சட்லெஜ் நதியில் மாயமான.. சைதை துரைசாமி மகன் வெற்றி துரைசாமியின் உடல் மீட்கப்பட்டது!
சிம்லா: இமாச்சல் பிரதேச மாநிலத்தில் விபத்துக்குள்ளாக்கி ஆற்றில் மாயமான வெற்றி துரைசாமியின் இறந்த உடல் மீட்கப்பட்டுள்ளது.
கடந்த பிப்ரவரி 4ம் தேதி இமாச்சல் பிரதேச மாநிலம், கஷாஹ் நலா என்ற இடத்தில் சாலையில் சென்று கொண்டிருந்த வெற்றி துரைசாமி பயணித்த கார் விபத்துக்குள்ளானது. இந்த விபத்தில் டிரைவர் பலியானார். வெற்றி துரைசாமியின் உதவியாளர் காயமடைந்த நிலையில் மீட்கப்பட்டார். சட்லெஜ் ஆற்றில் போய் விழுந்த காரில் இருந்த வெற்றி என்ன ஆனார் என்பது தெரியவில்லை.
அவரைத் தேடும் பணி தீவிரமாக நடந்து வந்து. கடற்படையினரும் இதில் ஈடுபடுத்தப்பட்டனர். இந்த நிலையில் விபத்து நடந்த இடத்திலிருந்து கிட்டத்தட்ட 2 கிலோமீட்டர் தொலைவில் ஒரு இடத்தில் சிக்கியிருந்த வெற்றி துரைசாமியின் இறந்த உடல் தற்போது மீட்கப்பட்டுள்ளதாக செய்திகள் வெளியாகியுள்ளன.
வெற்றி துரைசாமியின் உடல் அருகில் உள்ள அரசு மருத்துவமனைக்கு பிரேதப் பரிசோதனைக்காக அனுப்பி வைக்கப்பட்டுள்ளது. வெற்றியின் உடல் கிடைத்துள்ள தகவல் அவரது குடும்பத்தினருக்குத் தெரிவிக்கப்பட்டுள்ளது. வெற்றியின் தந்தையான முன்னாள் சென்னை மாநகர மேயர் சைதை துரைசாமி இமாச்சல் பிரதேசம் விரைந்திருப்பதாக தகவல்கள் கூறுகின்றன.
திரைப்பட இயக்குநராகவும் இருந்தவர் வெற்றி துரைசாமி. ஒரு படம் இயக்கியுள்ளார். நடிகர் அஜீத்தின் நட்பு வட்டாரத்திலும் அவர் இருந்து வந்தார். எப்படியாவது வெற்றி உயிருடன் கண்டுபிடிக்கப்படுவார் என்ற நம்பிக்கை அவரது குடும்பத்தினருக்கு இருந்தது. ஆனால் தற்போது அவரது உடல் மீட்கப்பட்டிருப்பது குடும்பத்தினரை சோகத்தில் ஆழ்த்தியுள்ளது.
சமீபத்திய செய்திகள்
தோனி அதிரடி.. கடைசி நேர போராட்டம் வீண்.. மீண்டும் ஒரு தோல்வி.. ஏமாற்றத்தில் சென்னை சூப்பர் கிங்ஸ்
தமிழக அரசு நிறைவேற்றிய மசோதாக்களை ஜனாதிபதிக்கு அனுப்பியது சட்டவிரோதம்.. உச்சநீதிமன்றம்
உச்சநீதிமன்ற தீர்ப்பின் அடிப்படையில்.. இனி முதல்வர் ஸ்டாலினே பல்கலைக்கழக வேந்தர்.. பி.வில்சன்
உச்சநீதிமன்றத் தீர்ப்பு வரவேற்கத்தக்கது .. துணைவேந்தர்களை உடனே நியமிக்க வேண்டும்.. டாக்டர் ராமதாஸ்
Tamil Nadu leads.. பேரறிவாளவன் வழக்குக்குப் பின்.. சிறப்பு அதிகாரத்தை பயன்படுத்திய உச்சநீதிமன்றம்!
ஆளுநருக்கு எதிரான.. உச்ச நீதிமன்றம் தீர்ப்பு வரலாற்று சிறப்புமிக்கது.. முதல்வர் ஸ்டாலின் மகிழ்ச்சி!
Summer Food tips.. அடிக்கும் அதிரடி வெயிலுக்கு.. கருப்பு கவுனி அரிசி மோர் கூழ் சூப்பரப்பு!
ஏப்ரல் 10.. சம்பவம் காத்திருக்கு.. குட் பேட் அக்லி படத்திற்கு.. யுஏ சான்றிதழ்.. ரசிகர்கள் வெயிட்டிங்
ஆளுநர் ஆர்.என். ரவியை உடனடியாகப் பதவி நீக்கம் செய்ய வேண்டும்: திருமாவமவன்!
