திருடர்களைத் துரத்திக் கொண்டு போன பெண் ஊழியர்கள்.. டிஸ்மிஸ் செய்த முதலாளி!
அட்லான்டா: அமெரிக்காவில் திருடர்களைத் துரத்திக் கொண்டு போன தனது நிறுவன ஊழியர்களை வேலையை விட்டு நீக்கியுள்ளார் லூலுலெமோன் நிறுவன தலைமை செயலதிகாரி கால்வின் மெக்டொனால்ட்.
அமெரிக்காவில் பிரபலமாக உள்ள விற்பனையகம்தான் லூலுலெமோன். இந்த நிறுவனத்திற்கு நாடு முழுவதும் ஏராளமான கடைகள் உள்ளன. அட்லாண்டாவில் உள்ள ஒரு விற்பனையகத்தில் கடந்த மாதம் திருடர்கள் புகுந்து விட்டனர்.
இதையடுத்து கடையில் பணியில் இருந்த ஒரு பெண் மேலாளர் உள்ளிட்ட 2 பெண் ஊழியர்கள் திருட்டைத் தடுக்க முயன்றனர். இதனால் திருடர்கள் வெளியில் தப்பித்து ஓடினர். அந்த இரு பெண்களும் துணிச்சலாக திருடர்களை விரட்டிக் கொண்டு போனார்கள்.. ஆனால் அந்த இரு பெண்களையும் வேலையிலிருந்து நீக்கியுள்ளார். நிறுவன தலைமை செயலதிகாரி கால்வின் மெக்டொனால்ட்.
இது பெரும் சர்ச்சையை ஏற்படுத்தியுள்ளது. கால்ட்வின்னின் செயல்பாடு விமர்சிக்கப்பட்டு வருகிறது. ஆனால் தான் செய்தது சரியே என்று கூறியுள்ளார் கால்வின். இதுகுறித்து அவர் டிவி ஒன்றுக்கு அளித்த பேட்டியின்போது கூறுகையில், நிறுவனத்தின் விதிமுறையை அவர்கள் மீறியுள்ளனர். திருட்டு நடந்தால் அதைத் தடுக்க முயற்சிக்கக் கூடாது. திருடர்களுடன் மோதக் கூடாது. ஒவ்வொரு கடையிலும் சிசிடிவி கேமரா உள்ளது. போலீஸார் உள்ளனர். சட்டம் உள்ளது. அது பார்த்துக் கொள்ளும்.
இது ஊழியர்களின் பாதுகாப்பு சம்பந்தப்பட்டது. அதைக் காக்கவே நாங்கள் முயல்கிறோம். பல இடங்களில் திருடர்களுடன் மோத முயன்று பலர் காயமடைந்துள்ளனர், ஏன் உயிரிழப்பே கூட ஏற்பட்டுள்ளது. அப்படிப்பட்ட நிலை எங்களது ஊழியர்களுக்கு நேரிடக் கூடாது என்று நாங்கள் விரும்புகிறோம். ஊழியர்களின் பாதுகாப்பே முதன்மையானது. அதை யாராவது மீறினால் பொறுத்துக் கொள்ள மாட்டோம் என்றார் கால்வின்.
சமீபத்திய செய்திகள்
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
பாஜக தலைவர் மாற்றம் உறுதி... அண்ணாமலையே சூசகமாக தகவல்!
நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
.jpg)
உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!
கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!
{{comments.comment}}