ஐபிஎல் பிளே ஆஃப் போட்டிகளுக்கான டிக்கெட்கள் ஆன்லைனில் மட்டுமே!

May 18, 2023,01:15 PM IST

சென்னை : சென்னையில் நடைபெற ஐபிஎல் கிரிக்கெட் தொடரின் பிளே ஆஃப் போட்டிகளுக்கான டிக்கெட்கள் ஆன்லைனில் மட்டுமே விற்பனை செய்யப்படும் என சென்னை சூப்பர் கிங்ஸ் நிர்வாகம் அறிவித்துள்ளது.

ஐபிஎல் டுவென்டி 20 கிரிக்கெட் போட்டித் தொடர் இறுதிக் கடட்த்தை நெருங்கி வருகிறது. இன்னும் 8 போட்டிகள் மட்டுமே மீதம் உள்ளது. இதில் பிளே ஆஃப் போட்டிகள் மே 23 ம் தேதி துவங்கி நடைபெற உள்ளது. பிளே ஆஃப் சுற்றுக்கு தகுதி பெறுவதற்கான போட்டிகள் தற்போது நடைபெற்று வருகின்றன. இதில் 3 போட்டிகளில் ஏற்கனவே முதல் போட்டி நிறைவடைந்து விட்டது. இதில் வெற்றி பெற்று, முதல் ஆளாக பிளே ஆஃப் சுற்றுக்கு தகுதி பெற்றுள்ளது குஜராத் டைட்டன்ஸ் அணி.

பிளே ஆஃப் சுற்றில் மீதமுள்ள 3 இடங்களை கைப்பற்ற ஏழு அணிகள் போட்டி களத்தில் உள்ளன. லக்னோ சூப்பர் ஜெயிண்ட்ஸ், மும்பை இந்தியன்ஸ், பஞ்சாப் கிங்ஸ், சென்னை சூப்பர் கிங்ஸ், ராயல் சேலஞ்சர்ஸ் பெங்களுரு, ராஜஸ்தான் ராயல்ஸ், கொல்கத்தா நைட் ரைடர்ஸ் ஆகிய அணிகள் களத்தில் உள்ளன.

புள்ளிகளின் அடிப்படையிலான தர வரிசை பட்டியலில் குஜராத் அணி முதலிடத்தில் உள்ளது. அடுத்த இடத்தில் சென்னை மற்றும் லக்னோ அணிகள் சம புள்ளிகளுடன் உள்ளன.மூன்றாவது இடத்தில் மும்பை இந்தியன்ஸ் அணி உள்ளது.

பிளே ஆஃப் சுற்று போட்டிகள் சென்னையில் மே 23 மற்றும் 24 ஆகிய தேதிகளில் நடைபெற உள்ளது. இதற்கான டிக்கெட் விற்பனை ஆன்லைனில் மட்டுமே நடைபெறும் என சென்னை சூப்பர் கிங்ஸ் அணி நிர்வாகம் தெரிவித்துள்ளது. டிக்கெட் வாங்குவதற்காக குவியும் ரசிகர்களின் கூட்ட நெரிசலை தவிர்ப்பதற்காக ஆன்லைனில் மட்டும் டிக்கெட் விற்பனை செய்ய முடிவு செய்யப்பட்டுள்ளது. இந்த டிக்கெட்கள் பிசிசிஐ நிர்வாகத்தால் மட்டுமே விற்பனை செய்யப்படும், தமிழக கிரிக்கெட் வாரியத்தால் அல்ல என தெளிவாக தெரிவிக்கப்பட்டுள்ளது.

டிக்கெட்கள் இன்று பிற்பகலல் 12 மணி முதல் ஆன்லைனில் வெளியிடப்பட உள்ளதாக சிஎஸ்கே நிர்வாகம் தெரிவித்துள்ளது. இதனால் சென்னை ரசிகர்கள் மட்டுமின்றி, மற்ற மாநில ஐபிஎல் ரசிகர்களும் செம குஷியாகி உள்ளனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!

'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!