு நோட்டீஸ் அனுப்பப்படும் என்று மத்திய தகவல் தொழில்நுட்பத்துறை அமைச்சர் ராஜீவ் சந்திரசேகர் கூறியுள்ளார்.

இதுகுறித்து அவர் கூறுகையில், டிஜிட்டல் ஊடகங்கள் அதன் பயன்பாட்டாளர்களின் தனிப்பட்ட உரிமைகளைப் பாதுகாக்கும் கடமையிலிருந்து தவற முடியாது. வாட்ஸ்ஆப் சர்வதேச கால்கள் விவகாரம் குறித்து ஆராய்ந்து வருகிறோம். விரைவில் இதுதொடர்பாக வாட்ஸ்ஆப் நிறுவனத்துக்கு நோட்டீஸ் அனுப்பப்படும் என்றார்.

பெரும்பாலான சர்வதேச கால்கள் இந்தோனேசியா (கோட் நம்பர் 62), வியட்நாம் (84), எத்தியோப்பியா (251), கென்யா (254), மலேசியா (60), அங்கோலா (244), அல்ஜீரியா (213) ஆகிய நாடுகளிலிருந்து வருகின்றன என்பது குறிப்பிடத்தக்கது.

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?

அதிர வைத்த சர்வதேச கால்கள்.. வாட்ஸ் ஆப்பிடம் விளக்கம் கேட்கும் மத்திய அரசு!

Comments

சமீபத்திய செய்திகள்

அதிகம் பார்க்கும் செய்திகள்