ரஜினிகாந்த் பிரச்சினை இதுதான்.. இதய ரத்த நாளத்தில் வீக்கம்.. ஸ்டென்ட் பொருத்தப்பட்டு நலமாக உள்ளார்!

Oct 01, 2024,06:36 PM IST

சென்னை:  சூப்பர் ஸ்டார் ரஜினிகாந்த்தின் இதயத்திலிருந்து செல்லும் ரத்த நாளத்தில் வீக்கம் ஏற்பட்டிருந்ததே அவரது உடல் நல பாதிப்புக்குக் காரணம் என்றும் தற்போது அது சரி செய்யப்பட்டு ஸ்டென்ட் பொருத்தப்பட்டுள்ளதாக சென்னை அப்பல்லோ மருத்துவமனை நிர்வாகம் அறிக்கை மூலம் தெரிவித்துள்ளது.




நடிகர் ரஜினிகாந்த் நேற்று நள்ளிரவுக்கு மேல் திடீரென அப்பல்லோ மருத்துவமனைக்கு அழைத்து வரப்பட்டார். அவருக்கு வயிற்று வலி என்றும், நெஞ்சு வலி என்றும் பல்வேறு வகையான தகவல்கள் வெளியாகின. இந்த நிலையில் அவரது உடல் நிலை ஸ்திரமாக இருப்பதாகவும், இன்று அவருக்கு பல்வேறு சிகிச்சைகள் மேற்கொள்ளப்பட்டதாகவும், அவர் கண்விழித்து டாக்டர்களுக்கு நன்றி கூறியதாகவும் செய்திகள் வெளியாகியிருந்தன.


இந்த பின்னணியில் தற்போது அப்பல்லோ மருத்துவமனை நிர்வாகம் ரஜினியின் உடல் நலம் குறித்த அறிக்கையை வெளியிட்டுள்ளது. அதில் கூறப்பட்டுள்ளதாவது: நடிகர் ரஜினிகாந்த் செப்டம்பர் 30ம் தேதி கிரீம்ஸ்ரோடு அப்பல்லோ மருத்துவமனையில் அனுமதிக்கப்பட்டார். அவரது இதயத்திலிருந்து செல்லும் முக்கிய ரத்த நாளத்தில் வீக்கம் இருந்தது கண்டுபிடிக்கப்பட்டது. இதையடுத்து அறுவைச் சிகிச்சை இல்லாமல், டிரான்ஸ்கத்தீட்டர் மூலம் அவருக்கு  சிகிச்சை அளிக்கப்பட்டது. 


மூத்த இருதயவியல் நிபுணர் டாக்டர் சாய் சதீஷ், வீங்கியிருந்த ரத்த நாளத்தில் அதை சரி செய்து விட்டு அங்கு ஸ்டென்ட் பொருத்தினார். ரஜினிகாந்த் நலம் விரும்பிகளுக்கும், அவரது ரசிகர்களுக்கும் நாங்கள் சொல்லும் செய்தியானது, ரஜினிகாந்த்துக்கான சிகிச்சை திட்டமிட்டபடி சிறப்பாக நடந்து முடிந்தது. அவரது உடல் நலம் ஸ்திரமாக உள்ளது, அவர் நலமாக உள்ளார். இன்னும் 2 நாட்களில் ரஜினிகாந்த் வீடு திரும்புவார் என்று தெரிவிக்கப்பட்டுள்ளது.



செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி

news

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

news

சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!

news

தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!

news

அண்ணன் ராம்குமாருக்கு உதவ முடியாது .. கைவிரித்த நடிகர் பிரபு!

news

வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!

news

ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும்‌. சட்டசபையில் அறிவிப்பு!

news

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

news

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!

அதிகம் பார்க்கும் செய்திகள்