துன்பங்களையும், பாவங்களையும் போக்கும் சனிப்பிரதோஷம்.. 10 தகவல்கள்!

Jul 15, 2023,10:56 AM IST

சென்னை : தேவர்களும், அசுரர்களும் பாற்கடலை கடைந்த போது முதலில் ஆலகால விஷம் வெளிப்பட்டது. இது தேவர்களையும், அசுரர்களையும் துரத்தியது. தேவர்கள் கைலாயம் சென்று சிவனிடம் தஞ்சம் புகுந்தனர். ஆலகால விஷத்திடம் இருந்து தேவர்களை காப்பதற்காக அந்த விஷத்தை தானே விழுங்கி, விஷத்தை கண்டத்தில் நிறுத்தி, நீலகண்டனாக காட்சி தந்தார்.

ஆலகால விஷம் சிவனின் உடலுக்குள் சென்றாள் உலக உயிர்கள் அழிந்து விடும் என பயந்த பார்வதி தேவியும், தேவர்களும் சிவனை வேண்டினார்கள். அவர்களின் பக்திக்கு மகிழ்ந்து சிவ பெருமான் ஆனந்த தாண்டவம் ஆடி, தேவர்கள் உள்ளிட்ட அனைவருக்கும் அருள் செய்த காலமே பிரதோஷ காலமாகும். தினந்தோறும் மாலை 04.30 முதல் 6 மணி வரையிலான காலம் பிரதோஷ காலமாகும். தினமும் வரும் பிரதோஷ காலத்திற்கு நித்ய பிரதோஷம் என்று பெயர்.

பிரதோஷங்களில் திங்கட்கிழமையில் வரும் சோமவார பிரதோஷமும், சனிக்கிழமையில் வரும் சனி மகா பிரதோஷமும் மிகவும் விசேஷமாகும். சிறப்பு மிகுந்த சனிப் பிரதோஷம் பற்றி அனைவரும் தெரிந்து கொள்ள வேண்டிய முக்கியமான 10 தகவல்களை இங்கு பார்ப்போம்.

1. சிவனுக்குரிய அஷ்ட விரதங்களில் மிக முக்கியமானது பிரதோஷ விரதமாகும்.

2. சனிப் பிரதோஷத்தன்று விரதம் இருந்து சிவனை வழிபட்டால் சிவனின் அருளுடன், சனி பகவானின் அருளும் கிடைக்கும். சனியால் ஏற்படும் அனைத்து தீமைகளும் விலகும்.

3. ஏழு பிறவிகளில் செய்த பாவங்கள், துன்பங்களை போக்கக் கூடியது சனிப் பிரதோஷ வழிபாடு.

4. ஒரு சனிப் பிரதோஷத்தன்று சிவன் கோவிலுக்கு சென்றால், 5 வருடங்கள் சிவன் கோவிலுக்கு சென்று வழிபட்ட பலன் கிடைக்கும்.

5. சாதாரண பிரதோஷங்களை விட ஆயிரம் மடங்கு பலன்களை தரக் கூடியது சனி பிரதோஷ வழிபாடு.

6. பிரதோஷ வேளையில் ஓம் நம சிவாய மந்திரத்தை உச்சரித்தால் அதன் பலன் பலமடங்காக கிடைக்கும்.

7. பிரதோஷத்தன்று நந்தியையும், சிவனையும் வழிபடுபவர்களுக்கு சனி உள்ளிட்ட நவகிரகங்களால் ஏற்படும் தோஷங்கள் எதுவும் பாதிக்காது.

8. சிவ பெருமானை வில்வம் கொண்டும், நந்தியை அருகம்புல் கொண்டும் பிரதோஷ வேளையில் வழிபட வேண்டும்.

9. சிவனுக்கு பிரியமான பால், நெய், தயிர், சந்தனம், திருநீறு கொண்டு அபிஷேகம் செய்ய வேண்டும்.

10. பிரதோஷ வேளையில் ருத்ர ஜபம், மகா மிருத்யுஞ்ஜய மந்திரம் ஆகிய சக்தி வாய்ந்த மந்திரங்களை உச்சரிப்பதால் நினைத்த காரியங்கள் அனைத்தும் நிறைவேறும்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?