இம்ரான் கானுக்கு இரண்டு வாரங்களுக்கு ஜாமின்

May 13, 2023,10:27 AM IST

இஸ்லாமாபாத் : ஊழல் வழக்கில் கைது செய்யப்பட்ட பாகிஸ்தான் முன்னாள் பிரதமர் இம்ரான் கானுக்கு இரண்டு வாரங்கள் ஜாமின் வழங்கி இஸ்லாமாபாத் ஐகோர்ட் உத்தரவு பிறப்பித்துள்ளது.

ஊழல் வழக்கில் சமீபத்தில் இம்ரான் கான், கோர்ட் வாசலிலேயே கைது செய்யப்பட்டு வலுகட்டாயமாக இழுத்துச் செல்லப்பட்டார். இந்த வீடியோ சமூக வலைதளங்களில் வைரலானதால் இம்ரான் கானின் ஆதரவாளர்கள் போராட்டத்தில் ஈடுபட்டனர். இந்த போராட்டம் பிறகு கலவரமாக மாறியது. பாகிஸ்தானில் பல இடங்களில் கலவரம் வெடித்தது. ராணுவ தலைமையகமும் அடித்து நொறுக்கப்பட்டது.

இதற்கிடையில் சிறையில் தன்னை கழிவறையை கூட பயன்படுத்த விடாமல் ஊழல் தடுப்பு பிரிவு படையினர் சித்ரவதை செய்வதாகவும், தன்னை கொல்ல சதி நடப்பதாகவும், அதனால் தனக்கு ஜாமின் வழங்கும் படியும் கேட்டு இம்ரான் கான் சார்பில் அந்நாட்டு சுப்ரீம் கோர்ட்டில் மனுத்தாக்கல் செய்யப்பட்டது. இந்த மனுவை விசாரித்த நீதிபதிகள், இம்ரான் கானின் கைது சட்டவிரோதமானது என கூறியதுடன் அவரை உடனடியாக விடுவிக்கவும் உத்தரவு பிறப்பித்தன. மேலும் நேற்று காலை 10 மணிக்கு ஐகோர்ட்டில் இம்ரான் கானை ஆஜர்படுத்தவும் உத்தரவிட்டன.

நேற்று காலை ஐகோர்ட்டில் ஆஜர்படுத்தப்பட்ட இம்ரான் கானுக்கு ஐகோர்ட் இரண்டு வாரங்களுக்கு ஜாமின் வழங்கி உள்ளது. மே 15 ம் தேதி வரை எந்த வழக்கிலும் அரசு துறை நிர்வாகங்கள் இம்ரான் கானை கைது செய்யக் கூடாது என்றும் தெரிவித்துள்ளது. அறக்கட்டளை மீதான வழக்கில் மே 17 வரை கைது செய்யக் கூடாது என உத்தரவு பிறப்பிக்கப்பட்டுள்ளது. இதனால் இம்ரான் கானுக்கு 10 நாட்களுக்கு பாதுகாப்பான ஜாமின் வழங்கப்பட்டுள்ளது.

இடைக்கால ஜாமீன் கிடைத்ததைத் தொடர்ந்து இம்ரான் கான் விடுதலை செய்யப்பட்டார். இதன் மூலம் பாகிஸ்தான் ராணுவத்தின் அதிரடி அதிர்ச்சி நடவடிக்கை முடிவுக்கு வந்துள்ளது.

இம்ரான் கான் மீது மூன்று பயங்கரவாதம் தொடர்பான வழக்குகள், கொலை வழக்கு, அவர் நடத்தும் அல் குதிர் அறக்கட்டளை மீது ஊழல், நில மோசடி போன்ற வழக்குகளும் உள்ளன.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!