ஈரோடு கிழக்கு இடைத் தேர்தல்.. காங்கிரஸ் வேட்பாளராக ஈவிகேஎஸ்.இளங்கோவன் அறிவிப்பு

Jan 22, 2023,12:00 PM IST

சென்னை: ஈரோடு கிழக்கு தொகுதி இடைத் தேர்தலில் காங்கிரஸ் சார்பில் அக்கட்சியின் மூத்த தலைவர் ஈவிகேஎஸ் இளங்கோவன் அறிவிக்கப்பட்டுள்ளார். ஈவிகேஎஸ் இளங்கோவனின் மகன் சஞ்சய் சம்பத் விருப்ப மனு கொடுத்திருந்த நிலையில் இன்று அதிகாரப்பூர்வ அறிவிப்பை காங்கிரஸ் வெளியிட்டுள்ளது.

ஈரோடு கிழக்கு தொகுதி சட்டசபை உறுப்பினராக இருந்தவர் திருமகன் ஈவேரா. இவர் தமிழக காங்கிரஸ் கட்சியின் முன்னாள் மாநில தலைவர் ஈவிகேஎஸ் இளங்கோவனின் மகன் ஆவார். சமீபத்தில் உடல் நலக்குறைவால் திருமகன் மறைந்தார். இதையடுத்து அத்தொகுதியில் பிப்ரவரி 27ம் தேதி இடைத் தேர்தல் என சமீபத்தில் தேர்தல் கமிஷனால் அறிவிக்கப்பட்டது.

இந்தத் தொகுதியில் மீண்டும் காங்கிரஸ் கட்சியே போட்டியிடும் என திமுக தலைமை அறிவித்தது. கட்சி சார்பில் போட்டியிடும் வேட்பாளரைத் தேர்வு செய்யும் பணியில் காங்கிரஸ் மேலிடம் இறங்கியது. சென்னை சத்தியமூர்த்தி பவனுக்கு காங்கிரஸ் மேலிடப் பார்வையாளர் தினேஷ் குண்டுராவ் வருகை தந்து, கட்சியின் முக்கியத் தலைவர்களுடன் தீவிர ஆலோசனையில் ஈடுபட்டார்.

இந்த சந்திப்பின்போது ஈவிகேஎஸ் இளங்கோவன், அவரது மகன் சஞ்சய் சம்பத் உள்ளிட்டோரும் கலந்து கொண்டனர். தினேஷ் குண்டுராவ், சஞ்சய் சம்பத்துடனும் ஆலோசனை நடத்தினார். இந்த ஆலோசனைக்குப் பிறகு செய்தியாளர்களைச் சந்தித்த சஞ்சய் சம்பத் பேசுகையில், ஈரோடு கிழக்கு சட்டசபைத் தொகுதி இடைத் தேர்தலில் போட்டியிட விருப்ப மனு அளித்துள்ளேன். கட்சி மேலிடம் முடிவை அறிவிக்கும் என்று தெரிவித்தார்.

சஞ்சய் சம்பத்தே வேட்பாளராக அறிவிக்கப்பட வாய்ப்புகள் அதிகம் என கூறப்பட்டு வந்தது. காங்கிரஸ் வேட்பாளர் குறித்த அறிவிப்பை தினேஷ் குண்டுராவ் வெளியிடுவார் என்று எதிர்பார்க்கப்பட்டது. இந்நிலையில் ஈவிகேஎஸ் இளங்கோவன் ஈரோடு கிழக்கு தொகுதி இடைத் தேர்தலில் காங்கிரஸ் கட்சி சார்பில் போட்டியிடுவார் என கட்சி தலைமை அறிவித்துள்ளது.

காங்கிரஸ் வேட்பாளர் பெயர் அறிவிக்கப்படுவதற்கு முன்பே ஏற்கனவே காங்கிரஸ் வெற்றிக்காக திமுகவினர் பிரசாரத்தில் குதித்து விட்டனர். தமிழ்நாடு அமைச்சர்கள் சு. முத்துச்சாமி, கே.என். நேரு உள்ளிட்டோர் வீடு வீடாக சென்று பிரசாரத்தை தொடங்கி வைத்துள்ளனர்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

ஈரோடு கிழக்கு இடைத் தேர்தல்.. காங்கிரஸ் வேட்பாளராக ஈவிகேஎஸ்.இளங்கோவன் அறிவிப்பு

Comments

சமீபத்திய செய்திகள்

அதிகம் பார்க்கும் செய்திகள்