"அண்ணாமலைன்னா யாரு.. தமிழ்நாட்டில் பாஜக இருக்கா?".. சுப்பிரமணியம் சாமி குசும்பு!

Jul 06, 2023,01:49 PM IST

மதுரை: அண்ணாமலைன்னா யாரு என்று செய்தியாளர்களிடம் சுப்பிரமணியம் சாமி கேட்டதால் சலசலப்பு ஏற்பட்டது.

பாஜகவிலேயே இருந்து கொண்டு பாஜக மூத்த தலைவர்களை குறிப்பாக பிரதமர் மோடி, அமைச்சர்கள் அமித் ஷா, நிர்மலா சீதாராமன் என ஒருவர் விடாமல் கடுமையாக விமர்சித்து வருபவர் சுப்பிரமணியம் சாமி.

சமீபத்தில் கூட மணிப்பூர் விவகாரமாக கருத்து தெரிவித்திருந்த அவர், அமித் ஷாவை பேசாமல விளையாட்டுத்துறை அமைச்சராக்கி விடலாம் என்று காட்டமாக கூறியிருந்தார். அதேபோல பிரதமர் மோடியின் அமெரிக்க பயணத்தையும் அவர் கடுமையாக விமர்சித்து வருகிறார்.

இந்த நிலையில் இன்று செய்தியாளர்களிடம் பேசும்போது அண்ணாமலை மற்றும் தமிழ்நாடு பாஜகவை சீண்டி அவர் பேசியுள்ளார். மதுரை வந்த அவர் அங்கு செய்தியாளர்களிடம் பேசும்போது தமிழ்நாட்டின் சிங்கம் என்று அண்ணாமலையை சொல்கிறார்கள்.. அதுகுறித்து உங்க கருத்து என்ன என்று கேட்டனர். அதைக் கேட்ட சுப்பிரமணியம் சாமி கொஞ்சம் கூட யோசிக்காமல், அண்ணாமலைன்னா யாரு என்று கேட்டபடி நகர்ந்தார்.

உடனே செய்தியாளர்கள் தமிழ்நாடு பாஜக தலைவர் என்று எடுத்துக் கொடுக்க, அதையும் விடாத சாமி, தமிழ்நாட்டில் பாஜக இருக்கா.. எனக்குத் தெரியாதே என்று மேலும் நக்கலடித்தார். பாஜகவுக்கு சட்டமன்றத்தில் உறுப்பினர்கள் இருக்கார்களே என்று அந்த செய்தியாளர் விடாமல் சாமியை பிடிக்க, சாமியோ, நான் கவனித்ததில்லை. கட்சி இருக்கான்னே எனக்குத் தெரியலை.. இதுல இவர்களை எப்படி எனக்குத் தெரியும் என்று விடாக் கொண்டன் கொடாக் கண்டனாக பதிலளித்தபடி நகர்ந்து சென்றார்.

சாமி இப்படி அண்ணாமலை மற்றும் தமிழ்நாடு பாஜகவை வாரியது சலசலப்பை ஏற்படுத்தியுள்ளது. பாஜகவினர் கடுமையாக சாமியை திட்டி விமர்சிக்க ஆரம்பித்துள்ளனர்.

முன்னதாக பிரதமர் மோடியின் அமெரிக்க பயணம் குறித்து செய்தியாளர்களிடம் பேசும்போது, இந்த பயணத்தால் என்ன லாபம் கிடைத்தது.. மோடி அங்கிருந்து என்ன கொண்டு வந்தார். மணிப்பூர் விவகாரத்தை விட அமெரிக்கா பயணம் முக்கியமா என்று கேட்டார். மேலும் பொது சிவில் சட்டம் குறித்த கேள்விக்கு, அது அவசியமானது. காங்கிரஸ் என்னதான் எதிர்த்தாலும் இது நிச்சயம் கொண்டு வந்து நிறைவேற்றப்படும். இது சர்தார் வல்லபாய் படேல் பரிந்துரைத்த சட்டம். இது அவசியமானது எ��்றார் சாமி.

சமீபத்திய செய்திகள்

'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

"அண்ணாமலைன்னா யாரு.. தமிழ்நாட்டில் பாஜக இருக்கா?".. சுப்பிரமணியம் சாமி குசும்பு!

Comments

சமீபத்திய செய்திகள்

அதிகம் பார்க்கும் செய்திகள்