ஏரோ இந்தியா 2023.. பெங்களூரில் தொடங்கி வைத்தார் மோடி.. இந்தியாவின் வலிமை என புகழாரம்!

Feb 13, 2023,01:03 PM IST

பெங்களூரு: ஏரோ இந்தியா 2023 நிகழ்ச்சியை பிரதமர் நரேந்திர மோடி பெங்களூரில் தொடங்கி வைத்தார். "புதிய இந்தியா" 21வது நூற்றாண்டின் எந்த வாய்ப்பையும் தவற விடக் கூடாது என்றும் பிரதமர் மோடி அழைப்பு விடுத்துள்ளார்.

பெங்களூர் எலகங்கா விமான தளத்தில் ஆண்டு தோறும் ஏரோ இந்தியா எனப்படும் விமானக் கண்காட்சி நடைபெறும். பல்வேறு நாடுகளின் போர் விமானங்கள் இதில் காட்சியில் பங்கேற்கும். இந்திய போர் விமானங்களின் வலிமையும் இதில் வெளிப்படும்.

இந்த ஆண்டுக்கான ஏரோ இந்தியா ஷோவை இன்று பிரதமர் நரேந்திர மோடி பெங்களூரில் தொடங்கி வைத்தார். நிகழ்ச்சியில் கர்நாடக முதல்வர் பொம்மை உள்ளிட்டோர் கலந்து கொண்டனர். 14வது ஏரோ இந்தியா ஷோவில், உள்நாட்டுத் தொழில்நுட்பத்துடன் தயாரிக்கப்பட்ட தேஜாஸ் போர் விமானம் முக்கிய அம்சமாக திகழும். வழக்கம் போல இந்த கண்காட்சியிலும் இந்தியாவின் சார்பில் ஏரோபாட்டிக்ஸ் நிகழ்ச்சி நடத்தப்படும். பல்வேறு விமான நிறுவனங்களின் வர்த்தக கண்காட்சியும் இதில் இடம் பெறும்.

ஏரோஇந்தியா ஷோவில் 98 நாடுகளைச் சேர்ந்த 809 நிறுவனங்கள் பங்கேற்கவுள்ளன. இந்த ஆண்டு ஷோவுக்கான கருப்பொருள் "கோடிக்கணக்கான வாய்ப்புகளின் ரன்வே" என்பதாகும். இந்தக் கண்காட்சியை பொதுமக்களும் பார்க்க ஏற்பாடு செய்யப்பட்டுள்ளது.

டெல்லி டூ மும்பை.. இந்தியாவிலேயே நீளமான எக்ஸ்பிரஸ் சாலை.. என்னென்ன ஸ்பெஷல் பாருங்க!

கண்காட்சியில் இந்தியா மற்றும் வெளிநாட்டு நிறுவனங்களுக்கிடையே ரூ. 75,000 கோடி மதிப்பிலான 251 ஒப்பந்தங்கள் கையெழுத்திடப்படவுள்ளன. போயிங் உள்ளிட்ட பன்னாட்டு விமானத் தயாரிப்பு நிறுவனங்கள் கண்காட்சியில் முக்கியமாக பங்கேற்கவுள்ளன. அமெரிக்காவிலிருந்து மிகப் பெரிய குழுவினரும் கண்காட்சிக்கு வருகை தருகின்றனர். அமெரிக்காவின் பல்வேறு அதி நவீன போர் விமானங்களும் காட்சிக்கு வைக்கப்படுகின்றன.

ஏரோ இந்தியா கண்காட்சியை தொடங்கி வைத்து பிரதமர் நரேந்திர மோடி பேசுகையில், ஏரோ இந்தியா கண்காட்சி, இந்தியாவின் புதிய பலத்தையும், அதன் அபிலாஷைகளையும் வெளிப்படுத்துவதாக உள்ளது. இந்தியா முற்றிலும் உள்நாட்டுத் தொழில்நுட்பத்துடன் கூடிய தேஜாஸ் விமானத்தை உருவாக்கியது. இந்தியாவின் மேக் இன் இந்தியா நோக்கத்தை இது பூர்த்தி செய்துள்ளது. ஐஎன்எஸ் விக்ராந்த் இந்தியாவின் திறமைக்கு இன்னொரு எடுத்துக்காட்டு.

பாதுகாப்புத் தளவாடப் பிரிவில் மிகப் பெரிய முதலீடுகளுக்கும், தயாரிப்புக்கும் இந்தியா மிகவும் உகந்த இடம் என்பதை நாம் நிரூபித்துள்ளோம். உலகின் முன்னணி ராணுவத் தளவாட தயாரிப்பாளராக இந்தியா விரைவில் உருவெடுக்கும் என்றார் பிரதமர் மோடி. 5 நாட்கள் ஏரோஇந்தியா கண்காட்சி நடைபெறும் என்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Happy Deepavali: பாதுகாப்பாக தீபாவளி கொண்டாடுங்கள்.. பசுமைப் பட்டாசுகளை வெடியுங்கள்.. தமிழ்நாடு அரசு

தீபாவளி கொண்டாடும் மக்களே.. இன்று 15 மாவட்டங்களுக்கு கன மழை எச்சரிக்கை.. வானிலை மையம்

விஜய் மாநாடு மிகப் பெரிய வெற்றி பெற்றுள்ளது.. நடிகர் ரஜினிகாந்த் பாராட்டு.. தவெகவினர் உற்சாகம்!

கமல்ஹாசன் விடுத்த அழைப்பு.. உதயநிதியோடு சென்று.. அமரன் படம் பார்த்த .. முதல்வர் மு.க.ஸ்டாலின்

தீபாவளி திருநாளையொட்டி.. அயோத்தியில் 25 லட்சம் அகல் விளக்குகள் ஏற்றி.. புதிய உலக சாதனை!

அக்டோபர் 31 - இன்றைய நல்ல நேரம், செய்ய வேண்டிய வழிபாடு

கும்ப ராசிக்காரர்களே... உயரத்தை எட்டி பிடிக்கும் நாள்.. ரிஷபம் கொஞ்சம் பொறுமை தேவை!

மதுரையில் வெள்ளத்தடுப்பு பணிகளுக்கு ரூ.11.9 கோடி நிதி ஒதுக்கீடு: முதல்வர் மு.க.ஸ்டாலின் உத்தரவு

விஜய்க்கு கோபம் வருவதற்காக தான் அஜித்துக்கு வாழ்த்து கூறுகிறாரா உதயநிதி ஸ்டாலின்?: டாக்டர் தமிழிசை