Anthagan: தி அந்தகன் ஆன்தம் பாடலை.. வெளியிட்டார் நடிகர் விஜய்.. பிரஷாந்த் மகிழ்ச்சி!

Jul 24, 2024,04:38 PM IST

சென்னை: பிரஷாந்த் நடித்துள்ள அந்தகன் படத்தின் முதல் பாடலை நடிகரும், த.வெ.க தலைவருமான விஜய் இன்று வெளியிட்டுள்ளார்.

பிரஷாந்த் சில ஆண்டுகளாக தமிழ் சினிமா பக்கம் வராமல் இருந்தார். தெலுங்கில் சில படங்களில் நடித்திருந்தார். இந்த நிலையில், நீண்ட இடைவேளைக்கு பிறகு, பிரபுதேவா, பிரஷாந்த், விஜய் ஆகிய மூவரும் இணைந்து நடித்துள்ள படம் தான் தி கோட். தி கோட் படத்தின் படப்பிடிப்பு பணிகள் முடிவடைந்து தற்போது இறுதி பணிகள் நடைபெற்று வருகின்றன. இப்படம் வரும் செப்டம்பர் மாதம் திரையரங்குகளில் வெளியாக உள்ளது.

நீண்ட இடைவெளிக்குப் பிறகு பிரஷாந்த் ஹீரோவாக நடித்து இருக்கும் படம் தான் அந்தகன். கடந்த 2018ல் பூஜையுடன் தொடங்கப்பட்ட அந்தகன், வெளி வராமல் நிலையில் இருந்தது. தற்போது இத்திரைப்படம் விரைவில் வெளியாக உள்ளது. இந்தியில் பெரும் வரவேற்பை பெற்ற அந்தாதூன் படத்தை தமிழில் ரீமேக் செய்துள்ளார் இப்படத்தின் இயக்குனரும், தயாரிப்பாளரும் ஆன பிரஷாந்த்தின் தந்தை தியாகராஜன். இப்படத்திற்கு சந்தோஷ் நாராயணன் இசையமைத்துள்ளார். ஒளிப்பதிவாளராக ரவியாதவ், கலை இயக்குநராக செந்தில் ராகவன் ஆகியோர் பணிபுரிந்துள்ளானர்.

இதில் ஆயுஷ்மான் குராணா கதாபாத்திரத்தில் பிரஷாந்த் நடித்துள்ளார். நாயகியாக ப்ரியா ஆனந்த், சிம்ரன், கார்த்திக், யோகி பாபு, ஊர்வசி, கே.எஸ்.ரவிக்குமார், மனோபாலா, வனிதா விஜயகுமார், செம்மலர், பூவையார் உள்ளிட்ட பலர் நடித்துள்ளனர். இப்படம் ஆகஸ்ட் 15ம் தேதி வெளிவரும் என படக்குழு சார்பில் தெரிவிக்கப்பட்டுள்ளது. இந்தப் படம் குறித்து பிரஷாந்த் ரசிகர்கள் மிகுந்த மகிழ்ச்சியில் உள்ளனர். ஏற்கனவே கோட் படத்தில் பிரஷாந்த்துக்கு முக்கியமான பாத்திரம் என்று பேச்சு அடிபடுகிறது. தற்போது அந்தகனும் வருவதால் ரசிகர்களுக்கு டபுள் டிலைட்டாக இது அமைந்துள்ளது.

இப்படத்தின் முதல் பாடலான அந்தகன் ஆந்தம் பாடலை இன்று நடிகர் விஜய்யும், பிரபுதேவாவும் சேர்ந்து வெளியிட்டுள்ளார்கள். இப்பாடலுக்கான வரிகளை உமாதேவி எழுதியுள்ளார். சான்டி மாஸ்டர் நடனம் கற்பித்துள்ளார். பாடலை அனிருத் மற்றும் மக்கள் செல்வன் நடிகர் விஜய் சேதுபதி இணைந்து பாடியுள்ளனர். பிரபுதேவா இந்தப் பாடலை வடிமைத்து இயக்கியுள்ளார். இன்று ஃபர்ஸ்ட் சிங்கிள் ரிலீஸ் மட்டுமின்றி பத்திரிகையாளர்களுக்கு என்று சென்னை பிரசாத் ஸ்டூடியோவில் அந்தகன் படத்தின் திரையிடலும் நடந்தது குறிப்பிடத்தக்கது.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

Anthagan: தி அந்தகன் ஆன்தம் பாடலை.. வெளியிட்டார் நடிகர் விஜய்.. பிரஷாந்த் மகிழ்ச்சி!

Comments

சமீபத்திய செய்திகள்

அதிகம் பார்க்கும் செய்திகள்