இப்படியே விடாதீங்க.. திமிறி எழுங்க.. "தேங்க் யூ சார்".. கமல், ஷங்கர் ஒரே உருகல்!

Jun 29, 2023,09:24 AM IST

சென்னை: இந்தியன் 2 படத்தின் பிரதான காட்சிகளைப் பார்த்து மெய் சிலிர்த்துப் போய் விட்ட கமல்ஹாசன், கையோடு இயக்குநர் ஷங்கருக்கு ஒரு கைக்கடிகாரத்தை வாங்கி கையில் மாட்டி அழகு பார்த்துப் பூரித்துப் போய் விட்டார்.

கமல்ஹாசன் நடிப்பில், ஷங்கர் இயக்கத்தில் வெளியான இந்தியன் மிகப் பெரிய வெற்றிப் படமாக, நாடு முழுவதும் பேசப்பட்ட படமாக பல பத்தாண்டுகளுக்கு முன்பு வெளியானது. இந்தியன் தாத்தா கெட்டப் மிகப் பெரிய அளவில் பாப்புலரும் ஆனது.

இந்தப் படத்தின் 2ம் பாகத்தை தற்போது எடுத்து வருகிறார் ஷங்கர். கமல்ஹாசன் நடிக்க பல்வேறு புதிய நட்சத்திரங்கள் இணைந்துள்ள இப்படத்தின் படப்பிடிப்பு பல்வேறு தடங்கல்களைச் சந்தித்து வளர்ந்து கொண்டிருக்கிறது. இந்த நிலையில் நேற்று ஒரு சம்பவம் நடந்துள்ளது.

அதாவது ஷங்கருக்கு கமல்ஹாசன், கைக்கடிகாரம் பரிசளித்துக் கெளரவித்துள்ளார். இதுதொடர்பாக அவர் போட்டுள்ள டிவீட்டில், இந்தியன் 2’ படத்தின் பிரதான காட்சிகளை இன்று பார்த்தேன். என் உளமார்ந்த வாழ்த்துகள் ஷங்கர்.

இதுவே உங்கள் உச்சமாக இருக்கக் கூடாது என்பதும் என் அவா. காரணம், இதுதான் உங்கள் கலை வாழ்வின் மிக உயரமான நிலை. இதையே உச்சமாகக் கொள்ளாமல் திமிறி எழுங்கள். பல புதிய உயரங்கள் தேடி.

அன்பன், கமல்ஹாசன் என்று கூறியிருந்தார்.

இதற்கு ஷங்கர் நன்றி தெரிவித்து பதில் டிவீட் போட்டிருந்தார். அதில், நன்றியும், மகிழ்ச்சியிலும் எனது இதயம் நிரம்பியுள்ளது சார். எனது சிறந்ததை கொடுப்பதிலிருந்து நான் நிற்க மாட்டேன். உங்களது நடிப்பும், தோற்றமும் படத்திற்குத் தேவையான சக்தியைக் கொடுத்து விட்டது என்பதை தனியாகச் சொல்லத் தேவையில்லை. உங்களது இந்த அருமையான பாராட்டுக்கு இந்த சிறப்பான நேரத்தில் நன்றி சொல்லிக் கொள்கிறேன் சார். இந்த உணர்வை எப்போதும் மனதில் இருத்தி வைத்திருப்பேன் என்று கூறியுள்ளார் ஷங்கர்.

அப்படி என்ன சீன்தான் கமல் பார்த்தாரோ.. அதை எப்படித்தான் அப்படி சிறப்பாக ஷங்கர் எடுத்திருக்கிறாரோ.. பார்த்தே ஆக வேண்டும் போல் பரபரங்குதே..!

சமீபத்திய செய்திகள்

பாமக தலைவர் பதவியிலிருந்து டாக்டர் அன்புமணி நீக்கம்.. டாக்டர் ராமதாஸ் திடீர் அறிவிப்பு

12 ராசிகளுக்குமான இன்றைய ராசிபலன் ஏப்ரல் 10, 2025...யாருக்கு என்ன பலன் காத்திருக்கு?

வங்க கடலில் உருவான.. காற்றழுத்த தாழ்வு பகுதி வலுவிழந்தது.. வானிலை மையம் தகவல்!

என்ன வளம் இல்லை இந்த திருநாட்டில்.. தமிழ் நிலத்தின் பெருமைகள்

சென்னை உள்ளிட்ட.. வடதமிழ்நாட்டில் வெயில் அதிகரிக்கும்.. தமிழ்நாடு வெதர்மேன் எச்சரிக்கை!

விண்ணை பிளக்கும் உற்சாகத்துடன் வெளியான குட் பேட் அக்லி.. விழா கோலம்பூண்ட திரையரங்குகள்..!

Gold Rate strikes twice: தங்கம் விலை ஒரே நாளில் 2 முறை.. காலையில் ரூ. 520.. மாலையில் ரூ.960 உயர்வு

மத்திய அமைச்சர் அமித்ஷா நாளை சென்னை வருகிறார்..யாரை எல்லாம் சந்திக்க திட்டம்?

தேசியவாதியான ஐயா குமரி ஆனந்தன் மறைவு தமிழகத்துக்கும் இலக்கிய உலகுக்கும் பேரிழப்பு: அண்ணாமலை

இப்படியே விடாதீங்க.. திமிறி எழுங்க.. "தேங்க் யூ சார்".. கமல், ஷங்கர் ஒரே உருகல்!

Comments

சமீபத்திய செய்திகள்

அதிகம் பார்க்கும் செய்திகள்