Happy Birtday Ilaiyaraja.. "இசையின் ராஜா" பிறந்த நாள் இன்று!

Jun 02, 2023,09:19 AM IST

சென்னை : உலகம் முழுவதும் உள்ள இசை ரசிகர்களை இசையால் ஆண்டு கொண்டிருக்கும் இசையின் ராஜாவான இசைஞானி இளையராஜா இன்று தனது 79 வது பிறந்தநாளை கொண்டாடுகிறார்.

இந்திய சினிமாவில் இசையமைப்பாளர், பாடகர், பாடலாசிரியர் என பல அவதாரங்களை எடுத்தவர் இளையராஜா. மிக மிக சாதாரண பின்னணியிலிருந்து வந்து இசையின் உச்சம் தொட்டவர் இளையராஜா. குக்கிராமங்கள் முதல் கோபுர மாளிகை வரை இவரது இசை தொடாத இடமே இல்லை.. இவரது இசைக்கு வானமே எல்லை.

1970 கள் துவங்கி தற்போது வரை கிட்டதட்ட 50 ஆண்டுகள் இந்திய சினிமாவின் இசை உலகையே தன் வசப்படுத்தி வைத்துள்ளார். இவர் இதுவரை 7000 க்கும் அதிகமான பாடல்களை 1000 க்கும் அதிகமான படங்களுக்காக உருவாக்கி உள்ளார். இது தவிர 20,000 க்கும் அதிகமான மேடை கச்சேரிகள் செய்துள்ளார். ஐந்து முறை தேசிய விருது வாங்கிய இசையமைப்பாளர் என்ற பெருமையை பெற்றவர் இளையராஜா.

பத்மபூஷண், பத்மவிபூஷண் உள்ளிட்ட பல விருதுகளை பெற்றவர். 1986 ம் ஆண்டே கமல் நடித்த விக்ரம் படத்திற்காக கம்ப்யூட்டரை பயன்படுத்தி இசையமைத்த முதல் இந்திய இசையமைப்பாளர் என்ற பெருமையை உடையவர் இளையராஜா. 2006 ம் ஆண்டு திருவாசகத்திற்கு சிம்பொனி இசையமைத்த முதல் இசைக்கலைஞர் என்ற பெருமையும் இளையராஜாவையே சேரும்.

இசை என்றாலே இளையராஜா என சொல்லும் அளவிற்கு வெஸ்டர்ன், கிளாசிக்கல், நாட்டுப்புற பாடல் என இசையின் அத்தனை பரிமாணங்களையும் வெளிப்படுத்தி உலக ரசிகர்களை கட்டிப்போட்டு வைத்துள்ளவர். 2013 ம் ஆண்டு இந்திய சினிமா 100 ஆண்டுகள் எட்டி பிடித்ததை கொண்டாடும் வகையில் பிபிசி நடத்திய சிறந்த இசையமைப்பாளர், ரசிகர்களை அதிகம் கவர்ந்த இசையமைப்பாளர் யார் என்ற கருத்துக் கணிப்பில் 48 சதவீதத்திற்கும் அதிகமான மக்கள் இளையராஜாவின் பெயரை குறிப்பிட்டிருந்தனர்.

இளையராஜாவின் இசை திறமையை பாராட்டி அவருக்கு இசைஞானி என்ற பட்டத்தை முன்னாள் தமிழக முதல்வர் கலைஞர் கருணாநிதி அளித்தார். லண்டனின் ராயல் பில்ஹாமோனிக் ஆர்கெஸ்ட்ரா இவருக்கு மேஸ்ட்ரோ பட்டத்தை வழங்கியது. உலகின் தலை சிறந்த இசையமைப்பாளர்களில் ஒருவராக விளங்கும் இளையராஜாவிற்கு அவரது பிறந்தநாளை முன்னிட்டு ரசிகர்கள் அனைவரும் வாழ்த்துக்களை குவித்து வருகின்றனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?