நரம்பில்லாத "நாக்கு"தான்.. ஆனால் என்னெல்லாம் பண்ணுது பாருங்க.. வாவ்!

Sep 11, 2023,08:13 AM IST

டெல்லி: இந்திய கிரிக்கெட் ஸ்டார் விராட் கோலியின் உருவத்தை தனது நாக்காலேயே வரைந்து அசத்தியிருக்கிறார் ஒரு இளைஞர்.

இவர் யார் எந்த ஊரைச் சேர்ந்தவர் என்ற விவரம் தெரியவில்லை. ஆனால் இதுதொடர்பான ஒரு வீடியோ டிவிட்டரில் வேகமாக பரவி வருகிறது.

ஓவியத் திறமை கொண்டவரான இந்த இளைஞர் விராட் கோலியின் முகத்தை அழகாக வரைகிறார்.. ஆனால் கையால் அல்ல.. தனது நாக்காலேயே வரைந்து அசத்துகிறார். கருப்பு நிற கலர் இங்க்கை தனது நாக்கில் தடவிக் கொண்டு வெள்ளைத் தாளில் விராட் கோலியின் முகத்தை வரைகிறார். சும்மா சொல்லக் கூடாது.. சூப்பராக வரைந்திருக்கிறார்.

இவர் தீவிர விராட் கோலி ரசிகராம். விராட் கோலியை வைத்து ஏகப்பட்ட ஓவியங்கள் வரைந்துள்ளாராம். வித்தியாசமான ஒரு டிரிப்யூட்டாக இருக்கட்டுமே என்று நாக்கில் வரைந்து காட்டி கலக்கி விட்டார்.

தங்களது ஆதர்ச நாயகர்களுக்காக விதம் விதமாக செய்வது ரசிகர்களின் வழக்கம்தான். சமீபத்தில் சென்னை சூப்பர் கிங்ஸ் கேப்டன் தோனி மீது அபிமானம் வைத்திருந்த ஒரு ரசிகர், அவருக்காக ஒரு பிரத்யேக கிப்ட்டை ரெடி செய்திருந்தார். அது என்னவென்றால், சென்னை சேப்பாக்கம் எம்.ஏ. சிதம்பரம் ஸ்டேடியத்தின் மினியேச்சர் வடிவம்தான்.

சேப்பாக்கம் ஸ்டேடியத்தை அச்சு அசலாக அப்படியே குட்டி வடிவில் சூப்பராக உருவாக்கியிருந்தார் அந்த ரசிகர். கூடவே விளக்குக் கம்பங்களும் சேர்த்து பார்க்கவே பிரமிப்பை ஏற்படுத்தியிருந்தார். இந்த கிப்ட்டை தோனியிடம் கொடுத்து அவரையே ஆச்சரியப்பட வைத்தார்.

அந்த பாணியில் இப்போது இந்த விராட் கோலி ரசிகர் தனது ஓவியத் திறமையால் கோலி உருவத்திற்கு உயிர் கொடுத்துள்ளார். ஆனால் இவர் ஒரு படி மேல போய் நாக்கினாலேயே படம் வரைந்து பிரமிக்க வைத்துள்ளார். இந்தப் படத்தை வரைந்தபோது ஒரு இடத்தில் கூட இவர் கையை பயன்படுத்தவே இல்லை.. எல்லாமே நாக்குதான்.

இந்த வீடியோவை விராட் கோலி ரசிகர்கள் மட்டுமல்லாமல் கிரிக்கெட் ரசிகர்களும் கூட பாராட்டி வருகின்றனர்.

நரம்பில்லாதது நாக்கு என்பார்கள்.. அந்த நாக்கை அழகாக பயன்படுத்தி அசத்திய இந்த இளைஞரை கண்டிப்பாக பலே போட்டு பாராட்டலாம்.

சமீபத்திய செய்திகள்

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி

நரம்பில்லாத "நாக்கு"தான்.. ஆனால் என்னெல்லாம் பண்ணுது பாருங்க.. வாவ்!

Comments

சமீபத்திய செய்திகள்

அதிகம் பார்க்கும் செய்திகள்