கர்நாடக முதல்வர் சித்தராமையா பதவியேற்பு.. மு.க.ஸ்டாலினுக்கு அழைப்பு!
சென்னை: கர்நாடக முதல்வராக சித்தராமையா பதவியேற்கவுள்ள விழாவில்க லந்து கொள்ள தமிழ்நாடு முதல்வர் மு.க.ஸ்டாலின் உள்ளிட்ட தலைவர்களுக்கு அழைப்பு விடுக்கப்பட்டுள்ளது.
கர்நாடகா முதல்வராக பதவியேற்கவுள்ளார் சித்தராமையா. இன்று இரவு அவரை முறைப்படி சட்டமன்ற காங்கிரஸ் தலைவராக தேர்ந்தெடுக்கவுள்ளனர். அதன் பின்னர் அவர் ஆளுநரை சந்தித்து ஆட்சி அமைக்க உரிமை கோருவார். இதைத் தொடர்ந்து சனிக்கிழமை பிற்பகல் 1.30 மணிக்கு முதல்வராக அவர் பதவியேற்றுக் கொள்வார். துணை முதல்வராக டி.கே.சிவக்குமார் பொறுப்பேற்பார்.
இந்த விழாவில் சோனியா காந்தி, ராகுல்காந்தி, மல்லிகார்ஜூன கார்கே, காங்கிரஸ் ஆளும் மாநிலங்களின் முதல்வர்கள், கூட்டணிக் கட்சிகளின் தலைவர்��ள் உள்ளிட்டோர் வருகை தரவுள்ளனர். அந்த வகையில் தமிழ்நாடு முதல்வர் மு.க.ஸ்டாலினும் பதவியேற்பு விழாவுக்கு அழைக்கப்பட்டுள்ளார். விடுதலைச் சிறுத்தைகள் கட்சித் தலைவர் தொல். திருமாவளவனுக்கும் அழைப்பு போயுள்ளது.
நடிகர் ரஜினிகாந்த், கமல்ஹாசன் உள்ளிட்டோரும் விழாவுக்கு அழைக்கப்படுவார்கள் என்று எதிர்பார்க்கப்படுகிறது. இதனால் இந்த பதவியேற்பு விழா மிகப் பெரிய அளவில் அமையவுள்ளது.
சமீபத்தில் நடந்த கர்நாடக சட்டசபைத் தேர்தலில் காங்கிரஸ் கட்சி 135 இடங்களில் வெற்றி பெற்றது.தனிப் பெரும்பான்மை பலத்துடன் அது ஆட்சியமைக்கிறது. சித்தராமையா 2வது முறையாக முதல்வராகப் பதவியேற்கவுள்ளார். இதற்கு முன்பு முதல்வராக இருந்தபோது தனது முழுப் பதவிக்காலத்தையும் அவர் பூர்த்தி செய்தார் என்பது குறிப்பிடத்தக்கது.
சமீபத்திய செய்திகள்
CSK vs KKR.. மொத்தமாக முடிச்சு விட்ட கொல்கத்தா நைட் ரைடர்ஸ்.. சென்னைக்கு 5வது தோல்வி!
எடப்பாடி பழனிச்சாமி தலைமையில் 2026 தேர்தலில் கூட்டாட்சி அமைப்போம்.. கூட்டணியை அறிவித்தார் அமித்ஷா
14க்கு 14 அடி செல்லில்.. அடைத்து வைக்கப்பட்டிருக்கும் தஹவூர் ராணா.. பலத்த பாதுகாப்பு!
தமிழகத்தில் மீன்பிடி தடைக்காலம்: ஏப்., 15ம் தேதி முதல் ஜூன் 14ம் தேதி வரை
தமிழ்நாடு பாஜக தலைவராகிறார் நயினார் நாகேந்திரன்.. போட்டியின்றி தேர்வாகிறார்!
400 ஏக்கர் வனப்பகுதியை அழிக்கும் முடிவை தெலுங்கானா மாநில அரசு கைவிட வேண்டும்: சீமான் வலியுறுத்தல்!
தமிழகத்தில்.. இன்று முதல் 17ஆம் தேதி வரை.. ஒரு சில இடங்களில் மிதமான மழைக்கு வாய்ப்பிருக்கு!
விக்கிரவாண்டியை தொடர்ந்து கோவை.. த.வெ.க பூத் ஏஜென்ட் மாநாடு நடத்த முடிவு!
குமரி அனந்தன் மறைவு.. தமிழிசைக்கு நேரில் சென்று ஆறுதல் கூறிய மத்திய அமைச்சர் அமித்ஷா!
{{comments.comment}}