2023 ம் ஆண்டு புறப்பட்டு 2022 ம் ஆண்டில் தரையிறங்கிய விமானம்.. ஹே எப்புர்றா!?

Jan 02, 2023,04:56 PM IST

சியோல் : சியோலில் இருந்து 2023 ம் ஆண்டு துவக்கத்தில் புறப்பட்ட பயணிகள் விமானம் ஒன்று அமெரிக்காவில் 2022 ம் ஆண்டில் தரையிறங்கி உள்ளது. இது டைம் மெஷின் கதை இல்லை. நிஜமாக நடந்துள்ளது.

இது எப்படி சாத்தியம்? அது எப்படி நேரத்தில் பின்னோக்கி செல்ல முடியும்? என்ற கேள்விக்கு அறிவியல் ரீதியாக கொஞ்சம் ஆராய்ந்து பார்த்தால் விளங்கும்.

யுனைடெட் ஏர்லைன்ஸ் போயிங் 777-300 ரக விமானம் தென்கொரியாவின் சியோல் நகரில் இருந்து

2023 ம் ஆண்டு ஜனவரி 1 ம் தேதி 00.29 (நம்ம ஊர் நேரத்தில் நள்ளிரவு 12.29) மணிக்கு புறப்பட்டுள்ளது. இன்சியான் விமான நிலையத்தில் புறப்பட்ட இந்த விமானம் அமெரிக்காவின் சான் பிரான்சிஸ்கோ

நகரில் 2022 ம் ஆண்டு டிசம்பர் 31 ம் தேதி மாலை 05. 01 மணிக்கு தரையிறங்கி உள்ளது.

ஆசிய கண்டத்தில் இருந்து சர்வதேச டேட் லைனை கடந்து, மற்றொரு நேர மண்டலத்திற்குள் விமானம் பயணித்ததால் பின்னோக்கிய இந்த பயணம் சாத்தியமாகி உள்ளது. ஆசியாவில் இருந்து அமெரிக்க கண்டத்திற்கு செல்லும் வழியில், புதிதாக பிறந்த 2023ம் ஆண்டில் இரண்டு மணி நேரம் 13 நிமிடங்கள் விமானம் பயணித்துள்ளது.

அதன் பிறகு சர்வதேச நேர மண்டலத்தைக் கடந்து, 180 டிகிரி க்ரீன்விச் மெரிடியன் நோக்கி விமானம் பறந்தபோது, அது 2022 ம் ஆண்டிற்குப் போய் விட்டது. மொத்தமாக ஒன்பது மணி நேரம் 46 நிமிடங்கள் இந்த விமானம் பின்னோக்கிய காலத்தில் பயணித்துள்ளது. விமானத்தில் பயணித்த பயணி ஒருவர் இந்த தகவலை தனது ட்விட்டர் பக்கத்தில் பகிர்ந்துள்ளார்.

இந்த பதிவு தற்போது வைரலாகி வருகிறது. லைக்கள், கமெண்ட்கள் குவிந்து வருகின்றன. இயற்பியல் ரீதியிலான இந்த நேர அளவீடு மற்றும் மாறுபாடு புரியாததால் இந்த நம்ப முடியாமல் பலர் ஆச்சரியத்துடன் கேட்டு வருகின்றனர்.

சர்வதேச அளவிலான நேரங்கள், பசிபிக் பண்டலத்தை அடிப்படையாக வைத்தே கணக்கிடப்படுவதால் இந்த "டைம் டிராவல்" சாத்தியமாகியுள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!