கல்யாணம் எப்ப பார்ட்னர்.. கொக்கி போட்ட ஆரி அர்ஜூனன்.. தெறித்து ஓடிய பாலாஜி முருகதாஸ்!

Jul 26, 2023,09:11 AM IST

சென்னை: நடிகர் ஆரி அர்ஜூனனுக்கு பெண் குழந்தை பிறந்துள்ளதற்காக வாழ்த்துத் தெரிவித்துள்ளார் பிக் பாஸ் புகழ் பாலாஜி முருகதாஸ். இந்த வாழ்த்தைப் பார்த்து விட்டு பதிலுக்கு ஆரி அர்ஜூனன் ஒரு கேள்வி கேட்க, அதற்கு பாலாஜி முருகதாஸ் கொடுத்த பதில் கலகலப்பை ஏற்படுத்தியுள்ளது.

பிக் பாஸ் ஹவுஸில் மறக்க முடியாத சீசன் என்றால் அது 1 மற்றும் 4 தான். முதல் சீசனில் ஓவியா வெளுத்து வாங்கினார். ஒட்டுமொத்த தமிழ்நாட்டு மக்களையும் பிக் பாஸ் பக்கம் திரும்ப வைத்தவர் ஓவியாதான். அதேபோல 4வது சீசன் மிகப் பெரிய சண்டைக்காடாக மாறி தமிழ்நாட்டையே அதிர வைத்தது.

பாலாஜி முருகதாஸ் மற்றும் ஆரி அர்ஜூனன் இடையிலான சண்டையும், அது தொடர்பான வாதங்கள், விவாதங்களும் மறக்க முடியாதவை. இந்த சீசனில் ஆரி அர்ஜூனுக்கு அத்தனை ஆதரவு கிடைத்தது. அதற்கு சமமாக பாலாஜி முருகதாஸும் வெறுப்பை வாரிக் குவித்தார். கடும் போட்டியைக் கொடுத்த இருவரும் இறுதிச் சுற்று வரை வந்தனர். அதில் ஆரி பட்டம் வென்றார்.

உண்மையில் இந்த 4வது சுற்றில்தான் அனல் அதிகமாக பறந்தது. ஆரியும், பாலாவும் ஒரு சினிமாப் படம் போல இந்த ஷோவைக் கொண்டு சென்றனர். ஒரு பக்கம் ஆரி அமைதியாக வாதிட்டால்.. மறுபக்கம் பாலாஜி ஆக்ரோஷம் காட்டுவார்.. இருவருக்கும் இடையிலான வாதங்கள், சண்டைகள், மோதல்கள், உரையாடல்கள் எல்லாமே பிக் பாஸ் வீட்டின் எபிக் அங்கமாக மாறியுள்ளன. இருவருக்கும் சம அளவிலான ஆதரவும் கிடைத்தது குறிப்பிடத்தக்கது.

இப்படி எதிரும்புதிருமாக சண்டை போட்டுக் கொண்ட இந்த இருவரும் மீண்டும் ஒரு உரையாடலில் ஈடுபட்டுள்ளனர். ஆனால் இது செம ஜாலியானது.. கொஞ்சம் கூட சண்டை இல்லாதது.. கலகலப்பானதாக அமைந்துள்ளது பலரையும் மகிழ்ச்சிப்படுத்தியுள்ளது.

ஆரிக்கு பெண் குழந்தை பிறந்துள்ளது. இதுதொடர்பாக அவர் ஒரு டிவீட் போட்டு உலகுக்கு தகவல் தெரிவித்து மகிழ்ச்சியை வெளிப்படுத்தியிருந்தார். இந்த சந்தோஷச் செய்திக்கு பலரும் வாழ்த்துகளைத் தெரிவித்து வருகின்றனர். இந்த சந்தோஷச் செய்திக்கு ஓடோடி வந்து வாழ்த்து தெரிவித்துள்ளார் பாலாஜி.

இதுதொடர்பாக அவர் போட்டுள்ள வாழ்த்துச் செய்தியில், வாழ்த்துகள் பார்ட்னர் என்று குறிப்பிட்டிருந்தார். அதைப் பார்த்த ஆரி ரசிகர்கள், அடடே இது நம்ம பாலாவா இப்பயாச்சும் எங்க ஆரியைப் புரிஞ்சுக்கிட்டீங்களே என்று கலாய்த்தும், நன்றி சொல்லியும், மகிழ்ச்சியை வெளிப்படுத்தியும் பதிலளித்து வருகின்றனர்.

பாலாஜியின் டிவீட்டைப் பார்த்த ஆரி, எப்ப கல்யாணம் பார்ட்னர் என்று பதிலுக்குக் கொக்கியைப் போட்டுள்ளார். இதை எதிர்பார்க்காத பாலாஜி, அதெல்லாம் பெரிய டாஸ்க் பார்ட்னர், வாழ்க்கைங்கிறது ரியாலிட்டி ஷோ இல்லை என்று கலகலப்பான பதிலைக் கொடுத்துள்ளார். இதைக் கேட்ட ஆரி, நன்றி பார்ட்னர் என்று அவருக்கு தேங்க்ஸ் சொல்லியுள்ளார்.

இருவரின் இந்த கலகலப்பான உரையாடல் டிவிட்டரில் வைரலாகியுள்ளது.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

கல்யாணம் எப்ப பார்ட்னர்.. கொக்கி போட்ட ஆரி அர்ஜூனன்.. தெறித்து ஓடிய பாலாஜி முருகதாஸ்!

Comments

சமீபத்திய செய்திகள்

அதிகம் பார்க்கும் செய்திகள்