பெருமாளின் புண்ணியம் தரும் திருநாமங்களை போற்றும் விதமாகவும், இறைவன் எப்படிப்பட்டவன் என்பதையும் உலகத்தவர்கள் புரிந்து கொள்வதற்காக, அவர்களின் அறியாமையை போக்கி, மாயையில் இருந்து விடுவிப்பதற்காகவும் ஆண்டாள் பாடிய 30 பாடல்களே திருப்பாவை என்று அழைக்கப்படுகிறது. மார்கழி மாதத்தில் தினமும் இந்த 30 பாடல்களையும் படிப்பவர்களுக்கு அனைத்து விதமான நலன்களும் ஏற்படும்.
திருப்பாவை பாசுரம் 05 :
மாயனை மன்னு வடமதுரை மைந்தனை,
தூய பெருநீர் யமுனைத் துறைவனை,
ஆயர் குலத்தினில் தோன்றும் அணிவிளக்கை,
தாயைக் குடல்விளக்கம் செய்த தாமோதரனை,
தூயோம்ஆய் வந்துநாம் தூமலர் தூவித்தொழுது
வாயினால் பாடி மனத்தினால் சிந்திக்கப்
போய பிழையும் புகுதருவான் நின்றனவும்
தீயினில் தூசுஆகும் செப்பேலோ ரெம்பாவாய்.
பொருள் :
மாய வேலைகள் செய்பவனும், வடக்கில் இருக்கும் மதுரா நகரத்தில் பிறந்தவனும், தூய்மையாக பெருக்கெடுத்து ஓடும் யமுனை நதிக்கரை வளர்ந்தனும், ஆயர் குலத்தில் ஒளி ஏற்ற வந்த விளக்கை போல் தோன்றியவன் நம்முடைய கண்ணன். ஆனால் தாய் யசோதைக்கு மட்டும் கட்டுப்பட்டு இருக்கும் தாமோதரன் நாம் தூய மலர்கள் கொண்டு பூஜை செய்தும், தேடிச் சென்று வணங்கி, வாயினால் பாடி, மனத்தால் சிந்தித்தும் இருந்தால் நாம் இந்த பிறவியில் மட்டுமல்ல இதற்கு முந்தைய பிறவிகளிலும் தெரிந்தும், தெரியாமலும் செய்த அத்தனை தவறுகளும் தீயின் மீது பறக்கும் தூசி, துகள்களைப் போய் எரிந்து சாம்பலாகி விடும். கண்ணன் மாய வேலைகள் செய்து, குறும்பு செய்து விளையாடும் சிறு பிள்ளை தானே என சாதாரணமாக எண்ணி விடாதீர்கள். இந்த உலகையே காக்கும் தலைவன் அவன்.
விளக்கம் :
இந்த பிறவி எடுத்திருப்பதே இறைவனை வாயால் பாடி, மனத்தால் நினைத்து, எப்போதும் பக்தி செய்து இருக்கத் தான். துன்பம் வரும் போதும் தான் நாம் இறைவனை நினைக்கிறோம். ஆனாலும் ஓரிரு நாட்கள் கோவிலுக்கு சென்று விட்டு தன்னுடைய கஷ்டங்கள் தீரவில்லை, தான் நினைத்தது நடக்கவில்லை என்று ஏதேதோ காரணங்களைச் சொல்லி இறைவனை வணங்காமல் இருந்து விடுகிறோம். ஆனால் இறைவன் கொடுக்கும் துன்பங்கள் அனைத்தும் நம்மை பக்குவப்படுத்தி, நம்முடைய கர்மாக்களை அழிக்கத்தான். அதை புரிந்து கொண்டால் இ்றைவன் நம்மை காக்க எப்போதும் தவறுவது இல்லை என்பதை இப்பாடலில் விளக்குகிறார் ஆண்டாள்.
நெற்றிப் பொட்டு போயே போச்சு.. கவனிச்சீங்களா?.. முழுமையான பெரியார் தொண்டனாக மாறிய விஜய்!
வடக்கு அந்தமான் அருகே.. புதிய காற்றழுத்தம்.. நாளை உருவாகும் என்று வானிலை மையம் தகவல்
சக்ஸஸ்.. மெட்ரோ ரயில் திட்டத்தின் 2வது வழித்தடத்தில்.. சுரங்கம் தோண்டும் பணி முடிந்தது!
வளைகாப்பு நடத்துவது எப்படி? வேலூர் காங்கேயநல்லூர் அரசுப் பள்ளி மாணவிகளின் ரீல்ஸ்..டீச்சர் சஸ்பெண்ட்!
Su Venkatesan Vs Vanathi Srinivasan.. உங்களுக்கு ஒவ்வாமையா.. முதல்ல பன் பட்டருக்கு வழி சொல்லுங்க!
ஐபோன் 16 விற்பனை தொடக்கம்.. நீண்ட க்யூவில் நின்று போட்டி போட்டு வாங்கிச் சென்ற ஐ போன் பிரியர்கள்!
திருப்பதி லட்டில் கொழுப்பா... குடும்பத்தோடு சத்தியம் செய்ய நாயுடு ரெடியா? .. ஜெகன் கட்சி சவால்!
உளவியல் சிகிச்சைக்கு மருந்து மாத்திரைகளுடன்.. உரிய மருத்துவர்களை அணுக வேண்டும்.. வைரமுத்து
என்னிடம் அரசியல் கேள்வி கேட்காதீங்கன்னு சொன்னேன்ல.. செய்தியார்களிடம் சீறிய ரஜினிகாந்த்!
{{comments.comment}}