"ரோடாய்யா இது".. அட நம்புங்க.. இந்த எம்எல்ஏ இந்தியாவில் தான் இருக்கிறார்!

Apr 01, 2023,02:46 PM IST

லக்னோ : தனது தொகுதியில் தரமான ரோடு போட்டுத்தராத கான்ட்ராக்டரை, எம்எல்ஏ. ஒருவர், கேள்விகளால் துளைத்து எடுக்கும் வீடியோ ஒன்று சோஷியல் மீடியாவில் அதிகம் பகிரப்பட்டு வருகிறது.

உத்திர பிரதேசத்தின் காசிப்பூர் தொகுதியின் எம்எல்ஏ.,வாக இருப்பவர் பேடிராம். இவர் சுகல்தேவ் பாரதி சமாஜ் என்ற கட்சியை சேர்ந்தவர். இந்த தொகுதியில் சமீபத்தில் புதிதாக தார் சாலை அமைக்கப்பட்டுள்ளது. ஆனால் இந்த சாலை தரமானதாக அமைக்கப்படவில்லை என இப்பகுதி மக்கள் எம்எல்ஏ.,விற்கு பல நாட்களாக புகார் தெரிவித்து வந்துள்ளனர். இதனால் சாலையின் தரம் குறித்து நேரில் கண்டறிய, தொகுதிக்கு நேரில் சென்றார் பேடிராம்.

அங்கு தனது ஷூ காலால் சாலையை தேய்த்தும் சாலை பெயர்த்துக் கொண்டு வந்துள்ளது. இதை பார்த்து கடுப்பான எம்எல்ஏ, அங்கு இருந்த ரோடு கான்ட்ராக்டரை திட்டி தீர்த்து விட்டார். "இதற்கு பெயர் ரோடா? இதில் எப்படி கார் போக முடியும்?" என கேள்விகளை துளைத்து எடுத்து விட்டார். எம்எல்ஏ ஆய்விற்கு வந்த சமயத்தில் அதிகாரிகள் யாரும் உடன் இருக்கவில்லை. ஆனால் கான்ட்ராக்டரை எம்எல்ஏ லெஃப்ட் அன்ட் ரைட் வாங்கி வீடியோ சோஷியல் மீடியாவில் அதிகம் பகிரப்பட்டு வருகிறது.

இந்த பகுதியில் சாலைகள் தரம் இல்லாமல் இருப்பது பற்றிய வீடியோ வெளி வருவது இது ஒன்று முதல் முறையல்ல. இதற்கு முன்பும் ஒருவர் பொதுப்பணித் துறையில் நடக்கும் ஊழல்களை அம்பலப்படுத்துவதற்காக, அப்போது புதிதாக போடப்பட்டிருந்த சாலையை வெறும் கையால் அசாட்டாக பிடுங்கி எடுத்த வீடியோவை பகிர்ந்து இருந்தார். கிட்டத்தட்ட 4.5 கி.மீ., தூரத்திற்கு அமைக்கப்பட்டுள்ள இந்த சாலை ரூ.3.8 கோடி செலவில் அமைக்கப்பட்டுள்ளதாக சொல்லப்படுகிறது.

ரோடு கான்ட்ராக்டர் ஒருவரை எம்எல்ஏ ஒருவர் விட்டு விளாசும் இந்த வீடியோவை பார்த்த நெட்டிசன்கள் பலர், உத்திர பிரதேசத்தில் தேர்தல் ஏதாவது வரப் போகிறதா? ஓட்டு வாங்குவதற்காக நடத்தப்படும் நாடகமா இது? என கேட்டுள்ளனர். இன்னும் சிலர், நிஜமாகவே இப்படி ஒரு எம்எல்ஏ இந்தியாவில் இருக்கிறாரா? நம்ம ஊரு எம்எல்ஏ.,க்கு முதலில் இந்த வீடியோவை அனுப்பி வைக்கனும். நம்ம ஊர்ல ஒரு எம்எல்ஏ., கூட இதுவரை இப்படி பார்க்கவில்லையே என ஆதங்கப்பட்டுக் கொண்டிருக்கிறார்கள்.

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

தங்கம் விலை விடாமல் தொடர்ந்து உயர்ந்து கொண்டே வருவது ஏன்.. நிபுணர்கள் தரும் விளக்கம் இதுதான்!

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

"ரோடாய்யா இது".. அட நம்புங்க.. இந்த எம்எல்ஏ இந்தியாவில் தான் இருக்கிறார்!

Comments

சமீபத்திய செய்திகள்

அதிகம் பார்க்கும் செய்திகள்