இதை எதிர்பார்க்கலையே.. திடீரென கொட்டிக் குவித்த மழையால்.. ஸ்டன் ஆன சென்னை!

Jun 19, 2023,09:40 AM IST

சென்னை: சென்னை மக்கள் இந்த திடீர் ஜூன் மாத மழையை சற்றும் எதிர்பார்க்கவில்லை. திடீரென கொட்டிக் குவித்த கன மழையால் ஏற்பட்ட திடீர் வெள்ளம் மக்களை நிலைகுலைய வைத்து விட்டது.

வழக்கமாக கோடை காலத்தில் இப்படி ஒரு மழை சென்னைக்கு வருவது மிக மிக அரிதாகும். கிட்டத்தட்ட 27 வருடங்களுக்கு முன்புதான் இப்படி ஒரு பேய் மழை பெய்து தீர்த்தது. ஆனால் இந்த ஆண்டு ஜூன் மாதம் மிகக் கடுமையான வெயில் பதிவாகி வந்த நிலையில் நேற்று திடீரென நிலைமை அப்படியே தலைகீழாக மாறிப் போனது.

சஹாரா பூமி போல அனல் பறக்கக் காணப்பட்ட சென்னை நேற்று காலை முதல் ஊட்டி கொடைக்கானல் போல மாறியது. விட்டு விட்டுப் பெய்த மழையால் பெருமளவில் வெட்கை தணிந்தது. ஆனால் இரவில் நிலைமை இன்னும் வேகமாக மாறியது. மெல்லத் தொடங்கிய மழையானது அப்டியே வேகம் பிடித்து கன மழையானது. நள்ளிரவுக்கு மேல் மழை வெளுத்து வாங்கத் தொடங்கியது.

இந்த திடீர் கன மழையால் சென்னை மக்கள் அதிர்ச்சியும், ஆச்சரியமும் அடைந்தனர். ஜூன் மாதத்தில் இப்படி ஒரு கன மழையா என்ற குழம்பிப் போயினர். ஆனால் தாழ்வான பகுதிகளில் மழை நீர் வீடுகளுக்குள் புகத் தொடங்கியது. பல பகுதிகளில் தெருக்களிலும் தண்ணீர் தேங்கி நிற்க ஆரம்பித்தது. இதனால் ராத்திரியில் பல பகுதிகளில் மக்கள் ஸ்தம்பிக்கும் நிலை ஏற்பட்டது.

திடீர் வெள்ளத்தால் வீடுகளுக்குள் புகுந்த வெள்ளத்தால் மக்கள் சிறு பாதிப்பை சந்திக்க நேரிட்டது. பல வீடுகளில் பிள்ளைகளின் பள்ளிப் புத்தகங்கள், பொருட்கள் உள்ளிட்டவை நனைந்து போய் அவர்கள் வேதனை அடைந்தனர்.

இப்படி ஒரு மழையை இப்போது எதிர்பார்க்கவில்லை. லேசாக பெய்து விட்டுப் போய் விடும் என்றுதான் நினைத்தோம். ஆனால் இப்படி வெள்ளம் போல வரும் என நினைக்கவில்லை என்பதே சென்னைவாசிகள் பலரின் கருத்தாக உள்ளது. தற்போது மழை மெல்ல குறைந்து லேசாக பெய்து வருகிறது. மாநகராட்சி அதிகாரிகள் பல்வேறு சீரமைப்புப் பணிகளில் தீவிரமாக ஈடுபட்டுள்ளனர். வெள்ள நீர் தேங்கியுள்ள இடங்களில் அதை வடியச் செய்யும் பணிகள் மும்முரமாக நடந்து வருகின்றன.

சமீபத்திய செய்திகள்

நாயகன் மீண்டும் வர்றார்.. சென்னை சூப்பர் கிங்ஸ் அணியில் ரவிச்சந்திரன் அஸ்வின்.. செம கேட்ச்தான்!

CKS rocks.. அஸ்வின், ரச்சின் ரவீந்திரா, டேவன் கான்வே, ராகுல் திரிபாதி.. செம கேம் பிளான்தான்!

A R Rahman.. உலகிலேயே மிகவும் சிறந்த மனிதர் ஏ.ஆர். ரஹ்மான்.. உருக்கமான ஆடியோ வெளியிட்ட சாய்ரா பானு

பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி

இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!

இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!

IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?

அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்

12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?

இதை எதிர்பார்க்கலையே.. திடீரென கொட்டிக் குவித்த மழையால்.. ஸ்டன் ஆன சென்னை!

Comments

சமீபத்திய செய்திகள்

அதிகம் பார்க்கும் செய்திகள்