சித்தராமையா ஆட்சியமைக்க கர்நாடக ஆளுநர் அழைப்பு.. நாளை மதியம் பதவியேற்பு விழா!

May 19, 2023,09:22 AM IST

பெங்களூரு: கர்நாடக முதல்வராக பொறுப்பேற்கவுள்ள சித்தராமையாவை ஆட்சியமைக்க ஆளுநர் தாவர்சந்த் கெலாட் அழைப்பு விடுத்துள்ளார். இதைத் தொடர்ந்து சனிக்கிழமை பிற்பகல் 12.30 மணிக்கு பதவியேற்பு விழா நடைபெறவுள்ளது.

கர்நாடக மாநில சட்டசபைக்கு நடந்த பொதுத் தேர்தலில் காங்கிரஸ் கட்சி 135 தொகுதிகளில் வென்று பாஜகவிடமிருந்து ஆட்சியைக் கைப்பற்றியுள்ளது. அடுத்த முதல்வராக சித்தராமையாவை கட்சி மேலிடம் தேர்ந்தெடுத்தது. இதைத் தொடர்ந்து நேற்று இரவு கர்நாடக சட்டசபைக்கு புதிதாக தேர்ந்தெடுக்கப்பட்ட காங்கிரஸ் உறுப்பினர்கள் கூட்டம் நடந்தது. அதில் முறைப்படி சட்டமன்ற காங்கிரஸ் தலைவராக சித்தராமையா தேர்ந்தெடுக்கப்பட்டார்.

இதையடுத்து சித்தராமையா உள்ளிட்ட தலைவர்கள் ஆளுநர் தாவர்சந்த் கெலாட்டை சென்று சந்தித்து ஆட்சியமைக்க உரிமை கோரி கடிதம் வழங்கினர். அந்தக் கடிதத்தை ஏற்றுக் கொண்ட ஆளுநர் கெலாட், ஆட்சியமைக்குமாறு சித்தராமையாவைக் கேட்டுக் கொண்டார். இதைத் தொடர்ந்து நாளை பிற்பகல் 12.30 மணியளவில் பெங்களூரு கன்டீரவா உள்ளரங்க மைதானத்தில் பதவியேற்பு விழா நடைபெறும். அதில் முதல்வராக சித்தராமையா பதவிப்பிரமாணம் எடுத்துக் கொள்வார். இதே விழாவில் கர்நாடக மாநில காங்கிரஸ் தலைவர் டி.கே.சிவக்குமார் துணை முதல்வராக பொறுப்பேற்பார்.

இவர்களுடன் சிறிய அளவிலான அமைச்சரவையும் பதவியேற்றுக் கொள்ளும் என்று ஆளுநர் மாளிகை செய்திக்குறிப்பு தெரிவிக்கிறது.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

சித்தராமையா ஆட்சியமைக்க கர்நாடக ஆளுநர் அழைப்பு.. நாளை மதியம் பதவியேற்பு விழா!

Comments

சமீபத்திய செய்திகள்

அதிகம் பார்க்கும் செய்திகள்