தமிழ்நாட்டில்.. 23 தொகுதிகளில் போட்டியிட்டு 9 தொகுதிகளில் டெபாசிட் இழந்த பாஜக!
சென்னை: தமிழகத்தில் பாஜக 23 தொகுதிகளில் போட்டியிட்டு எந்த தொகுதியிலும் வெற்றி பெறவில்லை. அதிலும் 9 தொகுதிகளில் டெபாசிட்டையும் அது பறி கொடுத்துள்ளது.
2024ம் ஆண்டிற்கான மக்களவை தேர்தலில் பாஜக கூட்டணியில் புதிய நீதிக்கட்சி, இந்திய ஜனநாயகக் கட்சி, இந்திய மக்கள் கல்வி முன்னேற்ற கழகம், தமிழக முன்னேற்ற கழகம், அமமுக, தமாகா, பாமக, அதிமுக தொண்டர்கள் உரிமை மீட்பு குழு (ஓபிஎஸ்) ஆகியோருடன் கூட்டணி அமைத்து போட்டியிட்டது.
தென் சென்னையில் தமிழிசை செளந்தரராஜன், வட சென்னையில் பால் கனகராஜ், மத்திய சென்னையில் வினோஜ் பி செல்வம், நீலகிரியில் எல்.முருகன், கோவையில் அண்ணாமலை, நெல்லையில் நயினார் நாகேந்திரன், கன்னியாகுமரியில் பொன் ராதாகிருஷ்ணன், தஞ்சையில் கருப்பு முருகானந்தம், சிதம்பரத்தில் கார்த்திகாயினி, மதுரையில் ராமசீனிவாசன், விருதுநகரில் ராதிகா சரத்குமார் உள்ளிட்ட நட்சத்திர வேட்பாளர்களை களம் இறங்கியது பாஜக.
பிரதமர் மோடியும் தமிழகத்திற்கு அதிக அளவு வந்து தேர்தல் பிரச்சாரம் மேற்கொண்டார். எப்படியாவது சில தொகுதிகளிலாவது வெற்றி பெற வேண்டும் என்று அண்ணாமலையும், பாஜக தலைமையும் தீவிர பிரச்சாரம் மேற்கொண்டு வந்தனர். தேர்தல் பிரச்சாரத்தின் போது, அண்ணாமலை அடிக்கடி பாஜக 25 சதவீத வாக்குகளை பெறும் என்றும் 10 முதல் 20 இடங்களை கைப்பற்றுவோம் எனவும் உறுதியாக தெரிவித்திருந்தார்.
ஆனால் தேர்தல் முடிவுகள் ஏமாற்றத்தையே கொடுத்துள்ளது. எந்தத் தொகுதியிலும் வெற்றி வாய்ப்பு கிடைக்கவில்லை. மேலும், விருதுநகர், திருவண்ணாமலை, திருவள்ளூர், நாமக்கல், நாகை, கரூர், சிதம்பரம், வட சென்னை, பெரம்பலூர் ஆகிய 9 தொகுதிகளில் பாஜக டெபாசிட் இழந்துள்ளது. தமிழகத்தில் கால்பதிப்போம் என கூறி வந்த பாஜக 11.4 சதவீதம் வாக்குகள் மட்டும் தான் பெற்றுள்ளது.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}