என்ன மனுஷன் சார் இவரு.. முழங்கால் வலியுடன் ஐபிஎல் பைனல் ஆடிய தோனி!

Jun 01, 2023,09:26 AM IST

சென்னை: முழங்கால் வலியுடன் ஐபிஎல் இறுதிப் போட்டியில் தோனி விளையாடியதாக வெளியாகியுள்ள தகவல் அவரது ரசிகர்களை கண்ணீர் விட வைத்துள்ளது. இதுதொடர்பான வீடியோ ஒன்று வெளியாகி பரபரப்பையும் ஏற்படுத்தியுள்ளது.

சென்னை சூப்பர் கிங்ஸ் ஐபிஎல்லில் அசைக்க முடியாத கிங்காக ஆரம்பத்திலிருந்தே இருந்து வருகிறது. இதுவரை 4 முறை கோப்பையை வென்றிருந்த சென்னை சூப்பர் கிங்ஸ் இந்த ஆண்டு கோப்பையை அற்புதமாக தட்டிச் சென்றது.

இந்த ஆண்டு சீசனில் தோனியின் கேப்டன்சி அனைவரையும் அசர வைத்து விட்டது. அவரது வியூகங்கள், அவர் வீரர்களைப் பயன்படுத்திய விதம், ஆடிய விதம் என எல்லாமே கிளாஸ்! குறிப்பாக இறுதிப் போட்டி பல விதங்களிலும் தோனிக்கு முக்கியமானதாக மாறி விட்டது. முதலில் இறுதிப் போட்டி நடக்குமா என்பதே சந்தேகமாகி விட்டது. மழை வந்து முதல் நாளை கெடுத்தது. அடுத்த நாளும் மழை குறுக்கிட்டது. ஆனால் அதையும் தாண்டி சென்னை சூப்பர் கிங்ஸ் அணி காட்டிய அதிரடியை தோனியால் மறக்கவே முடியாது.

இந்த சீசனை தோனியால் இன்னொரு காரணத்திற்காகவும் மறக்க முடியாது. சென்னை சூப்பர் கிங்ஸுக்கு எங்கு போனாலும் ரசிகர்கள் இருப்பது உண்மைதான். எல்லோரும் தோனிக்காக தானாக சேரும் கூட்டம். ஆனால் இந்த முறை சென்னை அணி எங்கெல்லாம் விளையாடியதோ அங்கெல்லாம் அரங்கத்தை நிரப்பியது தோனி படைதான். இது வரலாறு காணாதது. அதைப் பார்த்து தோனியே நெகிழ்ந்து போய் விட்டார்.

இந்த நிலையில்தான் அவரது ஓய்வு குறித்த பேச்சு அதிகரித்துக் கொண்டே போனது. ஆனால் அவர் உண்மையிலேயே ஓய்வு பெறும் நிலையை நோக்கி போய்க் கொண்டிருக்கிறார் என்றுதான் தோன்றுகிறது. இந்த ஐபிஎல் சீசனிலேயே அவர் முழங்கால் வலியுடன்தான் விளையாடியுள்ளார் போலும். இதுதொடர்பாக ஒரு வீடியோ வெளியாகி பரபரப்பை ஏற்படுத்தியுள்ளது. அந்த வீடியோவில் விளையாடத் தயாராவதற்கு முன்பு தனியாக அமர்ந்து தனது முழங்கால் கேப்பை மாட்டிக் கொண்டிருக்கிறார் தோனி. இறுதிப் போட்டியில் விளையாடத் தயாராவதற்கு முன்பு எடுக்கப்பட்ட வீடியோ போல தெரிகிறது. இந்த வீடியோ ரசிகர்களை நெகிழ வைத்து விட்டது.

தோனிக்கு முழங்காலில் பிரச்சினை உள்ளதை சென்னை சூப்பர் கிங்ஸ் அணியின் தலைமை செயலதிகாரி காசி விஸ்வநாதனும் உறுதி செய்துள்ளார். இதுகுறித்து அவர் கூறுகையில், மும்பையில் எலும்பு முறிவு சிகிச்சை நிபுணர்களுடன் தோனி ஆலோசனை நடத்தவுள்ளார். அதன் பின்னர் தனது ஓய்வு குறித்து அவர் முடிவெடுப்பார் என்றார்.

இந்தத் தொடர் முழுவதுமே முழங்கால் பகுதியில் கனமான ஸ்டிராப்பைக் கட்டியபடிதான் விளையாடினாராம் தோனி. கிரேட் மனுஷன்தான் தோனி.. சந்தேகமே இல்லை.

சமீபத்திய செய்திகள்

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!

'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

என்ன மனுஷன் சார் இவரு.. முழங்கால் வலியுடன் ஐபிஎல் பைனல் ஆடிய தோனி!

Comments

சமீபத்திய செய்திகள்

அதிகம் பார்க்கும் செய்திகள்