அரசு பஸ்களில் நாளை முதல் ரூ.2000 நோட்டை வாங்க தடையா?

May 22, 2023,10:12 AM IST

சென்னை : அரசு பஸ்களில் பயணிகளிடம் இருந்து ரூ.2000 நோட்டுக்களை வாங்கக் கூடாது என தமிழக அரசு போக்குவரத்து கழகங்களுக்கு அறிவுறுத்தியுள்ளதாக ஒரு தகவல் வெளியாகியுள்ளது.

இப்படித்தான் டாஸ்மாக் கடைகள் ரூ. 2000 நோட்டை வாங்கக் கூடாது என்று அறிவுறுத்தப்பட்டுள்ளதாக முதலில் செய்தி வெளியானது. பின்னர் அப்படி இல்லை, அது தவறான செய்தி என்று மது விலக்குத் துறை அமைச்சர் செந்தில் பாலாஜி விளக்கினார். இந்த நிலையில் அரசு பஸ்களில் நாளை முதல் ரூ. 2000 நோட்டுக்களை வாங்கக் கூடாது என்று நடத்துநர்களுக்கு போக்குவரத்துத் துறை அறிவுறுத்தியுள்ளதாக ஒரு தகவல் வெளியாகியுள்ளது.

புழக்கத்தில் உள்ள ரூ.2000 நோட்டுக்களை திரும்பப் பெறுவதாக மத்திய ரிசர்வ் வங்கி சமீபத்தில் அறிவித்தது. இவற்றை எந்த வங்கிக் கிளைகளில் வேண்டுமானாலும் செப்டம்பர் 30 ம் தேதிக்குள் மாற்றிக் கொள்ளலாம் என தெரிவித்துள்ளது.

ஆனால் ரூ.2000 நோட்டுக்களை மாற்றுவது குறித்து சோஷியல் மீடியாவில் பல்வேறு கருத்துக்கள் பரவி வருகிறது. இதற்கு வங்கிகளும் விளக்கம் அளித்து வருகின்றன. இந்நிலையில் எங்கெல்லாம் ரூ.2000 நோட்டுக்களை தொடர்ந்து பயன்படுத்தலாம் என குழப்பமும் எழுந்துள்ளது.

இந்நிலையில் தற்போது, மே 23 ம் தேதி முதல் தமிழக அரசு பஸ்களில் டிக்கெட் வழங்கும் போது பயணிகளிடம் இருந்து ரூ.2000 நோட்டுக்களை வாங்கக் கூடாது என தமிழக போக்குவரத்துக் கழகங்கள் சம்பந்தப்பட்ட பணிமனைகளின் கன்டெக்டர்களை அறிவுறுத்தி உள்ளதாக செய்திகள் வெளியாகியுள்ளன.

பயணிகளிடம் இதமாக எடுத்துக் கூறி ரூ. 2000 நோட்டை வாங்குவதைத் தவிர்க்குமாறு போக்குவரத்துக் கழகங்களுக்கு அறிவுறுத்தப்பட்டுள்ளதாம். அதேசமயம், இதுகுறித்து அதிகாரப்பூர்வமான தகவலை இதுவரை போக்குவரத்துத் துறை வெளியிடவில்லை என்பது குறிப்பிடத்தக்கது.

சமீபத்திய செய்திகள்

தயவு செய்து அவதூறு பரப்புவதை நிறுத்துங்க.. நடிகர் ஸ்ரீயின் குடும்பத்தினர் வேண்டுகோள்..!

சபரிமலையில் நடிகர்கள் கார்த்தி ரவி மோகன் சுவாமி தரிசனம்!

Today gold rate: வரலாறு காணாத தொடர் உயர்வில் தங்கம் விலை... அதிர்ச்சியில் வாடிக்கையாளர்கள்!

வக்பு சட்டத்தை கண்டித்து.. கடை அடைப்பு போராட்டம் நெல்லையில் பரபரப்பு..!

கோடை விடுமுறையை மாணவர்கள் பயனுள்ள வகையில் கழிக்க வேண்டும்.. அமைச்சர் அன்பில் மகேஷ்..!

அது மட்டும் பண்ணாதீங்க...அமைச்சர்களுக்கு முதல்வர் கொடுத்த அட்வைஸ்

குடியரசுத் தலைவருக்கு உச்ச நீதிமன்றம் உத்தரவிட முடியுமா..? குடியரசு துணைத் தலைவர் ஜக்தீப் கேள்வி..!

good friday 2025 : புனித வெள்ளிக்கு ஏன் இந்த பெயர் வந்தது தெரியுமா?

என்னென்ன காயெல்லாமோ சாப்பிட்டிருப்பீங்க.. தோசைக்காய பப்பு டேஸ்ட் பண்ணிருக்கீங்களா..!

அரசு பஸ்களில் நாளை முதல் ரூ.2000 நோட்டை வாங்க தடையா?

Comments

சமீபத்திய செய்திகள்

அதிகம் பார்க்கும் செய்திகள்