அஸ்வினி நட்சத்திரத்தில் பிறந்தது ஆங்கில புத்தாண்டு 2023 - இதில் அப்படி என்ன ஸ்பெஷல் ?

Jan 01, 2023,12:24 AM IST

ஆங்கில புத்தாண்டான 2023 ம் ஆண்டு ஆனந்தமான, மங்கலகரமான ஆண்டாகவே பிறந்துள்ளது. ஞாயிற்று கிழமையில் வரும் அஸ்வினி நட்சத்திரத்தில் இந்த புத்தாண்டு பிறந்துள்ளது. வருடத்தின் முதல் நிகழ்வே ஆன்மிக முக்கியத்துவம் வாய்ந்த, புண்ணியம் தரும் வைகுண்ட ஏகாதசியாக அமைந்துள்ளது.

மிக அரிதாக வரக் கூடிய ஒரே வருடத்தில் இரண்டு வைகுண்ட ஏகாதசிகள், ஒரே மாதத்தில் 3 பிரதோஷங்கள் என பல சிறப்புக்களை ஆன்மிக ரீதியாக கொண்டதாகவே இந்த ஆண்டு அமைந்துள்ளது. ஆன்மிக ரீதியாக மட்டுமல்ல ஜோதிட ரீதியாகவும் பிறந்துள்ள 2023 ம் ஆண்டு அதிர்ஷ்டகரமான ஆண்டாகவே பார்க்கப்படுகிறது.

ஞாயிற்றுக்கிழமை என்பது சூரியனுக்குரிய நாள். பொதுவாக 27 நட்சத்திரங்களில் அஸ்வினி நட்சத்திரத்திற்கு தனி சிறப்பு உண்டு. 27 நட்சத்திரங்களில் முதன்மையானது அஸ்வினி நட்சத்திரம். அறிவியல் படி சூரியனை விடவும் 18 மடங்கு குறுக்கு அளவில் பெரிய நட்சத்திரம் அஸ்வினி தான். இந்த நட்சத்திரத்தை எல்லா நாட்களும் பார்த்து விட முடியாது. டிசம்பர், செப்டம்பர், மாதத்திற்கு ஒரு முறை என்ற ரீதியில் குறிப்பிட்ட காலங்களில் மட்டுமே காண முடியும். அதுவும் குறிப்பிட்ட நேரத்தில் மட்டுமே காண முடியும்.

பல ஆச்சரியமான சிறப்புக்களை கொண்ட அஸ்வினி நட்சத்திரத்திற்கு உரிய அதிபதி புதன் பகவான். நவகிரகங்களின் நாயகன் என அழைக்கப்படுபவர் சூரியன். இவர் அதிகாரத்திற்கும், அதிகார பதவிகளுக்கும் காரணமானவர். இதே போல் புதன் அறிவுக்கு காரணமாக விளங்குபவர். ஞாயிற்றுக்கிழமையில் வரும் அஸ்வினி நட்சத்திரம் சூரியன் - புதன் சேர்க்கையாகவே பார்க்கப்படுகிறது.

சூரியன் - புதன் இணைவதை புத ஆதித்ய யோகம் என்பார்கள். இதனால் கல்வி மற்றும் கலைகள் உலகில் சிறந்து விளங்கும். தொழில், வியாபாரம் போன்றவற்றை வளரச் செய்யும். பொதுவாக புதனின் ஆதிக்கம் பெற்றவர்கள் எழுத்து திறன், சிந்தனைத் திறன், பேச்சாற்றல், சொற்பொழிவாற்றும் திறன், விரைந்து செயல்படும் திறன், வியாபார நுணுக்கங்கள் தெரிந்தவர்கள், நினைவாற்றல் மிக்கவர்களாக இருப்பார்கள். நகைச்சுவையாக பேசும் திறமையும் அவர்களிடம் இருக்கும்.

இதே போல் சூரியனின் ஆதிக்கம் பெற்றவர்கள் அதிகாரப்பதவி, ஆளுமை, தலைமை பொறுப்பு மிக்கவர்களாக இருப்பார்கள். இந்த இரண்டு கோள்களின் சேர்க்கை பலரின் வாழ்வில் நல்லதொரு மாற்றத்தை ஏற்படுத்துவதாக அமையும்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Red Alert: 3 மாவட்டங்களுக்கு நாளை, நாளை மறு நாள் 2.. ரெட் அலர்ட்.. மிக மிக கன மழை பெய்யும்!

Rain Alert: டெல்டா மாவட்டங்களில்.. 2 நாட்களுக்கு மிக கன மழைக்கு வாய்ப்பு.. தமிழ்நாடு வெதர்மேன்

பாமக நிறுவனர் டாக்டர் ராமதாசுக்கு வேற வேலை இல்லை.. முதல்வர் மு.க. ஸ்டாலின்

அல்லு அர்ஜூனின் புஷ்பா 2.. டிக்கெட் விற்பனையில் புதிய சாதனை.. அமெரிக்காவில் அதிரடி சேல்ஸ்

பிறந்த நாளின்போது.. பிளக்ஸ் பேனர்கள், பட்டாசுகளைத் தவிர்க்க வேண்டும்.. துணை முதல்வர் உதயநிதிஸ்டாலின்

ராமதாஸ் குறித்த பேச்சுக்கு முதல்வர் மு.க.ஸ்டாலின் மன்னிப்பு கேட்க வேண்டும்.. அன்புமணி ராமதாஸ்

Perth Test: 295 ரன்கள் வித்தியாசத்தில்.. ஆஸ்திரேலியாவை வச்சு செய்து.. இந்தியா அபார வெற்றி!

பெண்கள், பெண் குழந்தைகள் நலனுக்காக.. தனி இணையதளம் தேவை.. தவெக தலைவர் விஜய்

Immunity Drinks: லேசான தலைவலி காய்ச்சலுக்கெல்லாம் டாக்டரிடம் ஓடாதீங்க.. இதை குடிச்சுப் பாருங்க!