வேலையே செய்யாமல்.. செந்தில் பாலாஜிக்கு சம்பளம்... குத்திக் காட்டிய அண்ணாமலை

Aug 01, 2023,12:08 PM IST

ராமநாதபுரம் : ஊழல் குற்றத்திற்காக சிறையில் இருக்கும் அமைச்சர் செந்தில் பாலாஜி சம்பளம் வாங்கிக் கொண்டிருக்கிறார். திமுக.,விற்கு மக்கள் நலனில் அக்கறை கிடையாது என தமிழக பாஜக தலைவர் அண்ணாமலை, திமுக.,வை விமர்சித்துள்ளார்.

2024 லோக்சபா தேர்தலுக்கு முன்னதாக தமிழகத்தில் பாஜக.,வை பலப்படுத்துவதற்காக தமிழக பாஜக தலைவர் அண்ணாமலை தமிழகம் முழுவதும் பாத யாத்திரை துவக்கி உள்ளார். மொத்தம் 110 நாட்கள் கொண்ட முதல் கட்ட பாதயாத்திரையை ராமநாதபுரத்தில் துவங்கி, சென்னையில் நிறைவு செய்ய உள்ளார். கடந்த நான்கு நாட்களாக ராமநாதபுரத்தில் அண்ணாமலை பாத யாத்திரை மேற்கொண்டு வருகிறார்.

நேற்று திருவாடனை தொகுதியில் மக்களை சந்தித்த அண்ணாமலை, திறந்த ஜீப்பில் நின்ற படி மக்களிடம் பேசினார். அப்போது, ஊழல் குற்றத்திற்காக அமலாக்கத்துறையால் கைது செய்யப்பட்டு, சிறையில் அடைக்கப்பட்டுள்ள அமைச்சர் செந்தில் பாலாஜி, சிறையில் இருந்த படியே சம்பளம் வாங்குகிறார்கள். மக்களுக்கு பணியாற்றுவதற்காக தான் அமைச்சர்களுக்கு சம்பளம் வழங்கப்படுகிறது. ஆனால் செந்தில் பாலாஜி எந்த வேலையும் செய்யாமலேயே சம்பளம் வாங்கிக் கொண்டிருக்கிறார்கள்.

அவருக்கு சம்பளம் கொடுத்து, அவர் செய்த ஊழலை திமுக தலைவரும், தமிழக முதல்வருமான மு.க.ஸ்டாலின் நியாயப்படுத்துகிறார் என்பதை தான் இது காட்டுகிறது. திமுக.,வினர் தங்களின் வருமானத்தை உயர்த்திக் கொள்வதில் தான் குறிக்கோளாக கொண்டு செயல்பட்டு வருகின்றனர். அவர்களுக்கு மக்கள் நலனை பற்றி அக்கறை இல்லை என தெரிவித்துள்ளார்.

முன்னதாக பாத யாத்திரையை துவங்குவதற்கு முன் DMKFiles2 என்ற பெயரில் திமுக.,செய்த ஊழலின் இரண்டாவது பகுதியை சோஷியல் மீடியாவில் வெளியிட்டதுடன், தமிழக கவர்னரிடமும் ஊழலுக்கான ஆதாரங்களை அண்ணாமலை ஒப்படைத்தார் என்பது குறிப்பிடத்தக்கது.

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

பாஜக தலைவர் மாற்றம் உறுதி... அண்ணாமலையே சூசகமாக தகவல்!

நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!

வேலையே செய்யாமல்.. செந்தில் பாலாஜிக்கு சம்பளம்... குத்திக் காட்டிய அண்ணாமலை

Comments

சமீபத்திய செய்திகள்

அதிகம் பார்க்கும் செய்திகள்