தோனிக்கு முழங்காலில் ஆப்பரேஷன்.. வெற்றிகரமாக முடிந்தது

Jun 02, 2023,04:28 PM IST

மும்பை : இந்திய கிரிக்கெட் வீரர் மகேந்திர சிங் தோனிக்கு முழங்காலில் ஏற்பட்ட காயம் காரணமாக ஆப்பரேஷன் செய்யப்பட்டுள்ளது. ஆப்பரேஷன் வெற்றிகரமாக முடிந்ததாக சென்னை சூப்பர் கிங்ஸ் அணியின் சிஇஓ தெரிவித்துள்ளார்.

இந்திய கிரிக்கெட் வீரரான தோனி, ஐபிஎல் 2023 கிரிக்கெட் தொடரில் சென்னை சூப்பர் கிங்ஸ் அணிக்காக விளையாடினார். இவர் தலைமையிலான சென்னை அணி சமீபத்தில் நடந்து முடிந்த ஐபிஎல் தொடரில் கோப்பையை கைப்பற்றியது. தோனி தலைமையிலான அணி ஐபிஎல் கோப்பையை கைப்பற்றுவது 5வது முறையாகும்.

2023 ம் ஆண்டு நடைபெற்ற ஐபிஎல் தொடரில் தோனி, 12 போட்டிகளில் விளையாடி 104 ரன்கள் எடுத்திருந்தார். இந்த தொடரில் மிகக் குறைந்த ரன்களிலேயே தோனி அவுட்டாகி வந்தார். இதற்கு காரணம் அவரது முழங்காலில் ஏற்பட்டிருந்த காயம் தான். இதனால் அவரால் வேகமாக ஓட முடியாமல் மிகவும் கஷ்டப்பட்டு வந்தார். ஐபிஎல் பைனலின் போது கூட டிரெசிங் ரூமில் தோனி தனது முழங்கால் காயத்திற்கு கட்டு போட்டுக் கொண்ட வீடியோ ஒன்று வைரலானது.

2023 ஐபிஎல் உடன் ஐபிஎல் போட்டிகளில் இருந்து ஓய்வு பெற போவதாக முடிவு செய்திருந்தார் தோனி. ஆனால் தற்போது சிஎஸ்கே ரசிகர்கள் காட்டும் அன்பிற்காக ஒன்னொரு சீசனில் விளையாடிய பிறகு ஓய்வை அறிக்க முடிவு செய்திருப்பதாக தெரிவித்தார். இது ரசிகர்களுக்கும் தான் கொடுக்கும் கிஃப்ட் என்றும் அவர் தெரிவித்திருந்தார்.

இந்நிலையில் அவருக்கு முழங்காலில் ஏற்பட்ட காயத்திற்காக மும்பையில் உள்ள கோகிலாபென் மருத்துவமனையில் அவருக்கு ஆப்பரேஷன் செய்யப்பட்டுள்ளது. இந்த ஆப்பரேஷன் வெற்றிகரமாக முடிந்ததாகவும், அவர் நலமுடன் உள்ளதாகவும், அவரது உடல்நிலை தேறி வருவதாகவும் சிஎஸ்கே அணியின் சிஇஓ தெரிவித்துள்ளார். இன்னும் சிறிது நாட்கள் தோனி ஓய்வில் இருப்பார் என சொல்லப்படுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

பாஜக தலைவர் மாற்றம் உறுதி... அண்ணாமலையே சூசகமாக தகவல்!

நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!