"கீழ்த்தரம்".. சேலம் ஏ.வி. ராஜு மீது திரிஷா ஆவேசம்.. சட்ட நடவடிக்கை எடுக்கப் போவதாக அறிவிப்பு!
சென்னை: கீழ்த்தரமானவர்களின் செயல்கள் தொடர்வதைக் கண்டு மிகவும் அறுவெறுப்பாக இருக்கிறது. தரம் கெட்ட முறையில் பேசியவர்கள் மீது எனது சட்டக் குழு கடும் நடவடிக்கை எடுக்கும் என்று சேலம் ஏவி ராஜுவுக்கு நடிகை திரிஷா கடும் கண்டனம் தெரிவித்துள்ளார்.
சசிகலா சிறைக்குப் போவதற்கு முன்பு அதிமுக உடைந்தது. ஓ.பன்னீர் செல்வம் தனியாக வெளியேறினார். மெரீனா கடற்கரையில் ஜெயலலிதா சமாதி முன்பு மெளன விரதம் இருந்து பரபரப்பை ஏற்படுத்தினார். அந்த சமயத்தில் எம்எல்ஏக்களைத் தக்க வைப்பதற்காக கூவத்தூரில் உள்ள ரிசார்ட்டில் கொண்டு போய் தனது ஆதரவு எம்எல்ஏக்களைத் தங்க வைத்திருந்தார் சசிகலா.
அந்த கூவத்தூரில்தான் எடப்பாடி பழனிச்சாமியை முதல்வராக தேர்வு செய்து விட்டு தான் சிறைக்குப் போனார் சசிகலா. இந்த நிலையில் எடப்பாடி பழனிச்சாமிக்கும், சேலம் ஒன்றிய அதிமுக செயலாளராக இருந்த ஏ.வி. ராஜுவுக்கும் இடையே மோதல் ஏற்படவே அவரை கட்சியை விட்டு நீக்கினார் எடப்பாடி பழனிச்சாமி.
இதையடுத்து செய்தியாளர்களைச் சந்தித்த ஏ.வி. ராஜு, கூவத்தூரில் என்னவெல்லாம் நடந்தது என்பது குறித்து செய்தியாளர்களிடம் பரபரப்பாக பேசினார். அப்போது நடிகை திரிஷா குறித்து அவர் தெரிவித்த தகவல்கள் பெரும் அதிர்ச்சியையும், பரபரப்பையும் ஏற்படுத்தின. அவரது பேச்சுக்கு பலரும் கண்டனம் தெரிவித்துள்ளனர்.
இந்த நிலையில் சேலம் ராஜு மீது சட்ட நடவடிக்கை எடுக்கப் போவதாக திரிஷா அறிவித்துள்ளார். இதுதொடர்பாக அவர் வெளியிட்டுள்ள டிவீட்டில், கீழ்த்தரமானவர்களின் செயல்கள் தொடர்வதைப் பார்க்கவே அறுவெறுப்பாக உள்ளது. தங்களது சுய நலனுக்காக எவவளவு கேடு கெட்ட நிலைக்கும் இறங்கத் தயாராக இருப்பவர்கள் இவர்கள். தேவையான கடும் நடவடிக்கை கண்டிப்பாக எடுக்கப்படும். அதற்குத் தேவையானதை எனது வழக்கறிஞர்கள் குழு உடனடியாக தொடங்கும் என்று தெரிவித்துள்ளார் திரிஷா.
சமீபத்திய செய்திகள்
Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?
மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்
தங்கம் விலை விடாமல் தொடர்ந்து உயர்ந்து கொண்டே வருவது ஏன்.. நிபுணர்கள் தரும் விளக்கம் இதுதான்!
கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!
Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்
TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!
AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!
Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!
Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?
{{comments.comment}}