28 வயது மருமகளை மணந்து.. மனைவியாக்கிய.. 70 வயது மாமனார்!

Jan 28, 2023,12:55 PM IST

கோரக்பூர், உத்தரப் பிரதேசம்: உத்தரப் பிரதேச மாநிலம் கோரக்பூரில் 28 வயது மருமகளை, 70 வயது மாமனார் திருமணம் செய்த சம்பவம் பரபரப்பாகியுள்ளது.

மகன் இறந்து விட்ட காரணத்தால், தனது மருமகளின் சம்மதத்துடன் அவரை மணந்துள்ளார் இந்த மாமனார்.

கோரக்பூரில் உள்ள சாப்பியா உமாரோ கிராமத்தைச் சேர்ந்தவர் கைலாஷ் யாதவ். இவர் போலீஸ்காரராக இருந்தவர். இவரது மனைவி 12 வருடங்களுக்கு முன்பு இறந்து விட்டார். 3வது மகனும் சமீபத்தில் மரணமடைந்தார்.

இவரது மருமகள்தான் பூஜா. கணவரை இழந்த இவருக்கு வாழ்க்கையும், பாதுகாப்பும் தர வேண்டும் என்று விரும்பிய கைலாஷ், மருமகளையே மணக்க முடிவு செய்தார். அவரது இந்த முடிவுக்கு பூஜாவும் சம்மதித்தார். இதையடுத்து யாருக்கும் சொல்லாமல், தனது மருமகளை கல்யாணம் செய்து கொண்டார் கைலாஷ். இதுதொடர்பான புகைப்படம் வெளியே வந்த பிறகுதான் அனைவருக்கும் இவர்களது திருமணம் குறித்துத் தெரிய வந்தது.

கைலாஷ் யாதவ் தனது மருமகளையே மணந்த சம்பவம் அந்தக் கிராமத்தில் பரபரப்பையும், சர்ச்சையையும் ஏற்படுத்தியுள்ளது. கைலாஷின் எண்ணம் சரியானதுதான்.. ஆனால் அவரே மணந்ததற்குப் பதில், வேறு யாராவது பொருத்தமான மணமகனைப் பார்த்து கல்யாணம் செய்திருக்க வேண்டும்.. அதுதான் சரியானதாக இருந்திருக்கும் என்று பலர் கருத்து தெரிவித்துள்ளனர்.

இதற்கிடையே, இந்தத் திருமணம் குறித்து பர்ஹலாகஞ்ச் காவல் நிலைய இன்ஸ்பெக்டர் ஜே. என்.சுக்லா கூறுகையில், இந்தத் திருமணம் குறித்த புகைப்படம் எங்களது பார்வைக்கும் வந்தது. இதுகுறித்து விசாரித்து வருகிறோம். ஆனால் பெண்ணின் சம்மதத்துடன் திருமணம் நடந்ததாக அறிகிறோம். எனவே எங்களுக்கு புகார் ஏதும் வரவில்லை என்று கூறினார்.

சமீபத்திய செய்திகள்

இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!

தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!

அண்ணன் ராம்குமாருக்கு உதவ முடியாது .. கைவிரித்த நடிகர் பிரபு!

வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!

ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும்‌. சட்டசபையில் அறிவிப்பு!

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!

28 வயது மருமகளை மணந்து.. மனைவியாக்கிய.. 70 வயது மாமனார்!

Comments

சமீபத்திய செய்திகள்

அதிகம் பார்க்கும் செய்திகள்