சென்னை: நடிகை கீர்த்தி சுரேஷ் தனது 15 வயது வருட நண்பரை, அதாவது காதலரை தனது ட்விட்டர் பக்கத்தில் அறிமுகம் செய்துள்ளார். இதையடுத்து அவருக்கு வாழ்த்துகள் குவிந்து வருகின்றன.
தமிழ் சினிமாவில் முன்னணி நடிகைகளில் ஒருவராக வலம் வரும் கீர்த்தி சுரேஷ், தயாரிப்பாளரும் நடிகருமான சுரேஷ் மற்றும் நடிகை மேனகாவின் இளைய மகள். இவர் தமிழில் முதல் முதலாக இது என்ன மாயம் என்ற திரைப்படம் மூலம் அறிமுகமானார். இதனை தொடர்ந்து பல முன்னணி நட்சத்திரங்களுடன் இணைந்து பைரவா, ரஜினிமுருகன், ரெமோ, சர்க்கார், மாமன்னன், சண்டைக்கோழி 2 உள்ளிட்ட பல்வேறு படங்களில் நடித்து ரசிகர்களின் மனதை வென்றவர்.
தமிழில் மட்டுமல்லாமல் ஹிந்தி மற்றும் தெலுங்கிலும் அவ்வப்போது நடித்து வரும் கீர்த்தி சுரேஷ் நடித்து வெளியான ரகு தாத்தா திரைப்படம் பல்வேறு தரப்பிலும் நல்ல வரவேற்பை பெற்றது. அதேபோல் நடிகை சாவித்திரி கதையை மையமாகக் கொண்டு உருவாகியுள்ள நடிகையர் திலகம் படத்தில் நடித்து பல்வேறு தரப்பிலும் பாராட்டை பெற்றவர். இப்படத்தில் சிறந்த நடிப்பிற்காக கீர்த்தி சுரேஷுக்கு தேசிய விருதும் கிடைத்தது என்பது நினைவிருக்கலாம்.
இதற்கிடையே கீர்த்தி சுரேஷ் தனது பள்ளி காலத்திலிருந்து நீண்ட நாட்களாக காதலித்து வந்த ஆண்டனி தட்டில் என்பவரை விரைவில் திருமணம் செய்ய இருப்பதாக கோலிவுட் வட்டாரத்தில் பரபரப்பாக பேசப்பட்டு வந்தது. நடிகை கீர்த்தி சுரேஷ் 15 வருடமாக காதலித்து வந்த ஆண்டனியை அறிமுகப்படுத்தி, தனது ட்விட்டர் பக்கத்தில் பதிவிட்டுள்ளார். இந்தப் பதிவு தற்போது வைரலாகி வருவதுடன் ரசிகர்கள் வாழ்த்து தெரிவித்து வருகின்றனர்.
நடிகைகள் திரிஷா, ஹன்சிகா மோத்வானி, ராசி கண்ணா உள்ளிட்ட பல்வேறு நடிகைகளும் ஹார்ட்டின் விட்டு வாழ்த்தியுள்ளனர். நடிகை கீர்த்தி சுரேஷ் 15 வருடமாக காதலித்து வரும் ஆண்டனி தட்டில், கேரளாவின் கொச்சியைச் சேர்ந்தவர். அங்கும், துபாயிலுமாக அவர் பல்வேறு தொழில்களை நடத்தி வருகிறார். இவர்களுக்கு வருகிற டிசம்பர் மாதம் திருமணம் நடைபெறவுள்ளதாகவும் தகவல்கள் பரவியுள்ளது என்பது நினைவிருக்கலாம்.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!
சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!
இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி
தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!
அண்ணன் ராம்குமாருக்கு உதவ முடியாது .. கைவிரித்த நடிகர் பிரபு!
வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!
ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும். சட்டசபையில் அறிவிப்பு!
வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்
வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!
{{comments.comment}}