சென்னை: அரசியல் கட்சிகளிலேயே அதிக அளவிலான தொகுதிகளில் போட்டியிடும் பெரிய கட்சியாக அதிமுக உருவெடுத்துள்ளது. தமிழ்நாடு மற்றும் புதுச்சேரியில் மொத்தம் 33 தொகுதிகளில் அதிமுக போட்டியிடுகிறது.
பலத்த வெற்றி வாய்ப்புள்ள கட்சியான திமுக கூட இவ்வளவு அதிக தொகுதிகளில் போட்டியிடவில்லை. ஏன் பாஜக கூட போட்டியிடவில்லை. ஆனால் அதிமுக அதிக தொகுதிகளில் போட்டியிடுவது அனைவரையும் திரும்பிப் பார்க்க வைத்துள்ளது.
மக்களவைத் தேர்தலில் அதிமுக சார்பில் போட்டியிடும் வேட்பாளர்களின் இரண்டாவது பட்டியலை இன்று வெளியிட உள்ளது அக்கட்சி. நாடாளுமன்ற தேர்தலில் அதிமுக தலைமையில் தனி அணி போட்டியிடுகிறது. இந்த அணியில் தேமுதிக உள்ளிட்ட பல்வேறு கட்சிகள் இடம் பெற்றுள்ளன. இந்த கட்சிகளுக்கான தொகுதி பங்கீடு நேற்றுடன் முடிவடைந்தது.
இதில் தேமுதிகவுக்கு 5 தொகுதிகளும், புதிய தமிழகம் மற்றும் எஸ்டிபிஐ கட்சிகளுக்கு தலா ஒரு இடம் என ஒதுக்கியது போக மீதம் உள்ள 33 தொகுதிகளிலும் அதிமுகவே களம் காண்கிறது. அதிமுக நேற்று தனது முதல் வேட்பாளர் பட்டியலையும் வெளியிட்டது. 16 பேர் கொண்ட அந்த பட்டியலில் முக்கிய வேட்பாளர்கள் இடம்பெற்றிருந்தனர். இந்த நிலையில் இன்று இரண்டாவது மற்றும் இறுதி வேட்பாளர் பட்டியலை அதிமுக வெளியிட உள்ளது.
இன்று இறுதி வேட்பாளர் பட்டியலை வெளியிட்ட பின்னர் கட்சி பொதுச் செயலாளர் எடப்பாடி பழனிச்சாமி தேர்தல் பிரச்சாரத்தைத் தொடங்கவுள்ளார் என்பது குறிப்பிடத்தக்கது.
அதிமுக கூட்டணியில் பெரிய கட்சி என்று எதுவும் இல்லை. தேமுதிக மட்டுமே சொல்லிக் கொள்ளும்படியான கட்சியாக உள்ளது. பாமக வரும் என்று அதிமுக பெரிதும் எதிர்பார்த்தது. ஆனால் அது வர வாய்ப்பில்லாமல் போனதால் தேமுதிகவுடன் நிறுத்திக் கொண்டு அடுத்த வேலையைப் பார்க்க ஆரம்பித்து விட்டது. கூட்டணியில் பெரிய கட்சிகள் என்று எதுவும் இல்லாததால் அதிக தொகுதிகளில் அதிமுக போட்டியிடும் சூழல் உருவாகியுள்ளது குறிப்பிடத்தக்கது.
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!
தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!
12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?
{{comments.comment}}