Ranchi Test: எடுத்த எடுப்பிலேயே டாப்புக்குப் போன ஆகாஷ் தீப்.. வேற லெவல் Debut!

Feb 23, 2024,06:43 PM IST

ராஞ்சி: ராஞ்சியில் நடைபெற்று வரும் இந்தியா - இங்கிலாந்து இடையிலான 4வது டெஸ்ட் போட்டியில் அறிமுக பந்து வீச்சாளர் ஆகாஷ் தீப் அசத்தலாக பந்து வீசி 3 விக்கெட்களைச் சாய்த்து அனைவரையும் ஆச்சரியத்தில் ஆழ்த்தினார்.

இங்கிலாந்து அணிக்கு எதிரான 4-வது டெஸ்ட் போட்டி ராஞ்சி மைதானத்தில் இன்று தொடங்கியது. இந்த போட்டியில் இந்திய அணியின் சார்பில் வேகப்பந்து வீச்சாளர் ஆகாஷ் தீப் அறிமுகமாகியிருக்கிறார். முதலில் டாஸ் வென்று இங்கிலாந்து கேப்டன் பென் ஸ்டோக்ஸ் பேட்டிங்கைத் தேர்வு செய்தார்.

இந்தப் போட்டியில் அறிமுக வீரர் ஆகாஷ் தீப் அபாரமாக பந்து வீசினார். அவரது பந்து வீச்சை எதிர்கொண்ட ஜாக் கிரான்லி கிளீன் போல்ட் ஆகி ஆட்டமிழந்தார். டெஸ்ட் கிரிக்கெட்டில், முதல் விக்கெட்டை கைப்பற்றிய மகிழ்ச்சியில் ஆகாஷ் தீப் துள்ளி குதித்தார். தொடர்ந்து பென் டக்கெட்டையும் அபாரமாக அவுட்டாக்கினார் ஆகாஷ் தீப். அவரது மூன்றாவது விக்கெட்டாக வந்தவர் ஒல்லி போப். எல்பிடபிள்யூ முறையில் ஆட்டமிழந்தார் போப். அதுவும் டக் அவுட்டானார். தனது முதல் போட்டியிலேயே ஒரு போல்டு, ஒரு கேட்ச், ஒரு எல்பிடபிள்யூ என அசத்தினார் ஆகாஷ் தீப்.

தனது அறிமுக டெஸ்ட் போட்டியிலேயே 3 விக்கெட்டுகளை வீழ்த்தி இந்திய வேகப்பந்து வீச்சாளர் ஆகாஷ் தீப் அதிரடி காண்பித்துள்ளது கிரிக்கெட் ரசிகர்களின் பாராட்டை பெற்றுள்ளார். ஐபிஎல் பெங்களூரு அணிக்காக இவர் விளையாடுவதால் ஆர்.சி.பி.ரசிகர்களும் கொண்டாட்டத்தில் உள்ளனர்.

ஏழ்மையான பின்னணி

இந்தியாவின் 313வது டெஸ்ட் வீரராக அறிமுகம் ஆகியிருக்கும் ஆகாஷ் தீப், பீகார் மாநிலம் சசராம் என்ற ஊரில் ஏழைக் குடும்பத்தில் பிறந்தவர். சிறுவயது முதல் கிரிக்கெட்டில் ஆர்வம் கொண்ட இவர், குடும்பத்தின் வறுமை காரணமாக கிரிக்கெட்டை விட்டு ஒதுங்கியிருந்தார். தனது மாமா கொடுத்த ஊக்கத்தால் மீண்டும் கிரிக்கெட்டிற்கு திரும்பினார்.

துர்காபூரில் ஓர் அகாடமியில் சேர்ந்து, தனது வேகத்தின் மூலம் அங்கிருந்த பயிற்சியாளர்களை வியப்பில் ஆழ்த்தினார். மீண்டும் இவரது வாழ்க்கையில் விதி விளையாடியது. குறுகிய காலத்தில் தந்தை மற்றும் அண்ணனை இழந்தார். இதனால் மீண்டும் 3 ஆண்டுகள் கிரிக்கெட்டை மறந்து விட்டு வேலைக்கு சென்றார் ஆகாஷ் தீப். ஆனாலும் அவரை கிரிக்கெட் விடவில்லை. மீண்டும் தனது விடாமுயற்சியால் அதற்காக பாடுபட்ட அவர் இன்று, தனது முதல் போட்டியிலேயே நாடறிந்த கிரிக்கெட் முகமாக மாறியுள்ளார். இவரது கடந்த காலமும், அவர் கடந்து வந்த பாதையும், ரசிகர்களுக்கு உத்வேகம் அளிக்கும் என்பதில் எந்தவித மாற்றுக் கருத்தும் கிடையாது எனலாம்.

சமீபத்திய செய்திகள்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

தங்கம் விலை விடாமல் தொடர்ந்து உயர்ந்து கொண்டே வருவது ஏன்.. நிபுணர்கள் தரும் விளக்கம் இதுதான்!

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

Ranchi Test: எடுத்த எடுப்பிலேயே டாப்புக்குப் போன ஆகாஷ் தீப்.. வேற லெவல் Debut!

Comments

சமீபத்திய செய்திகள்

அதிகம் பார்க்கும் செய்திகள்