இயக்குநர் - நடிகர் மாரிமுத்து திடீர் மரணம்.. திரையுலகம் அதிர்ச்சி!
சென்னை: இயக்குநராகவும், நடிகராகவும் வலம் வந்த மாரிமுத்து திடீரென மாரடைப்பால் மரணமடைந்தார். அவரது மரணம் திரையுலகினரையும், சின்னத்திரை உலகினரையும் அதிர்ச்சியில் ஆழ்த்தியுள்ளது.
56 வயதான மாரிமுத்து சமீப காலமாக தமிழ்நாட்டு மக்களிடையே மிகவும் பிரபலமாக பேசப்பட்டு வந்தவர். அவரது மரணச் செய்தி யாரும் எதிர்பாராத நிலையில் வந்து சேர்ந்துள்ளது.
இன்று காலை கடுமையான மாரடைப்பால் மாரிமுத்து மரணமடைந்தார். அவரை மருத்துவமனைக்குக் கொண்டு சென்று சிகிச்சை அளித்தும் கூட சிகிச்சை பலனளிக்காமல் மாரிமுத்து மரணமடைந்துள்ளார்.
மாரிமுத்து இயக்குநராக பல்வேறு படங்களை இயக்கியுள்ளார். எஸ்.ஜே. சூர்யாவுடன் இணைந்து செயல்பட்டவர். கண்ணும் கண்ணும், புலிவால் ஆகிய படங்களை இயக்கியுள்ளார். வாலி உள்ளிட்ட பல்வேறு படங்களில் நடித்துள்ளார்.
பரியேறும் பெருமாள் படத்தில் மிக முக்கியமான பாத்திரத்தில் நடித்து அனைவரின் கவனத்தையும் ஈர்த்தவர். ஜெயிலர் படத்திலும் முக்கியப் பாத்திரத்தில் நடித்துள்ளார் மாரிமுத்து.
இத்தனை நடித்தும் கூட அவரை புகழின் உச்சிக்குக் கொண்டு சென்றது எதிர்நீச்சல் நாடகம்தான். அந்த சீரியலில் மாரிமுத்து அதகளப்படுத்தி வந்தார். அந்த நாடத்தில் அவரது நடிப்பும், பாடி லாங்குவேஜ் ஆகியவை அத்தனை பேரையும் வியக்க வைத்தது. மேலும் அவர் பயன்படுத்தி வந்த ஏம்மா ஏய் என்ற வசனம் படு வேகமாகப் பிரபலமானது.
தனது மொத்த திரையுலக அனுபவத்தையும் இந்த சீரியலில் வெளிப்படுத்தி அனைவரையும் பிரமிக்க வைத்தவர் மாரிமுத்து. முற்போக்கு சிந்தனையாளராகவும் வலம் வந்தவர் மாரிமுத்து. சமீபத்தில் கூட ஒரு டிவி நிகழ்ச்சியில் ஜோதிடர்கள் குறித்து அவர் பேசிய பேச்சு பரபரப்பையும், சலசலப்பையும் ஏற்படுத்தியது.
மாரிமுத்துவின் மரணம் அனைவரையும் அதிர்ச்சியில் ஆழ்த்தியுள்ளது. மிகச் சிறந்த கலைஞரை திரைத்துறையும், தொலைக்காட்சித் துறையும் இழந்துள்ளன.
சமீபத்திய செய்திகள்
Cyclone Fengal.. 8 மாவட்டங்களில் பள்ளி கல்லூரிகளுக்கு நாளை விடுமுறை.. தேவையின்றி வெளியில் வராதீர்கள்
Cyclone Fengal to cross near Puducherry.. யாருக்கெல்லாம் நாளை ரெட் அலர்ட்?.. IMD Chennai Update
Cyclone Fengal வருது.. இருந்தாலும் தயாரா இருங்க.. அப்டேட் பண்றோம்.. ஷாக் கொடுத்த சென்னை பள்ளி!
கனமழை எதிரொலி.. அரும்பாக்கம், செயின்ட் தாமஸ் மெட்ரோ நிலையங்களில் வாகனங்களை நிறுத்துவதைத் தவிருங்கள்!
ஃபெஞ்சல் புயல்.. 2024ம் ஆண்டில்.. வங்கக் கடலில் பிறந்த 3வது புயல்.. வட கிழக்கு பருவ காலத்தில் 2வது!
.jpg)
Cyclone Fengal.. வங்கக் கடல் ஆழ்ந்த காற்றழுத்தம்.. ஃபெஞ்சல் புயலாக மாறியது.. நாளை கரையைக் கடக்கும்
ஃபெஞ்சல் புயல்.. ரெட் அலர்ட் மாவட்டங்களில் தீவிர முன்னெச்சரிக்கை நடவடிக்கைகள் - அமைச்சர் தகவல்
Red alert: தமிழகத்தில் அதி கன மழை எச்சரிக்கை.. இன்றும் நாளையும் ரெட் அலர்ட் அறிவிப்பு
சென்னையில்.. இன்று மாலை முதல் ஞாயிறு காலை வரை மிக கன மழைக்கு வாய்ப்பு.. தமிழ்நாடு வெதர்மேன்
{{comments.comment}}