நாங்க ரெடி.. ஆதித்யா எல் 1 கவுன்ட்டவுன் துவங்கியது.. இஸ்ரோ அறிவிப்பு

Sep 01, 2023,04:37 PM IST

டெல்லி : ஆதித்யா எல் 1 விண்கலத்தை சூரியனுக்கு அனுப்புவதற்கான அனைத்து ஏற்பாடுகளும் தயார் நிலையில் உள்ளதாகவும், அதற்கான கவுன்ட்டவுன் துவங்கி விட்டதாகவும் இஸ்ரோ அறிவித்துள்ளது.

நிலவின் தென் பகுதியை ஆய்வு செய்வதற்காக இஸ்ரோ சமீபத்தில் சந்திரயான் 3 விண்கலத்தை நிலவிற்கு அனுப்பியது. ஆகஸ்ட் 23 ம் தேதி நிலவில் வெற்றிகரமாக தரையிறங்கிய சந்திரயான் 3 ன் பிரக்யான் ரோவர் கடந்த சில நாட்களாக நிலவில் ஆய்வுகளை நடத்தி வருகிறது. அங்கு நடத்தப்பட்டு வரும் ஆய்வு குறித்த தகவல்கள், நிலவின் புகைப்படங்கள் ஆகியவற்றை பூமிக்கு அனுப்பி வருகிறது. சமீபத்தில் நிலவில் சல்ஃபர், ஆக்சிஜன், கால்சியம், மாங்கனீஷ் உள்ளிட்ட தனிமங்கள் இருப்பதை பிரக்யான் ரோவர் கண்டுபிடித்துள்ளது.

பிரக்யான் ரோவர் தினமும் நிலவில் என்ன செய்து கொண்டிருக்கிறது, அடுத்து என்ன செய்யப் போகிறது என்பது உள்ளிட்ட அப்டேட்களை தினமும் வெளியிட்டு வருகிறது. நிலவிற்கு சந்திரயான் 3 அனுப்பி வெற்றி பெற்ற கையோடு, சூரியனை ஆய்வு செய்வதற்காக ஆதித்யா எல் 1 என்ற விண்கலத்தை அனுப்ப உள்ளதாக சமீபத்தில் அறிவித்தது. செப்டம்பர் 02 ம் தேதி ஆதித்யா எல் 1 விண்ணில் ஏவப்படும் என அறிவிக்கப்பட்டது.

இந்நிலையில், நாளை ஆதித்யா எல் 1 விண்ணில் செலுத்துவதற்கான அனைத்து ஏற்பாடுகளும் தயார் நிலையில் இருப்பதாகவும், இதற்கான 24 மணி நேர கவுன்ட்டவுன் துவங்கி விட்டதாகவும் இஸ்ரோ தெரிவித்துள்ளது. செப்டம்பர் 02 ம் தேதி காலை 11.50 மணிக்கு ஸ்ரீஹரிகோட்டாவில் இருந்து ஆதித்யா எல் 1 சூரியனை ஆய்வு செய்ய புறப்பட உள்ளது. சூரியனை ஆய்வு செய்வதற்கான ராக்கெட் மற்றும் செயற்கைகோள் இரண்டும் தயாராக உள்ளதாக இஸ்ரோ தலைவர் சோம்நாத் உறுதி செய்துள்ளார்.

பூமியில் இருந்து 1.5 மில்லியன் கி.மீ., தூரம் பயணித்து, அங்கிருந்து சூரிய புயல், சூரிய கொரோனா உள்ளிட்ட சூரியனின் செயல்பாடுகளை கண்காணித்து முன்கூட்டியே அறிவிக்கும் பணியை ஆதித்யா எல் 1 செய்ய உள்ளது. பூமியின் காலநிலை மாறுபாட்டிற்கான காரணங்கள் குறித்தும் ஆதித்யா எல் 1 ஆய்வு செய்ய உள்ளது. பல்வேறு நாடுகளைச் சேர்ந்த ஆய்வு நிறுவனங்களின் ஒத்துழைப்புடன் ஆதித்யா எல் 1 நாளை தனது பயணத்தை துவங்க உள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

மெட்ராஸ் நல்ல மெட்ராஸ்.. வரலாற்றுச் சிறப்பு வாய்ந்த ரிப்பன் மாளிகையை சுற்றிப் பார்க்க அரிய வாய்ப்பு

2028 அதிபர் தேர்தலுக்குத் தயாராகப் போகிறாரா கமலா ஹாரிஸ்.. அடுத்த திட்டம் என்ன?

நவ. 14, 15 கன மழை எச்சரிக்கை.. சென்னையில் முன்னெச்சரிக்கை பணிகள் தீவிரம்.. மேயர்பிரியா அப்டேட்!

ப வரிசைப் பட நாயகன்.. தமிழ்த் திரையுலகின் முத்திரை இயக்குநர்.. பீம்சிங் நூற்றாண்டு விழா.. நாளை!

உங்களுக்காக நடனமாடுகிறோம்.. எங்களுக்காக இதைச் செய்யுங்களேன்.. மேடை நடனக் கலைஞர்கள் கோரிக்கை!

மீண்டும் இ பாஸ் கட்டாயம்.. கொடைக்கானல், ஊட்டியில் வரிசை கட்டி நிற்கும் வாகனங்கள்

TNPSC குரூப் 2 தேர்வு எழுதியவர்களா நீங்கள்.. சூப்பரான குட் நியூஸ் சொன்ன தேர்வாணையம்..!

Weather Report: தமிழ்நாட்டில்.. 6 நாட்களுக்கு கனமழைக்கு வாய்ப்பு .. இந்திய வானிலை ஆய்வு மையம் தகவல்

விஜய் ஆர்கானிக் மாஸ் என்றால்... விசிக என்ன இன்ஆர்கானிக் மாஸா?.. விசிக தலைவர் திருமாவளவன்