குட் பேட் அக்லி.. இதுதான் அஜீத்தின் 63வது பட டைட்டில்.. ஆதிக் ரவிச்சந்திரன் இயக்கத்தில்!

Mar 14, 2024,07:08 PM IST

- அஸ்வின்


சென்னை: அஜீத் குமார் நடித்து வரும் விடா முயற்சி அப்டேட்டுகள் குறித்து ரசிகர்கள் தொடர்ந்து அலை பாய்ந்து கொண்டுள்ள நிலையில் அஜீத்தின் 63வது பட அறிவிப்பு வெளியாகியுள்ளது.


அஜீத் தற்போது மகிழ் திருமேனி இயக்கத்தில் விடாமுயற்சி படத்தில் நடித்து வருகிறார். இந்த நிலையில் அடுத்து அவர் ஆதிக் ரவிச்சந்திரனுடன் இணையவுள்ளார். இது அஜீத்தின் 63வது படமாகும்.


ஆதிக் ரவிச்சந்திரன் இதற்கு முன்பு திரிஷா இல்லைன்னா நயன்தாரா, அன்பானவன் அடங்காதவன் அசராதவன், பகீரா மற்றும் மார்க் ஆண்டனி ஆகிய படங்களை இயக்கியுள்ளார். இதில் மார்க் ஆண்டனி ரூ. 100 கோடிக்கு மேல் வசூல் செய்து பரபரப்பை ஏற்படுத்தியது.




இந்த நிலையில் தனது 5வது படமாக அஜீத்தை வைத்து இயக்கவுள்ளார். இப்படத்திற்கு குட் பேட் அக்லி என பெயரிடப்பட்டுள்ளது. டைட்டிலே படு வித்தியாசமாக இருக்கிறது. இதில் நல்லவனாகவும், கெட்டவனாகவும் அஜீத்தே நடிக்கப் போகிறாரா என்ற எதிர்பார்ப்பு கிளம்பியுள்ளது.


ஹீரோவை 2, 3 கெட்டப்பில் காட்டுவது ஆதிக் ரவிச்சந்திரனுக்குப் புதிதில்லை. ஏஏஏ படத்தில் சிம்புவை 3 கேரக்டர்களில் காட்டியிருப்பார். மார்க் ஆண்டனி படத்தில் 2 எஸ்.ஜே. சூர்யா, 2 விஷால் என மிரட்டியிருப்பார். அதாவது ஹீரோவும் 2, வில்லனும் 2. அந்த வரிசையில் இப்போது அஜீத்தையும், 2, 3 கேரக்டர்களில் காட்டத் திட்டமிட்டிருக்கிறாரா ஆதிக் என்ற படு பயங்கர எதிர்பார்ப்பு எழுந்துள்ளது.




விஜய்யின் படத்துக்கு தி கிரேட்டஸ்ட் ஆப் டைம் என்று ஆங்கிலத்தில் பெயர் வைக்கப்பட்டுள்ளது. தற்போது அதே பாணியில் அஜீத்தின் படத்துக்கும் ஆங்கிலத்திலேயே பெயர் வைத்திருப்பது குறிப்பிடத்தக்கது.


குட் பேட் அக்லி படத்துக்கு தேவி ஸ்ரீபிரசாத் இசையமைக்கவுள்ளார். 2025ம் ஆண்டு பொங்கல் பண்டிகைக்கு படம் திரைக்கு வரும் என்றும் படத் தயாரிப்பு நிறுவனமான மைத்ரி மூவி மேக்கர்ஸ் தெரிவித்துள்ளது. ஜூன் மாதம் ஷூட்டிங் ஆரம்பிக்கவுள்ளதாம். இப்பட நிறுவனம்தான் பயங்கரமாக ஓடிய புஷ்பா படத்தைத் தயாரித்தவர்கள் என்பது குறிப்பிடத்தக்கது.


சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

news

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

அதிகம் பார்க்கும் செய்திகள்