இந்தியாவுக்கு டெஸ்லா வருமா.. எலான் மஸ்க் சொன்ன சூப்பர் பதில்!

May 25, 2023,10:03 AM IST

சான் பிரான்சிஸ்கோ: இந்தியா தயாராக இருந்தால் அங்கு எனது அடுத்த புதிய தொழிற்சாலையை நிறுவ நான் தயார்தான் என்று கூறியுள்ளார் டெஸ்லா நிறுவன தலைமை செயலதிகாரியான எலான் மஸ்க்.

டிவிட்டர் உரிமையாளராக இருக்கும் எலான் மஸ்க்கின் நிறுவனம்தான் டெஸ்லா கார் தயாரிப்பு நிறுவனம். உலகம் முழுவதும் பிரபலமான டெஸ்லா கார்கள் இதுவரை இந்தியாவில் மட்டும் ஓடாமல் இருக்கிறது. இங்கு தொழிற்சாலை அமைக்க எலான் மஸ்க் ஆரம்பத்தில் ஆர்வம் காட்டினாலும் கூட பல்வேறு குளறுபடிகளால் அது நிறைவேறாமலேயே இருக்கிறது.

உலக அளவில் மிகப் பெரிய கார்ச் சந்தையாக இந்தியா விளங்குகிறது. குறிப்பாக சென்னையில் உலகின் முன்னணி கார் நிறுவனங்களின் உற்பத்திக் கூடங்கள் குவிந்து கிடக்கின்றன. இந்த நிலையில் டெஸ்லா கார் நிறுவனம் தனது அடுத்த புதிய கிளையை தொடங்க ஆயத்தமாகி வருகிறது. எந்த நாட்டில் அது தொடங்கப்படும் என்பது பில்லியன் டாலர் கேள்வியாக மாறியுள்ளது.

மஸ்க்கின் புதிய கார் தொழிற்சாலை இந்தியாவில் தொடங்கப்படலாம் என்ற பேச்சும் அடிபடுகிறது. இது பெரும் எதிர்பார்ப்புகளையும் ஏற்படுத்தியுள்ளது. ஆனால் இதுவரை அதுகுறித்து உறுதியாக எதுவும் தெரியவில்லை. இந்த நிலையில் செய்தியாளர் ஒருவர் மஸ்க்கிடம், இந்தியாவில் கார் தொழிற்சாலை தொடங்க வருமாறு அந்த நாடு அழைத்தால், முன்வந்தால் நீங்கள் டெஸ்லாவை அங்கு தொடங்குவீர்களா என்று கேட்டபோது, கண்டிப்பாக என்று பதிலளித்துள்ளார் மஸ்க்.

வால்ஸ்ட்ரீட் ஜர்னல் பத்திரிகைக்காக மஸ்க் பேட்டி ஒன்றை அளித்துள்ளார்.செய்தியாளர் தொரோல்ட் பார்க்கர் கேட்ட கேள்விக்குத்தான் மேற்கண்டவாறு அவர் பதிலளித்துள்ளார்.

முன்னதாக மெக்சிகோவில் மிகப் பெரிய உற்பத்திக் கூடத்தைத் தொடங்கப் போவதாக இந்த ஆண்டு தொடக்கத்தில் டெஸ்லா நிறுவனம் கூறியிருந்தது. அமெரிக்காவுக்கு அடுத்த மிகப் பெரிய உற்பத்திக் கூடமாக இது இருக்கும் என்றும் சொல்லப்படுகிறது.

டிவிட்டரை வாங்கிய பிறகு அதில்தான் மஸ்க் அதிக கவனம் செலுத்தி வந்தார். இதனால் டெஸ்லா மீதான அவரது ஈடுபாடு குறைந்து விட்டதாக குற்றச்சாட்டுக்கள் எழுந்தன. இதையடுத்து சமீபத்தில் டிவிட்டருக்கு புதிய தலைமை செயலதிகாரியை தேர்வு செய்த மஸ்க், இனி டெஸ்லாவில் முழுமையாக கவனம் செலுத்தப் போவதாக கூறியுள்ளார்.

டெஸ்லா, டவிட்டர் தவிர ஸ்பேக்ஸ் எக்ஸ் நிறுவனத்தையும், இன்னும் பல நிறுவனங்களையும் எலான் மஸ்க் நடத்தி வருகிறார் என்பது குறிப்பிடத்தக்கது. விரைவில் ஒரு பிரமாண்டமான கல்வி நிறுவனத்தையும் அவர் உருவாக்கத் திட்டமிட்டுள்ளார்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

வங்கக் கடல் காற்று சுழற்சி.. தமிழ்நாடு, இலங்கையை நோக்கி நகரக் கூடும்.. வானிலை மையம்

நிக்கோபார் தீவு அருகே.. காற்றழுத்தத் தாழ்வு உருவாக ஆரம்பித்து விட்டது.. தமிழ்நாடு வெதர்மேன்

நவம்பர் 22 - இன்றைய நல்ல நேரம், செய்ய வேண்டிய வழிபாடு

மங்களகரமான வெள்ளிக்கிழமையில் பண மழையில் நனையப் போகும் 2 ராசிக்காரர்கள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!