ஆதி குணசேகரன் ரோலில் நானா?... "சேச்சே".. நடிகர் வேல ராமமூர்த்தி மறுப்பு

Sep 11, 2023,01:32 PM IST

சென்னை : மறைந்த நடிகர் மாரிமுத்து நடித்த ஆதி குணசேகரன் ரோலில் இனி நடிகர் வேல ராமமூர்த்தி நடிக்க உள்ளதாக மீடியாக்கள் சிலவற்றில் தகவல் வெளியாகி வருகிறது. ஆனால் இந்த தகவலை வேல ராமமூர்த்தி மறுத்துள்ளார்.

சன் டிவியில் ஒளிபரப்பாகி வரும் எதிர்நீச்சல் சீரியலில் ஆதி குணசேகரன் என்ற ரோலில் நடித்து வந்தார் நடிகர் மாரிமுத்து. இவர் இயக்குனர், உதவி இயக்குனர், குணசித்திர நடிகர் என சினிமாவில் பல ரோல்களில் பல படங்களில் நடித்திருந்தாலும், சின்னத்திரைக்கு வந்து ஆதி குணசேகரன் ரோலில் நடிக்க துவங்கிய பிறகு தான் இவருக்கு அதிக பெயரும் புகழும் கிடைத்தது. சமீபத்தில் சீரியலுக்கு டப்பிங் பேசிக் கொண்டிருந்த போது மாரிமுத்துவிற்கு திடீரென மாரடைப்பு ஏற்பட்டு, அவர் உயிரிழந்தார்.

மாரிமுத்துவின் திடீர் மறைவு சின்னத்திரை, சினிமா உலகம், ரசிகர்கள் என அனைவரையும் பெரும் அதிர்ச்சி உள்ளாக்கி உள்ளது. மாரிமுத்து கடைசியாக நடித்த சீன், கடைசியாக பேசிய வசனங்கள் அனைத்தும் அவரது நிஜ வாழ்க்கையுடன் ஒத்து போவதாக இருப்பது பலரையும் கலங்க வைத்துள்ளது. இது பற்றிய தகவல்கள், வீடியோக்கள் தான் கடந்த சில நாட்களாக சோஷியல் மீடியாக்களில் அதிகம் பகிரப்பட்டு வருகிறது.

இந்நிலையில் எதிர்நீச்சல் சீரியலில் இனி ஆதி குணசேகரன் ரோலில் யார் நடிக்க போகிறார்கள்? என்ற கேள்வியும் எழுந்துள்ளது. இந்த ரோலில் இனி கொம்பரம், கிடாரி உள்ளிட்ட பல படங்களில் நடித்த நடிகர் வேல ராமமூர்த்தி தான் நடிக்க உள்ளதாக சில மீடியாக்கள் தகவல் வெளியிட்டு வருகின்றன. இந்நிலையில் தான் குணசேகரன் நடிக்கவில்லை என வேல ராமமூர்த்தி மறுத்துள்ளார்.

அவர் அளித்துள்ள பேட்டியில், ஆதி குணசேகரன் ரோலில் நடிப்பதற்காக சீரியல் டீம் என்னிடம் பேச்சுவார்த்தை நடத்தியது உண்மை தான். ஆனால், நான் தற்போது சினிமாவில் பல படங்களில் நடித்து வருகிறேன். இந்த நிலையில் சீரியலுக்காக நேரம் ஒதுக்க முடியா என்பது தெரியவில்லை. தற்போது கூட சினிமா ஷூட்டிங்கில் தான் இருந்து வருகிறேன். தற்போதும் எதிர்நீச்சல் டீம் என்னுடன் பேச்சுவார்த்தை நடத்திக் கொண்டிருக்கின்றனர். ஆனால் எதிர்நீச்சல் சீரியலில் மாரிமுத்து நடித்த குணசேகரன் ரோலில் நடிப்பது பற்றி நான் இது வரை எந்த முடிவும் எடுக்கவில்லை என வேல ராமமூர்த்தி தெரிவித்துள்ளார்.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

ஆதி குணசேகரன் ரோலில் நானா?... "சேச்சே".. நடிகர் வேல ராமமூர்த்தி மறுப்பு

Comments

சமீபத்திய செய்திகள்

அதிகம் பார்க்கும் செய்திகள்