#64YearsofKamalism... கமலுக்கு சினிமா வயசு 64.. கொண்டாடும் ரசிகர்கள்!

Aug 12, 2023,01:52 PM IST

சென்னை : உலக நாயகன் என்று ரசிகர்களால் போற்றப்படும் கமலஹாசனின் திரைப்பயணம் 64 வருடங்களுக்கு முன் இதே நாளில் தான் துவங்கியது. இதை அவரது ரசிகர்கள் சோஷியல் மீடியாவில் கொண்டாடி வருகின்றனர்.

தனது 4 வது வயதில் களத்தூர் கண்ணம்மா படத்தின் மூலம் திரையுலகிற்கு குழந்தை நட்சத்திரமாக அறிமுகமானவர் கமலஹாசன். குழந்தை நட்சத்திரம், அசிஸ்டென்ட் டைரக்டர், துணை நடிகர், ஹீரோ, நடன கலைஞர், பாடகர், பாடலாசிரியர், திரைக்கதை எழுத்தாளர், இயக்குனர், தயாரிப்பளர் என சினிமாவின் அத்தனை ரோல்களிலும் பணியாற்றி விட்டார் கமல்ஹாசன். சமீப ஆண்டுகளாக டிவி நிகழ்ச்சி தொகுப்பாளர் என்ற பரிமாணத்தையும் எடுத்து விட்டார்.

இந்த 64 ஆண்டு கால திரைப்பயணத்தில் கமல் பண்ணாதது வில்லன் ரோல் தான். அதையும் தற்போது பாலிவுட்டில் நடித்து வரும் கல்கி 2829 ஏடி படத்தின் மூலம் நிறைவேற்றி விட்டார் கமல். சினிமாவை தொடர்ந்து அரசியலிலும் தனக்கென தனி இடத்தை பிடித்து விட்டார் கமல். அரசியல், சினிமா இரண்டிலும் பிஸியாகவும் அனைவராலும் எதிர்பார்க்கப்படும் நபராகவும் இருக்கும் ஒரே நபர் கமல் தான். 4 வருடங்களாக படங்களில் நடிக்காமல் பிரேக் எடுத்து விட்டு, விக்ரம் படத்தில் நடித்த போதிலும் ரசிகர்கள் அதை பிளாக்பஸ்டர் படமாக்கி வரவேற்பை அளித்துள்ளனர்.

கமல் திரையுலகிற்கு வந்து 64 ஆண்டுகள் ஆனதை கொண்டாடும் விதமாக அவரது மகளும், நடிகையுமான ஸ்ருதிஹாசன் ட்விட்டரில், 64 years of ulaganayagan kamal hassan என்ற தலைப்பில் சிறப்பு போஸ்டர் ஒன்றை வெளியிட்டுள்ளார். அதோடு அவர் பதிவிட்டுள்ள போஸ்டில், " ஏற்றங்கள், இறக்கங்கள், வெற்றிகள், சவால்கள். அவர் அனைத்தையும் பார்த்து விட்டார். ஆனால் எதுவும் உலகநாயகனுக்கும், திரையுலகை உயர்த்துவதற்காக அவர் எடுத்துக் கொண்ட முயற்சிக்கும் இடையே எதுவும் வர முடியவில்லை. 6 தசாப்தங்களாக சினிமாவில் ஈடு இணையற்ற பேரரசராக இருக்கும் அவர் தனது 64 வது ஆண்டில் அடியெடுத்து வைக்கிறார்" என குறிப்பிட்டுள்ளார்.

இந்த போஸ்டர் மற்றும் ஸ்ருதியின் போஸ்டினை ராம்கமல் பிலிம்ஸ் நிறுவனமும் பகிர்ந்துள்ளது. இதற்கு ரசிகர்கள் வாழ்த்து மழை பொலிந்து வருகின்றனர். இதனால் #64YearsOfKamalism, #KamalHaasan ஆகிய ஹேஷ்டேக்குகள் ட்விட்டரில் டிரெண்டாகி வருகின்றன.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Chennai Super Kings no more a champion team?.. தொடர் சொதப்பல் + தோல்விகளால்.. ரசிகர்கள் அதிர்ச்சி!

மீண்டும் ஒரு மோசமான தோல்வியை சந்தித்த சென்னை சூப்பர் கிங்ஸ்.. ரசிகர்கள் கடும் அதிருப்தி!

தமிழ்நாட்டு மக்களின் கோரிக்கைகளை இலங்கை உறுதி செய்ய வேண்டும்: பிரதமர் மோடி இலங்கையில் பேச்சு!

நீட் தேர்வு.. மாணவ மாணவியரின் தற்கொலைகளுக்கு.. தமிழக அரசு என்ன செய்யப் போகிறது: டாக்டர் ராமதாஸ்

தமிழ்நாட்டில்.. நேற்று போலவே இன்றும் மழை தொடரும்.. வெதர்மேன் தகவல்!

தமிழக பாஜக தலைவர் நியமனம் எப்போது?.. 11 ஆம் தேதி அன்று தெரியும்!

எம்புரான் பட இயக்குனர்.. நடிகர் பிரித்விராஜுக்கு வருமான வரித்துறை அதிரடி நோட்டீஸ்

தர்பூசணி விவசாயிகளுக்கு அரசு உரிய இழப்பீடு வழங்க வேண்டும் - நாதக ஒருங்கிணைப்பாளர் சீமான்!

அதிரடியாக மாற்றம் செய்யப்பட்டார்.. சென்னை மாவட்ட உணவு பாதுகாப்புத் துறை அதிகாரி சதீஷ்குமார்!