பார்த்துட்டே இருங்க.. ஒரே வருடத்தில் கர்நாடக அரசு கவிழும்.. அண்ணாமலை சாபம்!

May 21, 2023,12:45 PM IST

சென்னை: கர்நாடக காங்கிரஸ் அரசு ஒரே வருடத்தில் கவிழும் என்று தமிழ்நாடு பாஜக தலைவர் அண்ணாமலை கூறியுள்ளார்.

கர்நாடத்தில் சித்தராமையா தலைமையில் புதிய அரசு அமைந்துள்ளது. துணை முதல்வர் டி.கே.சிவக்குமார், 8 அமைச்சர்களுடன் பதவியேற்றுள்ள இந்த அரசு ஐந்து தேர்தல் வாக்குறுதிகளை நிறைவேற்றும் அறிவிப்பை முதன் முதலில் வெளியிட்டுள்ளது.

முதல் அமைச்சரவைக் கூட்டத்திற்குப் பின்னர் செய்தியாளர்களிடம் முதல்வர் சித்தராமையா பேசுகையில், முந்தைய பாஜக அரசை கடுமையாக சாடினார். பொம்மை அரசு எந்தவிதத்திலும் பயனுள்ளதாக இல்லை. மத்திய அரசிடமிருந்து வர வேண்டிய நிதியை பெற்றுத் தரவில்லை. மக்களுக்கும் எதையும் செய்யவில்லை என்று சாடியிருந்தார்.

இதற்கு முன்னாள் முதல்வர் பி.எஸ். பொம்மை பதில் தருகையில், ஆளுங்கட்சியின் அறிவிப்புக்கும், அதன் தேர்தல் வாக்குறுதிகளுக்கும் ஏகப்பட்ட வித்தியாசம் உள்ளது. சொன்னது ஒன்றும், செய்வது ஒன்றுமாக உள்ளது.

இப்படி இருக்கையில் சித்தராமையா அரசு ஒரே வருடத்தில் கவிழ்ந்து விடும் என்று அண்ணாமலை அதிரடியாக கூறியுள்ளார். இதுகுறித்து அவர் கூறுகையில், இன்றிலிருந்து ஒரு ஆண்டுக்குள் இந்த அரசு கவிழும். பார்த்துக் கொண்டே இருங்கள். 2024ம் ஆண்டு நாடாளுமன்றத் தேர்தல் வரை சித்தராமையாவும், டி.கே.சிவக்குமாரும் சண்டை போட்டுக் கொள்ளாமல் இருந்தால், அவர்களுக்கு நோபல் பரிசு தரலாம். காரணம், அந்த அளவுக்கு அவர்களது டிசைன் உள்ளது.

சித்தராமையா மட்டுமல்ல, சிவக்குமாரும் கூட முதல்வராக இருப்பார். இந்த இருவருக்கும் ஆளுக்கு பத்து அமைச்சர்களாம். என்ன மாதிரியான அரசு இது. இவர்களுக்குள் முதலில் ஒற்றுமை இல்லை. இவர்கள் எதிர்க்கட்சிகளின் ஒற்றுமை குறித்துப் பேசுகிறார்கள். காங்கிரஸுக்குள்ளேயே முதலில் ஒற்றுமை இல்லையே. மேலும் இவர்களது பதவியேற்பு விழாவுக்கு மமதா பானர்ஜி வரவில்லை, அரவிந்த் கெஜ்ரிவால் வரவில்லை பிறகு எப்படி ஒற்றுமையாக இருக்கிறோம் என்று இவர்கள் சொல்கிறார்கள் என்றார் அண்ணாமலை.

சமீபத்திய செய்திகள்

நாயகன் மீண்டும் வர்றார்.. சென்னை சூப்பர் கிங்ஸ் அணியில் ரவிச்சந்திரன் அஸ்வின்.. செம கேட்ச்தான்!

CKS rocks.. அஸ்வின், ரச்சின் ரவீந்திரா, டேவன் கான்வே, ராகுல் திரிபாதி.. செம கேம் பிளான்தான்!

A R Rahman.. உலகிலேயே மிகவும் சிறந்த மனிதர் ஏ.ஆர். ரஹ்மான்.. உருக்கமான ஆடியோ வெளியிட்ட சாய்ரா பானு

பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி

இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!

இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!

IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?

அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்

12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?

பார்த்துட்டே இருங்க.. ஒரே வருடத்தில் கர்நாடக அரசு கவிழும்.. அண்ணாமலை சாபம்!

Comments

சமீபத்திய செய்திகள்

அதிகம் பார்க்கும் செய்திகள்