சென்னை : ஒரே ஒரு ட்வீட்டால் சோஷியல் மீடியாவை மட்டுமல்ல ஒட்டுமொத்த விஜய் ரசிகர்களையும் ஆர்வமாக எதிர்பார்க்க வைத்து விட்டு, கடைசியில் சாதாரணமாக ஒரு விஷயத்தை சொல்லி டைரக்டர் வெங்கட் பிரபு ஏமாற்றி விட்டாரே என விஜய் ரசிகர்கள் புலம்பிக் கொண்டிருக்கிறார்கள்.
நடிகர் விஜய் தற்போது லோகேஷ் கனகராஜ் இயக்கும் லியோ படத்தில் நடித்து முடித்துள்ளார். அக்டோபர் 19 ம் தேதி ரிலீசுக்கு தயாராகி வரும் இந்த படத்தின் போஸ்ட் ப்ரொடக்ஷன் வேலைகள் மிகவும் விறுவிறுப்பாக நடந்து வருகிறது. இந்த படத்தை விஜய் ரசிகர்கள் எதிர்பார்த்து காத்திருந்தாலும், விஜய் அடுத்து நடிக்க உள்ள தளபதி 68 படம் பற்றிய அறிவிப்பிற்காகவும் ரசிகர்கள் காத்திருக்கிறார்கள்.
விஜய்யின் அடுத்த படமான தளபதி 68 படத்தை வெங்கிட் பிரபு இயக்குகிறார் என ஏற்கனவே அதிகாரப்பூர்வமாக அறிவித்து விட்டார்கள். ஏஜிஎஸ் ப்ரொடக்ஷன்ஸ் தயாரிக்கும் இந்த படத்திற்கு யுவன்சங்கர் ராஜா இசையமைக்க உள்ளார். லியோ படம் ரிலீசாக உள்ளதால் அடுத்து தளபதி 68 அப்டேட் எப்போது வரும் என ரசிகர்கள் காத்திருக்கிறார்கள்.
இந்த சமயத்தில் டைரக்டர் வெங்கட் பிரபு தனது ட்விட்டர் பக்கத்தில், Venkat Prabhu gift என்ற வாசகம் நிறைய டிவி.,களில் ஒளிபரப்பாக அதை வெங்கட் பிரபு திரும்பி உட்கார்ந்து பார்த்துக் கொண்டிருப்பது போன்ற ஒரு போட்டோவை பதிவிட்டு, நாளை காலை 11 மணி வரை காத்திருங்கள் என இரண்டு நாட்களுக்கு முன் ஒரு போஸ்ட் போட்டிருந்தார். இதனால் தளபதி 68 அப்டேட் தான் வெளியிட போகிறார் என அனைவரும் ஆர்வமாக எதிர்பார்த்து காத்திருந்தனர்.
ஆனால் ரசிகர்கள் எதிர்பார்த்தது போல் தளபதி 68 பட அப்டேட்டை வெங்கட் பிரபு வெளியிடவில்லை. மாறாக தான் தற்போது தயாரித்து வரும் நண்பன் ஒருவன் வந்த பிறகு படம் பற்றிய அப்டேட்டை தான் வெளியிட்டிருந்தார். இதனால் பலரும், அப்போ தளபதி 68 அப்டேட் கிடையாதா? என ஏக்கமாக கேட்டிருந்தனர். இதற்கு பதிலளித்துள்ள வெங்கட் பிரபு. தளபதி 68 அறிவிப்பு சும்மா தெறிக்கும். காத்திருங்கள் என பதிலளித்துள்ளார்.
வெங்கட் பிரபு தற்போது தளபதி 68 படத்தின் திரைக்கதை அமைக்கும் பணியில் பிஸியாக இருந்து வருகிறார். அதோடு தளபதி 68 படத்தில் நடிக்கும் நடிகர், நடிகைகள் பற்றிய தேர்வும் மும்முரமாக நடந்து வருவதாக சொல்லப்படுகிறது.
ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்
மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!
ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?
பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!
சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!
வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி
என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!
அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!
நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!
{{comments.comment}}