கர்நாடகாவில் தொங்கு சட்டசபை?... கருத்து கணிப்புக்களை ஏற்க மறுக்கும் கட்சிகள்

May 11, 2023,09:21 AM IST

பெங்களூரு : கர்நாடகாவில் தொங்கு சட்டசபை அமைவதற்கே வாய்ப்புள்ளதாக 10 ல் 5 கருத்து கணிப்புக்கள் தெரிவிக்கின்றன. ஆனால் இந்த கருத்துக் கணிப்புக்களை ஏற்க காங்கிரஸ், பாஜக, மதச்சார்பற்ற ஜனதாதளம் கட்சிகள் மறுத்து வருவதுடன், தாங்கள் பெரும்பான்மை வெற்றியை பெறுவோம் என கூறி வருகின்றன.

கர்நாடக சட்டசபையில் உள்ள 224 இடங்களுக்கான தேர்தல் மே 10 ம் தேதி நடைபெற்றது. இதில் பதிவான ஓட்டுக்கள் மே 13 ம் தேதி எண்ணப்பட்டு, முடிவுகள் அறிவிக்கப்பட உள்ளது. கர்நாடக சட்டசபை தேர்தலில் காங்கிரஸ், பாஜக, மதசார்பற்ற ஜனதா தளம் கட்சிகள் இடையே கடும் போட்டி நிலவியது.

ஓட்டுப்பதிவு நடந்து முடிந்த நிலையில் தேர்தலுக்கு பிந்தைய கருத்துக்கணிப்புக்கள் தற்போது வெளியிடப்பட்டுள்ளன. இதில் 10 க்கு 5 கருத்து கணிப்புக்கள் தொங்கு சட்டசபையே அமையும் என சொல்கின்றன. அதே சமயம் காங்கிரஸ் வெற்றி பெறும் என இரண்டு கருத்து கணிப்புக்களும், பாஜக வெற்றி பெறும் என ஒரு கருத்து கணிப்பும் தெரிவிக்கின்றன. ஆனால் மதசார்பற்ற ஜனதா தளம் கிங்மேக்கராக இருக்கும் என்பதால் தொங்கு சட்டசபையே அமையும் எனவும் சொல்லப்படுகிறது.

இந்தியா டிவி, சிஎன்எக்ஸ், ஜீ நியூஸ் ஆகியன நடத்திய கருத்து கணிப்புக்களின் படி காங்கிரசிற்கு பெரும்பான்மை பலமான 113 இடங்களுக்கு மேல் கிடைக்கும் என சொல்லப்படுகிறது. நியூஸ் நேஷன் - சிஜிஎஸ் கருத்து கணிப்புக்கள் பாஜக 117 க்கும் அதிகமான இடங்களை கைப்பற்றி வெற்றி பெறும் என சொல்கின்றன. பாஜக பெரும்பான்மையை பெரும். காங்கிரஸ் 86 இடங்களிலும், ஜெடிஎஸ் 21 இடங்களிலும் வெற்றி பெறும் என சொல்கின்றன.

ஐந்து கருத்து கணிப்புக்கள், காங்கிரஸ் வெற்றி பெற்று, தனி பெரும் கட்சியாக உருவெடுக்கும் என சொல்கின்றன. இந்தியா டுடே - ஆக்சிஸ் மை இந்தியா நடத்திய கருத்துக் கணிப்பின் படி காங்கிரஸ் 122 முதல் 140 இடங்களையும், பாஜக 62 முதல் 80 இடங்களையும் கைப்பற்றும்.

டைம்ஸ் நவ் - இடிஜி நடத்திய கருத்து கணிப்பில் காங்கிரஸ் பெரும்பான்மையை பெரும். 113 இடங்கள் வரை கைப்பற்றும். பாஜக 85 இடங்களை கைப்பற்றும். ஜெடிஎஸ்சிற்கு 23 இடங்கள் கிடைக்கும் என சொல்கிறது. ரிபப்ளிக் டிவி நடத்திய கருத்துக்கணிப்பில் பாஜக 85 - 100 இடங்களை கைப்பற்றும். காங்கிரஸ் 94 - 108 இடங்களையும், ஜெடிஎஸ் 24-32 இடங்களையும் கைப்பற்றும்.

2006, 2018 ஆகிய ஆண்டுகளில் குமாரசாமியால் கர்நாடகாவில் ஆட்சி கவிழ்ந்துள்ளது. 2018 ல் காங்கிரசுடன் இணைந்து பாஜக.,வை ஆட்சியில் இருந்து விரட்டினார். பிறகு சில மாதங்களில் அந்த ஆட்சியும் கவிழ்ந்தது. அதனால் இந்த முறை எந்த கட்சியுடன் குமாரசாமி கூட்டணி அமைப்பார் என கணிக்க முடியாத நிலை உள்ளது. ஆனால் குமாரசாமியின் முடிவை பொறுத்தே கர்நாடகாவில் புதிய ஆட்சி அமையும் என்பது மட்டும் கருத்து கணிப்பு முடிவுகளால் உறுதியாகி உள்ளது.

வழக்கம் போல எந்தக் கஷ்டமும் இல்லாமல் குமாரசாமி முதல்வராகப் போகிறாரா அல்லது டிகே சிவக்குமார் முதல் முறையாக முதல்வராவாரா அல்லது கர்நாடகத்தில் மீண்டும் தாமரை மலருமா என்பதை மே 13ம் தேதி தெரிந்து கொள்ளலாம்.

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?

கர்நாடகாவில் தொங்கு சட்டசபை?... கருத்து கணிப்புக்களை ஏற்க மறுக்கும் கட்சிகள்

Comments

சமீபத்திய செய்திகள்

அதிகம் பார்க்கும் செய்திகள்