அமித் ஷாவை விளையாட்டுத் துறைக்கு மாத்திருங்க.. சுப்பிரமணியம் சாமி!

Jun 18, 2023,11:12 AM IST

டெல்லி: மணிப்பூர் மாநில பாஜக ஆட்சியை உடனடியாக கலைக்க வேண்டும் என்று பாஜகவைச் சேர்ந்த சுப்பிரமணியம் சாமி கோரிக்கை விடுத்துள்ளார்.

அதை விட முக்கியமாக, உள்துறை அமைச்சர் அமித் ஷாவை, விளையாட்டுத்துறைக்கு மாற்ற வேண்டும் என்றும் அவர் நக்கலடித்துள்ளார்.

மணிப்பூரில் பாஜக ஆட்சி நடந்து வருகிறது. அந்த மாநிலத்தில் கடந்த ஒரு மாதத்திற்கும் மேலாக வன்முறை தலைவிரித்தாடுகிறது. அரசியல்வாதிகளைக் குறி வைத்து ஒரு தரப்பு மக்கள் பெரும் போராட்டத்தில் குதித்துள்ளனர். குறிப்பாக பாஜகவைச் சேர்ந்த தலைவர்களின் வீடுகள் தாக்குதலுக்குள்ளாகி வருகின்றன. மத்திய அமைச்சர்களின் வீடுகளும் தப்பவில்லை. பாஜக அலுவலகமும் அடித்து சூறையாடப்பட்டுள்ளது.

மக்களின் இந்தப் போராட்டத்தைத் தடுக்க முடியாமல், முடிவுக்குக் கொண்டு வர முடியாமல் மணிப்பூர் மாநில பாஜக அரசு கடுமையாக தத்தளித்து வருகிறது. போலீஸார், துணை ராணுவப் படையினர், ராணுவத்தினர் என பல தரப்பினரும் கலவரத்தைத் தடுக்கும் முயற்சியில் தொடர்ந்து ஈடுபட்டு வருகின்றனர். மத்திய அரசும் நிலைமையை தொடர்ந்து உன்னிப்பாக, கவனித்து வருகிறது.

இந்த நிலையில் மணிப்பூர் கலவரத்தை தடுக்க முடியாம, அந்த மாநில பாஜக அரசை உடனடியாக டிஸ்மிஸ் செய்ய வேண்டும் என்று கூறியுள்ளார் சுப்பிரமணியம் சாமி. இதுகுறித்து அவர் போட்டுள்ள டிவீட்டில், பாஜக மணிப்பூர் அரசை டிஸ்மிஸ் செய்ய இதுதான் சரியான நேரம். அங்கு உடனடியாக குடியரசுத் தலைவர் ஆட்சியை கொண்டு வர வேண்டும். அமித் ஷாவை உடனடியாக விளையாட்டுத்துறைக்கு மாற்ற வேண்டும் என்று கூறியுள்ளார் சுப்பிரமணியம் சாமி.

சுப்பிரமணியம் சாமி பாஜகவைச் சேர்ந்தவராக இருந்தாலும் கூட தொடர்ந்து பிரதமர் மோடி, அமித் ஷா, நிர்மலா சீதாராமன் என முன்னணித் தலைவர்களை சாடுவதும், விமர்சிப்பதுமாகவே உள்ளார். யாரும் அவரைக் கண்டு கொள்வதில்லை என்றாலும் கூட அவர் விடுவதாக இல்லை.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

அமித் ஷாவை விளையாட்டுத் துறைக்கு மாத்திருங்க.. சுப்பிரமணியம் சாமி!

Comments

சமீபத்திய செய்திகள்

அதிகம் பார்க்கும் செய்திகள்